Advertisements
Wed. Sep 26th, 2018

ከ150 በላይ የሰማያዊ ፓርቲ አባላትና አመራሮች ታስረዋል፤ ቤተስብም ሆነ ድርጅታቸው ያሉበትን ሁኔታ እንያውቁም፤ ” አስቸኳይ አዋጁ የፖለቲካ እንቅስቃሴን አይገድብም” መንግስት

በውስጥ ችግር የሚናጠው ሰማያዊ ፓርቲ አባላቱና አመራሩ ላይ እስር ተጠናከሮ መቀጠሉን ፕሬዚዳንቱ ኢንጂነር ይልቃል ጌትነት ገለጹ። ኢንጂነሩ ለጀርመን ሬዲዮ እንዳስታወቁት በባህር ዳርና በደቡብ ወሎ ሀይቅ ከዚህ ቀደም ከታሰሩት በተጨማሪ ሰባት የፓርቲው አመርስሮች ህዳር 27 እና 28 ታስረዋል።የታሰሩት አባሎቻቸውና አመራሮቻቸው የታሰሩበት ምክንያት እስካሁን አይታወቅም።
የደረሳቸውን መረጃ ዋቢ በማድረግ ስም ጠቀሰው የተናገሩት የፓረቲው መሪ ” ህግ አለ ብለው ለማህበረሰባቸው የሚታገሉ ዜጎች ህይወት አሳዛኝ እየሆነ ነው” ሲሉ በተቆራረጠ ድምጽ ተናገረዋል። ታሳሪዎቹን ” ህይወታቸው ተሰናክሏል። ቤተሰባቸውም ተበትኗል። በእንዲህ ሁኔታ ነው ያሉት” በማለት የጉዳዩን አሳሳቢነትና እስሩ በማህበራዊ ኑሮ ላይ እያስከተለ ያለውን ሰንካ አሳይተዋል።
በተለያዩ የጦር ካምፖች፣ ብር ሸለቆ፣ ጦላይ፣ አዋሽ አርባ፣ እና የተለያዩ ማከማቻዎች ውስጥ አሉ ከመባሉ ውጪ ፓርቲያቸውም ሆነ ቤተሰቦቻቸው በምን ሁኔታ ላይ እንደሚገኙ መርጃ እንደሌለው አኢንጂነር ይልቃል አመልክተዋል።
የኢትዮጵያ መንግስት ባለፈዉ መስከረም ማብቂያ የአስቸኳይ ጊዜ አዋጅ ከደነገገ ወዲሕ ብቻ ከአንድ መቶ ሐምሳ በላይ የፓርቲዉ መሪዎችና አባላት መታሰራቸውን ይፋ አድርገዋል። በዜናው የምንግስት ምላሽ አልተካተተም። ይሁን እንጂ ሰሞኑን በቪኦኤ ቀርበው ሰፊ ምላሽ ሲሰጡ የነበሩት የመንግስት አፈ ቀላጤ ነገሪ ሌንጮ ታስረው ከነበሩት ውስጥ የተለቀቁ መኖራቸውን አመልክተው፣ አሁን ለጊዜው አሃዙ በእጃቸው እንደሌለ በመግለጽ ወደፊት በዚህ ጉዳይ ላይ መረጃ እንደሚሰጡ ማመልከታቸው ይታወሳል። ጠቅላይ ሚኒስትር ሃይለማርያም ደሳለኝ በበኩላቸው ” የአስቸኳይ አዋጁ በፖለቲካ ፓርቲዎች ተግባር ላይ ምንም ዓይነት ተጽዕኖ አይፈጥርም” በለው መናገራቸው አይዘነጋም።
በተመሳሳይ ዜና አብዛኞች ቤተሰቦች ለጆቻቸውን ወይም የቤተሰባቸውን አባል ለመጠየቅ መቸገራቸውን፣ በዚህም የተነሳ ጭንቀት ውስጥ መሆናቸውን በተለያዩ ሚዲያዎች በመናገር ላይ ናቸው።

Advertisements

Leave a Reply

This site uses Akismet to reduce spam. Learn how your comment data is processed.

You may missed

%d bloggers like this: