Advertisements

የግብፅ የውጭ ጉዳይ ሚኒስትር አዲስ አበባ ገቡ

የግብፅ የውጭ ጉዳይ ሚኒስትር አዲስ አበባ ገቡ

JUNE 17, 2013 

“የግብፅ የውጭ ጉዳይ ሚኒስትር የኢትዮጵያ ጉብኝታቸውን ሰርዘዋል ተባለ”

ሞሐመድ ካመል አምር - የግብፅ የውጭ ጉዳይ ሚኒስትር

አባይ ወንዝ ላይ እየተገነባ ባለው የኅዳሴ ግድብ ዙሪያ በግብፅ እና በኢትዮጵያ መካከል በተፈጠረው ውዝግብ ላይ ለመነጋገር በግብፅ የውጭ ጉዳይ ሚኒስትር ሞሐመድ ካመል አምር የተመራ ከፍተኛ የልዑካን ቡድን ዛሬ አዲስ አበባ ገብቷል፡፡

ዋሺንግተን ዲ.ሲ.- አዲስ አበባ —

የኅዳሴ ግድብ ንድፍኅዳሴ ግድብ በግንባታ ላይ
አባይ ወንዝ ላይ እየተገነባ ባለው የኅዳሴ ግድብ ዙሪያ በግብፅ እና በኢትዮጵያ መካከል በተፈጠረው ውዝግብ ላይ ለመነጋገር በግብፅ የውጭ ጉዳይ ሚኒስትር ሞሐመድ ካመል አምር የተመራ ከፍተኛ የልዑካን ቡድን ዛሬ አዲስ አበባ ገብቷል፡፡

የኢትዮጵያ የውጭ ጉዳይ ሚኒስቴር ቃልአቀባይ አምባሣደር ዲና ሙፍቲ ማምሻውን ለቪኦኤ በሰጡት መግለጫ የልዑካን ቡድኑ ከኢትዮጵያ አቻው ጋር ነገ ሰኞ፣ ሰኔ 10/2005 ዓ.ም ጠዋት ለውይይት እንደሚቀመጥ ታውቋል፡፡
ለጊዜው ቁጥሩን ባይጠቅሱም የግብፁ ቡድን በርካታ አባላት ያሉት መሆኑን አምባሣደር ዲና አመልክተው ቡድኑ ወደ ኢትዮጵያ የተጓዘው በራሷ በግብፅ ጥያቄ እንደሆነ ገልፀዋል፡፡

ሰሞኑን የግብፅ ባለሥልጣናት በግድቡ ግንባታ ላይ እያሰሙ ያሉትን ነቀፌታና ፕሬዚዳንት ሞሐመድ ሞርሲ ለሕዝባቸው በቴሌቪዥን ባደረጉት ንግግር ያስተላለፉትን ዛቻና ማስፈራሪያ መሰል መልዕክት አስመልክቶ ማብራሪያ ለመጠየቅ የኢትዮጵያ የውጭ ጉዳይ ሚኒስቴር አዲስ አበባ የሚገኙትን የግብፅ አምባሣደር ሁለት ጊዜ ጠርቶ ማነጋገሩንም አምባሣደር ዲና አመልክተዋል፡፡
የሰኞው ውይይት ይጠናቀቃል የተባለው ነገ ረፋድ ላይ በሚደረገው ውይይት ሲሆን ማራዘም አስፈላጊ ሆኖ ካልተገኘ በስተቀር የቡድኑ ጉብኝት የተያዘው ለአንድ ቀን ብቻ መሆኑን የውጭ ጉዳዩ ቃልአቀባይ ገልፀዋል፡፡

Source/voa.com

የግብፅ የውጭ ጉዳይ ሚኒስትር የኢትዮጵያ ጉብኝታቸውን ሰርዘዋል ተባለ

JUNE 15, 2013 LEAVE A COMMENT

የታላቁ ህዳሴ ግድብ ግንባታ አካል የሆነው የአባይ ወንዝ አቅጣጫ የማስቀየር ስራ መከናወኑንና በግብፅ በሱዳን እና
በኢትዮጵያ የተቋቋመው የኤክስፐርቶች ቡድንን ሪፖርት ይፋ መደረግን ተከትሎ ከግብፅ በኩል እየተሰሙ ያሉ ጉዳዮችን በሚመለከት የመንግስታቸውን አቋም እንዲያብራሩ ከውጪ ጉዳይ ሚኒስቴር ጥያቄ የቀረበላቸው በኢትዮጵያ የግብፅ አምባሳደር እስከአሁን ማብራሪያቸውን አላቀረቡም፡፡

የግብፅ የውጭ ጉዳይ ሚኒስትር መሀመድ ከማል አሚር፤ በግድቡ ዙሪያ ከኢትዮጵያ ጋር ለመወያያት
በቀጣዮቹ ቀናት አዲስ አበባ እንደሚገቡ የተለያዩ ሚዲያዎች የዘገቡትና በኢትዮጵያም በኩል እንደሚመጡ መረጃው ያለ ቢሆንም፣ በተባለው መሠረት ይመጣሉ ተብሎ እንደማይጠበቅ ከም ንጮቻችን ለመረዳት ችለናል፡፡ በሁለቱ አገሮች መካከል ስላለው ጉዳይ ሰሞኑን ማብራሪያ የሰጡት የአፍሪካ ህብረት ኮሚሽነር ዲላሚኒ ዙማ፤ ኢትዮጵያና ግብፅ ችግሮቻቸውን በውይይት እንዲፈቱ አሳስበዋል፡፡

ግብፅ በ1929 እና በ1959 የተፈረሙ ስምምነቶችን መሰረት በማድረግ “ታሪካዊ መብቴ ነው” በማለት ትሟገታለች፤ ሌሎቹ የተፋሰሱ አገሮች ደግሞ በ2010 የተፈራረሙትን በወንዙ ላይ የግብፅን ፈቃድ ሳይጠይቁ ለመስራት ተስማምተዋል ያሉት ኮሚሽነሯ፤ ጉዳዩ በአዲሱ ስምምነት እንጂ በቅኝ ገዢዎች ዘመን በተደረገው ስምምነት መታየት የለበትም ብለዋል፡፡ በሌላ በኩል የሱዳን የውጪ ጉዳይ ሚኒስቴር አሊ አህመድ ከርቲ፤ ሰሞኑን አዲስ አበባ በመምጣት ከጠቅላይ ሚኒስትር ሀይለማርያም ደሳለኝ ጋር ባደረጉት ውይይት፣ ሱዳን የኤክስፐርቶች ቡድን ያቀረበውን ሪፖርት እንደተቀበለችውም
አስታውቀዋል፡፡
የነጭ አባይ ምንጭ የሆነችው የዩጋንዳ ፕሬዚደንት ዩዌሪ ሙሴቬኒ በበኩላቸው፤ በግብፅ ላይ መረር ያለ ትችት ሰንዝረዋል፡፡ የግብፅ መሪዎች፤ የቀድሞው አመራሮችን የተጣመሙ ፖሊሲዎች መከተል እንደሌለባቸውና የግድቡ መሰራት ለሌሎች አገራት ስጋት ሊሆን እንደማይችል ፕሬዚዳንቱ ተናግረዋል፡፡ ማንኛውም አፍሪካዊ
ግብፅ እንድትጎዳ አይፈልግም፤ ይሁን እንጂ ግብፅም ጥቁር አፍሪካውያንን መጉዳቷን መቀጠል የለባትም
ብለዋል – ሙሴቬኒ፡፡
ይህ በእንዲህ እንዳለ የሱዳኑ ፕሬዚደንት አልበሽር፤ ለሶስት ቀን የሚቆይ ጉብኝት ለማድረግ ከትናንት በስቲያ ኤርትራ የገቡ ሲሆን የፕሬዚደንት ጉዳዮች ሚኒስትር፤ የውጪ ጉዳይ ሚኒስትር እና የፀጥታ እና የደህንነት ሚኒስትሮቻቸው አብረው መጓዛቸውንም ለማወቅ ተችሏል፡፡ የመንግስታቱ ድርጅት ዋና ፀሃፊ ባንኪሙን
የሁለቱን ሀገሮች መሪዎች በቀጣዮቹ ሁለት ቀናት በስልክ እንደሚያነጋግሩ ይጠበቃል፡፡

 

Sorce:abbymidya.com

Free Freedom Alone

Advertisements

Leave a Reply

This site uses Akismet to reduce spam. Learn how your comment data is processed.

%d bloggers like this: