የአዲስ አበባ ከተማ 20/80 እና 10/90 የጋራ መኖሪያ ቤቶች ምዝገባ የፊታችን ሰኞ ይጀመራል

Jemo condominium

የአዲስ አበባ ከተማ 20/80 እና 10/90 የጋራ መኖሪያ ቤቶች ምዝገባ የፊታችን ሰኞ ይጀመራል ።

የ10/90እና የ20/80 የጋራ መኖሪያ ቤቶች ምዝገባ መርሃ ግብር ከሰኔ 03 እስከ 21/2005 ዓ/ም የሚካሄድ ሲሆን ፥ የ40/60 መርሃ ግብር  ከነሃሴ 5 እስከ 17/2005የሚካሄድ ይሆናል ።

የአዲስ አበባ  ቤቶች ልማት  አስተዳደር ኤጀንሲም ተመዝጋቢዎች ሊያውቃቸው ይግባል ያላቸውን ዝርዝር መረጃዎች ይፋ አደርጓል ።

 

የቤቶቹ ባለቤት ለመሆን የሚያስፈልጉ መስፈርቶች ምን ምን ናቸው ?

እድሜው/ዋ 18 ዓመትና ከዚያ በላይ የሆነና በከተማው ውስጥ ቢያንስ ለሁለት ተከታታይ አመታት የኖረ እና እየኖረ ያለ ፣

የአዲስ አበባ ነዋሪ ሆኖ ለሁለት ተከታታይ አመታት በስራ ወይም በትምህርት ምክንያት ከከተማዋ ውጭ የኖረበትን ህጋዊ ማስረጃ ማቅረብ የሚችል ፣

በ10/90 ወይም አነስተኛ ገቢ ያላቸው ነዋሪዎች የቤት ልማት ፕሮግራም ለመመዝገብ በየወሩ ብር 187 መቆጠብ የሚችል እና የግዴታ ውል የሚገባ ፣

አነስተኛ ገቢ ያለው ስለመሆኑ ተቀጥሮ ከሚሰራበት መስሪያ ቤት የገቢ መጠኑንና የገቢ ግብር ስለመክፈሉ ማስረጃ ማቅረብ የሚችል  ፣

ለነባር 20/80 ተመዝጋቢዎች

በ1997 በተካሄደው ምዝገባ ተመዝግበው ስማቸው በመረጃ ቋት ውስጥ የሚገኝ ፣

በተጠባባቂነት እጣ ወጥቶላቸው ቤቱ ሳይደርሳቸው ስማቸው ከመረጃ ቋት ውስጥ የተሰረዘ ተመዝጋቢዎች ስማቸውን ከተጠባባቂዎች ዝርዝር ውስጥ ማረጋገጥ አለባቸው ፣

ሁሉም ተመዝቢዎች በቅድሚያ የባንክ ቁጠባ የጀመሩና የቁጠባ ሂሳበ ደብተር ኖሯቸው በምዝገባ ወቅት ማቅረብ የሚችሉ መሆን አለባቸው ።

 

ከተመዝጋቢዎች የሚጠበቁ ሌሎች ግዴታዎች

በራሳቸውም ሆነ በትዳር ጓደኛቸው ስም በከተማው ውስጥ የመኖሪያ ቤት መስሪያ ቦታ የሌለው ወይም ከዚህ በፊት ኖሮት ለሶስተኛ ወገን መብቱን ያስተላለፈ ፥ ከዚህ ቀደም የኮንዶሚኒየም ተጠቃሚ ያልሆነ ፣

የሚያገኘውን ገቢ በማስረጃ ማቅረብ የሚችል ፣

ባለትዳር ከሆነ በቤት ልማት አማራጭ ፕሮግራሞች በራሱም ሆነ በትዳር ጓደኛው ስም ከአንድ ጊዜ በላይ አለመመዝገቡን በማስረጃ ማቅረብ የሚችል

የአዲስ አበባ ከተማ ነዋሪ መሆኑን የሚያረጋግጥ ወቅታዊ የነዋሪነት መታወቂያ ያለው ፣

በምዘገባ ወቅት በአካል መቅረብ ባይችል ህጋዊ ውክልና መስጠት የሚችል ።

 

ለምዝገባ የሚያስፈልገው የቁጠባ መጠን

ለነባር 20/80

ላበለ 3 መኝታ ቤት ብር 685

ለባለ2 መኝታ ቤት ብር 561

ለባለ 1 መኝታ ቤት ብር 274

ለስቱዲዮ ብር 151

ከተመዘገቡበት ቀን ጀምሮ ለተከታታይ 5 አመታት መቀጠብ ይኖርባቸዋል።

ለአዲስ 20/80 ተመዝጋቢ

ለባለ 3 መኝታ ቤት ብር 489

ለባለ 2 መኝታ ቤት ብር 401

ለባለ 1 መኝታ ቤት ብር 196

 

የተከለከሉ ድርጊቶች ምንድን ናቸው?

ካሉት የቤት ልማት ፕሮግራሞች ከአንድ ጊዜ በላይ መመዝገብ  ፣

ባልና ሚስት ከሁለት በአንዳቸው ስም ከአንድ ጊዜ በላይ መመዝገብ ፣

እድሜው ከ18 አመት በታች የሆነ ፣

በራሱም ሆነ በትዳር ጓደኛው ስም ቤት ፣ ቤት የመስሪያ ቦታ ወይም የኮንዶሚኒየም ቤት ተጠቃሚ የሆነ

ከአዲስ አበባ ከተማ ውጭ ነዋሪ የሆነ ማንኛውም ሰው ፣

በአስተዳደሩ ከሚዘጋጁ ቅጾች ውጭ በሌላ ቅጽ የምዝገባ ፎርም ማዘጋጀት አይፈቀድም ።

ለ10/90 ተመዝጋቢዎች የመጀመሪያ የቁጠባ መጠን ብር 187 ሆኖ ከተመዘገቡበት ቀን ጀምሮ ሳይቋረጥ ለተከታታይ 2 አመታት መቆጠብ ይኖርባቸዋል

 

ከምዝገባ ስለመሰረዝ

ማንኛውም ተመዝጋቢ ሆን ብሎ ወይም በቸልተኝነት ያቀረበው ማስረጃ ወይም የሞላው ቅጽ የተሳሳተ መሆኑ ከተረጋገጠ ከምዝገባው ይሰረዛል ፣

ማንኛውም ተመዝጋቢ በየወሩ ሊቆጥብ የሚገባውን የገንዘብ መጠን ለተከታታይ 6 ወራት መቆጠቡን ካቋረጠ የቆጠበው ገንዘብ ተመልሶለት ከምዝገባው ይሰረዛል።

ተመዝጋቢው የቀጠበው የገንዘብ መጠን እንዲመለስለት ከፈለግ በባንከ አሰራር መሰረት ይመለስለታል።

በነባር 20/80 የቤት ልማት ፕሮግራም ላይ በ1997 ዓ.ም ተመዝግቦ የነበረና መመሪያ በሚፈቅደው መሰረት በድጋሚ ቀርቦ ያልተመዘገበ ከሆነ በራሱ ፍላጎት ከምዝገባ እንደተሰረዝ ይቆጠራል ።

ለ10/90 ፕሮግራም ከ187 ብር በላይ በወር የመቆጠብ አቅም እያለው በዚሁ ፕሮግራም የተመዘገበ አመልካች መረጃ በተገኘበት ጊዜ ከምዝገባው ይሰረዛል።

ቁጠባው የሚከናወነው በኢትዮጵያ ንግድ ባንክ እና በአዲስ ብድርና ቁጠባ ተቋም ብቻ ነው።

የምዝገባ ቦታ ለሁሉም ፕሮግራሞች በተመዝጋቢው የመኖሪያ ወረዳና በተቋማት ብቻ ይሆናል።

አዲስ አበባ ፣ ግንቦት 27 ፣ 2005 (ኤፍ ቢ ሲ)

 

 

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s