Advertisements
Sun. Sep 23rd, 2018

ኢትዮጵያ ሳተላይት ለማምጠቅ ጥያቄ አቅርባለች- 13 ሚሊየን ዩሮ ስምምነት ተፈራርሟል

 ኢትዮጵያ የኮሙዩኒኬሽን ሳተላይት ለማምጠቅ ለአለም አቀፉ የሳተላይት ድርጅት ጥያቄ አቅርባ ምላሽ እየጠበቀች ነው።

የኢንፎርሜሽን መረብ ደህንነት ኤጀንሲም በኮሙዩኒኬሽን ማምጠቅ ዙሪያ የማማከር አግልሎት ከሚሰጠው ዩ ቴል ሳት ከተባለው የፈረንሳይ ኩባንያ ጋር ስምምነት በ13 ሚሊየን ዩሮ ስምምነት ተፈራርሟል። በስምምነቱ መሰረት ዩ ቴል ሳት የቅድመ እና ድህረ ሳተላይት ማምጠቅ ጉዳዮች ላይ የማማከር አገልግሎት ይሰጣል።

የኢንፎርሜሽን መረብ ደህንነት ኤጀንሲ የኢንፎርሜሽን ኮሙዩኒኬሽን ዳይሬክተር አቶ መሃመድ እድሪስ እንደተናገሩት፥ ኢትዮጵያ ለማምጠቅ ያሰበቺው ሳተላይት ለቴሌኮሙዩኒኬሽን እና ለቴሌቪዥን ስርጭት አገልግሎት መጠቀም የሚያስችል ነው፡፡

ይህ ፕሮጀክትም አሁን ላይ ሀገሪቱን ለሳተላይት ኪራይ እያስወጣት ያለውን እስከ 1 ቢሊየን ብርን ያስቀርላታል ነው የተባለው፡፡ ከዚህም ባሻገር ደህንነቱ የተጠበቀ የመረጃ ቅብብሎሽ እንዲኖር ያስችላልም ነው ያሉት ዳይሬክተሩ፡፡

ሳተላይቱን ለማምጠቅ ከሁለት ዓመት በፊት ሂደቱ የተጀመረ ሲሆን፥ ዛሬ የተፈረመው ውልም ለፕሮጀክቱ እውን መሆን ከፍተኛ አስተዋጽኦ ይኖረዋል ተብሏል፡፡ ይህን ለመተግበር ግን ከዓለም አቀፉ የተሌኮሙዩኒኬሽን ማህበር ፈቀድ ማግኘት ይጠበቅባታል፡፡

ይህም ማለት ሀገሪቱ ለህብረቱ ፍሪኩዌንሲ እና የሳተላይት ማስቀመጫ ቦታ እንዲሰጣት የሚያስችል ጥያቄን ከአንድ ዓመት በፊት አቅርባለች፡፡ ከዚህ ጎን ለጎን የህግ ማዕቀፎች የሚያስፈልጉ ሲሆን፥ ህብረቱም ጥያቄ ያቀረቡለትን ሀገራት ጥያቄ ካላችሁ ብሎ የተወሰነ ጊዜ እየጠበቀ ነው።

ከዚህ አንጻርም ህብረቱ የሚስፈልጉትን ጉዳዮች በማገናዘብ ፈቃድ የሚሰጣት ይሆናል ተብሎ ይጠበቃል፡፡ ፈቃዱን ካገኘች በኋላ ሳተላይቱን ከሚያመጥቅ ድርጅ ጋር በመስማማት ሳተላይቱን የምታመጥቅ ይሆናልም ብለዋል አቶ መሃመድ፡፡

ይህ እውን ከሆነም ሃገሪቱ የምትከፍለውን ኪራይ ከማስቀረት ባሻገር ለሌሎች ሀገራት እና ድርጅቶች የምታከራይ ይሆናል ብለዋል፡፡ በአፍሪካ ግብጽ እና ደቡብ አፍሪካን ጨምሮ አራት ሃገራት የኮሙዩኒኬሽን ሳተላይት አላቸው።

 (ኤፍ ቢ ሲ)

Advertisements

Leave a Reply

This site uses Akismet to reduce spam. Learn how your comment data is processed.

You may missed

%d bloggers like this: