Advertisements
Fri. Sep 21st, 2018

121 ተከሳሾች ነገረ ፈጅ አንፈልግም አሉ፤ ተከሳሾቹ ” የታሰርነው በግፍ ነው” በማለት ችሎት ላይ በአንድነት ተናግረዋል

ዛጎል ዜና፡- “ጠበቃችን እግዚአብሄር ነው፤ ጠበቃችን ገብርኤል ነው” ሲሉ መልስ ሰጡ። ዳኛው ” ግብርኤል ማን ነው? እዚህ አለ?” ሲሉ ጠየቁ። ታሳሪዎቹ አምላካቸው እንደሆነ መለሱ። ዳኞች ወደ ችሎት ሲገቡ ሁሉም እስረኞች ተነሱ። ከመካከላቸው አንድ ሰው የህሊና ጸሎት እንዲደረግ መዕክት አሳለፈ። ሁሉም ለዳኞቹ እንደተነሱ የህሊና ጸልት ማድረግ ቀጠሉ። ዳኛው በችሎት ፊት እንደማይቻል ቢናገሩ፣ ቢገስጹ፣ ቢቆጡ ሰሚ አልንበረም። ጸሎታቸውን ሲጨርሱ ተቀመጡ። ይህ የሆነውበ ዛሬ የፌደራል ከፍተኛው ፍርድ ቤት ሦስተኛ ወንጀል ችሎት ውስጥ ነበር።

ድምጿ እንዲቀየር ጠይቃ በችሎት የታዘበችውን የመሰከረች አንድ የእስረኛ ቤተሰብ እንዳስረዳቸው ችሎቱ ተተራምሶ ነበር። ታሳሪዎች ታሳሪዎቹ ሸዋሮቢት በነበሩበት ጊዜ መሰቃየታቸውን፣ አሁንም አጅበው ያመጡዋቸው ሲገርፏቸው የነበሩ እንደሆኑ፣ የታሰሩትና የሚሰቃዩት ያለአግባብ መሆኑን፣ ለመግለጻቸውም ባሻገር ተራ በተራ ለመናገር ሲጠየቁ ዳኛው ፈቃድ ከልክለው ስለነብር ሁሉም ብሶታቸውን ሲናገሩና ችሎቱ ሲረበሽ ዳኛው ምልክት ሰጥተው ዱላ የያዙ የፌደራል ፖሊስ አባላት ወደ ችሎት ገብተዋል።

የቂሊንጦ ማረሚያ ቤትን አቃጥላችኋል የተባሉና እነ ያሬድ ሁሴን በሚል የክስ መዝገብ አዲስ ክስ የተመሰረተባቸው 121 እስረኞች ናቸው። ተከሳሾቹ በፌደራል ከፍተኛ ፍርድ ቤት ሦስተኛ ወንጀል ችሎት ቀርበው የተመሰረተባቸው ክስ ረሽም በመሆኑ ዛሬ ሲነበብ ነው የዋለው። ዛሬ ዜናው በተጻፈበት እለት  ቀኑን ሙሉ ክስ የመስማት ሂደት ቢከናወነም፣  ክስ በሚሰማበት ወቅት ተከሳሾቹ ባሰሙት አቤቱታ በችሎቱ መረባበሽ የተነሳ ለመጋቢት 4 ቀን 2009 ተቀጥሯል።

ከዛሬ አምስት ወር በፊት ቅዳሜ ነሐሴ 28 ቀን 2008 ዓ.ም  በቂልንጦ ማረሚያ ቤት ድንገት በተነሳ የእሳት ቃጠሎ 23 ሰዎች ህይወታቸው እንዳለፈ  ይፋ ማድረጉ ይታወሳል። ከቃጠሎው ጋር በተያያዘ ቀደም ሲል ክስ የተመሰረተው በ38 ተጠርጣሪዎች ላይ ነበር። ዛሬ ይፋ እንደተደረገው  ተከሳሾቹ ከቀረበባቸው የክስ ዝርዝር ውስጥ እስረኞችን እሳት ውስጥ ወርውሮ መጨመር እና በፌሮ ብረት ቀጥቀጦ መግደል የሚሉት ክሶች ይገኙበታል።

በጥቅሉ አስራ አንድ መደበኛ የወንጀል ክሶች የተመሰረተባቸው ሲሆን በአመጽና ንብረት ማውደምም የሚሉ ዝርዘር ክሶችም ተካተዋል። ወደመ የተባለው ንብረትም 15 ሚሊዮን ብር የተገመተ ነው። ተከሳሾሹ የሽብር ክስ እንዳልተመሰረተባቸው ቃላቸውን ለቪኦኤ ዘጋቢ ጽዮን ግርማ ከሰጡት ጠበቃ አቶ ሰዒድ አብደላ ገለጻ ለመረዳት ተችሏል።

ምስል ቂሊንጦ እስር ቤት ሲቃጠል፤ ዜናው የተጠናከረው ከቪኦኤ ዘግባ ነው፤

Advertisements

Leave a Reply

This site uses Akismet to reduce spam. Learn how your comment data is processed.

You may missed

%d bloggers like this: