Advertisements

20 ቀላል አውሮፕላኖች ጋምቤላ አየር ጣቢያ መያዛቸውን ተከትሎ አሜሪካ ድርድር ጀመረች

 አውሮፕላኖቹ ከተለያዩ ዓለማት የተውጣጡ ቡድኖቸ በ35 ቀናት ወስጥ 37 ጊዜ በማረፍ አስር አደሮችን ለማቋረጥ የሚያደርጉት እንደሆነ ቪኦኤ አመልክቷል። አሜሪካ ዜጎቿን አስመልክቶ ከባለስልጣናት ጋር በመነጋገር ላይ መሆናቸውን ኤምባሲው አመልክቷል። ፋና እንዲህ ይላል

ከሁለት ቀን በፊት 20 ቀላል የሲቪል አውሮፕላኖች ከሱዳን ተነስተው የኢትዮጵያን ድንበር ያለፍቃድ አቋርጠው መግባታቻውን የኢትዮጵያ ሲቪል አቪዬሽን ባለስልጣን አስታውቋል።

አውሮፕላኖቹ በአሁኑ ጊዜም በጋምቤላ አውሮፕላን ማረፊያ እንዲያርፉ መደረጋቸውን ነው ባለስልጣኑ የተገለፀው።

የኢትዮጵያ ሲቪል አቪዬሽን ባለስልጣን ዋና ዳይሬክተር ኮሎኔል ወሰንየለህ ሁነኛው ዛሬ በሰጡት መግለጫ፥ በአሁኑ ወቅት እነዚህ ተልዕኳቸው ያልታወቀና ቀድመው ወደ ኢትዮጵያ የአየር ክልል ለመገባት ፍቃድ ያልጠየቁት ቀላል አውሮፕላኖች ማንነትና የኢቲዮጵያን አየር ክልል የመጣሳቸው ምክንያት እየተጣራ ነው ብለዋል።

እንዲሁም ተያያዥ ጉዳዮችን በተመለከተ ከባለስልጣኑ መስሪያ ቤቱና ከሚመለከታቸው አካላት ጋር በመሆን ምርመራ እየተካሄደ ይገኛል ሲሉም ተናግረዋል።

ዋና ዳይሬክተሩ አያይዘውም አጠቃላይ የምርመራ ውጤቱ ከተጠናቀቀ በኋላ መንግሰት ጉዳዩን ለህዝብ ይፋ እንደሚያደርግ መግለፃቸውን ባለስልጣኑ ያደረሰን መግለጫ ያመለክታል።

Advertisements

Leave a Reply

This site uses Akismet to reduce spam. Learn how your comment data is processed.

%d bloggers like this: