Advertisements

የዞን ዘጠኙ የድረ ገጽ ፀሐፊ በፍቃዱ ኃይሉ በድጋሚ ታሰረ “በአስቸኳይ አዋጁ ሳቢያ ጠበቃ ማቆም አይችልም”

የዞን 9 የድረ ገጽ ጦማሪ በፈቃዱ ከመገናኛ በዙሃን ጋር ቃለ ምልልስ መስጠቱን አስመልክቶ ጥያቄ እንደቀረበለት ቪኦኤ ገለጸ። በሌላም በኩል አሁን አገሪቱ በአስቸኳይ አዋጅ ስር በመውደቋ በፍቃዱ ጠበቃ ማቆም አይችልም ሲል ራዲዮው ሶሊያናን ጠቀሶ አስታውቋል። ። ፖሊስ መርጃ እንዲሰጥ በስልክ ተጠይቆ በአካል ” በአካል ተገኙ” መባሉን ሬዲዮው አመልክቷል። በፈቃዱ በየካ ፖሊስ ጣቢያ ለመታሰሩ ማረጋገጫ ከፖሊስ ማግኘቱንም ጠቁሟል። የኮማንድ ፓስቱ በሰጠው ትዕዛዝ ሳቢያ ሊታሰር መቻሉን በወቀቱ እንደተነገረው ባልደረባው ሶሊያና አመልክታለች። ከመንግስት ወገን በይፋ የተሰጠ መግለጫ ባለመኖሩ በዘገባው ማካተት አልተቻለም። የመንግስት መገናኛዎችም የጻፉት ነገር ባለመኖሩ ዜናውን አስመልክቶ ከምንግስት ወገን ያለውን አቋም ማካተት አልተቻለም።

የጀርምን ሬዲዮ የሚከተለውን ዘግቧል

ዞን ዘጠኝ በሚል ስያሜ ከሚታወቁት የድረ-ገጽ ጸሐፍት መካከል በፍቃዱ ኃይሉ በድጋሚ ታሰረ። የድረ ገፅ ፀሐፊዉ ዛሬ ማለዳ ከመኖሪያ ቤቱ በፀጥታ ኃይሎች ለጥያቄ ትፈለጋለህ ተብሎ መወሰዱን መረጃዉ የደረሳቸዉ ለዶቼ ቬለ ገልጸዋል።


አውዲዮውን ያዳምጡ።02:49
በአሁኑ ሰዓትም በየካ ክፍለ ከተማ ፖሊስ ጣቢያ ታሥሮ እንደሚገኝ ለመረዳት ተችሏል። በፍቃዱ ኃይሉ ከዞን ዘጠኝ የድረ ገጽ ፀሐፍት እና ከሦስት ጋዜጠኞች ጋር ከሁለት ዓመታት በፊት በሽብር ወንጀል ተጠርጥሮ ከዓመት ከስድስት ወራት እስራት በኋላ በ20 ሺህ ብር ዋስ ከተለቀቀ ጥቂት ወራት ተቆጥረዋል።የፌደራል ከፍተኛዉ ፍርድ ቤት በወቅቱ የበፍቃዱን ክስ ወደ አመፅ ማነሳሳት የቀየረዉ ሲሆን አቃቤ ሕግ በእሱና በሌሎች ባልደረቦቹ ላይ ይግባኝ ጠይቋል። የእሱ እና የሌሎች ባልደረቦቹ ጉዳይም የፊታችን ማክሰኞ በጠቅላይ ፍርድ ቤት እንዲታይ ተቀጥሯል። በዛሬ ዕለት ደግሞ በማለዳ ከሚኖርበት ፈረንሳይ ለጋሲዮን አካባቢ  በፀጥታ ኃይሎች ለጥያቄ ይፈለጋል ተብሎ መወሰዱን ከቤተሰቦቹ እና ከጓደኞቹ መስማቱን ፤ ከዞን ዘጠኝ የድረ ገጽ ጸሐፍት አንዱ አጥናፉ ብርሃኔ ገልፆልናል።
በድረ ገጽ ጸሐፊነት፣ ደራሲነት እና በመብት ተሟጋችነት የሚታወቀዉ በፍቃዱ ኃይሉ በፀጥታ ኃይሎች በመጀመሪያ የተወሰደዉ በሚኖርበት ፈረንሳይ አካባቢ ወደሚገኝ «ማቆያ ስፍራ» ተብሎ ወደሚጠራ እስር ቤት  እንደነበር ለመረዳት ተችሏል።ዛሬዉኑ ከቀጥር በኋላ  ወደ የካ ክፍለ ከተማ ፖሊስ መምሪያ መዛወሩ የተሰማ ሲሆን ለጥያቄ ትፈለጋለህ ተብሎ የተወሰደበት ምክንያት ግን አለመታወቁን የድረ ገጽ ጸሐፊዉ አጥናፉ ብርሃኔ አመልክቷል። በፍቃዱ ኃይሉ ከባልደረቦቹ የዞን ዘጠኝ የድረ ገጽ ጸሐፍት ጋር በጋራ ከተለያዩ ዓለም አቀፍ የሰብዓዊ መብት ተቆርቋሪ ድርጅቶች ሽልማቶችን አግኝቷል። የዓለም ዓቀፍ የድረ ገጽ ጸሐፍት እና ተርጓሚዎች ጥምረት አባል የሆነዉ በፍቃዱ፤ በግሉም ከአራት ዓመታት በፊት ቡርት የተሰኘዉን የአፍሪቃ የስነጽሑፍ ሽልማት ችልድረንስ ኦፍ ዜር ፓረንትስ /የወላጆቻቸዉ ልጆች/ በሚል ርዕስ በጻፈዉ ልብ ወለድ መጽሐፍ በሦሶስተኛ ደረጃነት ተሸልሟል።
ሸዋዬ ለገሠ  ነጋሽ መሐመድ ዶቼ ቬለ  http://www.dw.com/am/

Advertisements

Leave a Reply

This site uses Akismet to reduce spam. Learn how your comment data is processed.

%d bloggers like this: