Advertisements
Wed. Sep 26th, 2018

በትግራይ ክልል መምህራን የመኖሪያ ቤት መስሪያ ቦታ እንዲሰጣቸው ተወሰነ፤ – የገንዘብ እጥረት ካጋጠመ ብድር እንዲያገኙ ተመቻችቷል

በትግራይ ክልል መምህራን የመማር ማስተማር ስራቸውን በአግባቡ ማከናወን እንዲችሉ የመኖሪያ ቤት መስሪያ ቦታ እንዲሰጣቸው ተወሰነ። የክልሉ ንግድ ኢንዱስትሪና ከተማ ልማት ቢሮ ምክትል ሀላፊ አቶ አታክልት ገብረ ህይወት ውሳኔውን ተግባራዊ ማድረጊያ መመሪያ ተዘጋጅቷል ብለዋል።

በዚህም በክልሉ የሚገኙ መምህራን የጋራ መኖሪያ ቤቶችን የሚያገኙበት እንዲሁም በተናጠል የመኖሪያ ቤት ለመስራት አቅሙ ላላቸውም በነብስ ወከፍ 140 ካሬ ሜትር ቦታ እንዲሰጣቸው እንደሚደረግ ነው አቶ አታክልት የተናገሩት ። የቤት መስሪያ ቦታ ለማግኘትም እንደየከተሞቹ እድገትና ስፋት መምህራኑ ከ50 ሺህ ብር እስከ 110 ሺህ ብር መቆጠብ ይጠበቅባቸዋል።

በግንባታ ሂደት ላይ ለሚያጋጥማቸው የገንዘብ እጥረትም ከባንክና ማይክሮ ፋይናንስ ተቋማት ብድር እንዲያገኙ ለማድረግ መታቀዱም ነው የተገለፀው። የቴክኒክና ሙያ መምህራንም የመርሀ ግብሩ ተጠቃሚ ይሆናሉ ተብሏል።አዲስ አበባ፣ ህዳር 30፣ 2009 (ኤፍ.ቢ.ሲ)

በትግራይ ክልል በቴክኒክ ትምህርትና ስልጠና ተቋማት ያሉትን ሳይጨምር በአንድኛና ሁለተኛ ደረጃ ከ37 ሺህ በላይ መምህራን እንደሚገኙ ከክልሉ ትምህርት ቢሮ የተገኘው መረጃ ያመለክታል ብሏል ኢዜአ በዘገባው።

Advertisements

Leave a Reply

This site uses Akismet to reduce spam. Learn how your comment data is processed.

You may missed

%d bloggers like this: