መንግስት”ተቃዋሚዎች”አልተግባቡም አለ፤ ከሃያ አንዱ “ፓርቲዎች”ዘጠኝ አልተገኙም ፤ ለምን?

ዛጎል ዜና – በጋራ ተወያየተው አንድ አቋም ለመያዝ ቀነ ቀጠሮ ከያዙት ሃያ አንድ ፓርቲዎች መካከል ዘጠኙ በስብሰባው ላይ አለመገኘታቸው ሲጠቆም ቀሪ አስራ ሁለቱ መስማማት አልቻሉም ተብሏል። ግልጽ መረጃና የዜናውን ባለቤቶች ያልተጠቀሰው ዜና ከመድረክ ውጪ እነማን በምን ምክንያት ስብሰባው ላይ እንዳልተገኙ አልታወቀም። ተሰበሰቡ የተባሉትም ድርጅቶች በምንና እንዴት ሊስማሙ እንዳልቻሉ የተድበሰበሰ ነው።
የድርድር ሃሳብ ከተሰማበት ጀምሮ ተስፋ ያልተጣለበት የተቃዋሚዎች ጉባኤ ሳይራመድ በችግር መተብተቡ ከፓርቲዎቹ አፈጣጠርና ነጻ ያለመሆን ጋር እንደሚገናኝ ነው በርካቶች እየገለጹ ያሉት። በተለይም በምርጫ ቦርድ ድጋፍና በኢህአዴግ ትዕዛዝ ከዋናው ባለቤቶች ተነጥቀው ህዝብ ለማይደግፋቸው ግለሰቦች የተላለፉት፣ ሲጀመር ጀምሮ በ ” ነጻ” ፓርቲ ስም ኢህአዴግ ያደራጃቸው ፓርቲዎች ጠቂትም ቢሆኑ በንጻነት ለመንቀሳቀስ ደፋ ለሚሉት እንቀፋት ሆነዋል።
ፋና ኢዜአን ጠቅሶ እንዲህ ዘግቦታል
በተለያዩ ጉዳዮች ላይ ከኢህአዴግ ጋር ለመደራደር ከቀረቡት ሀገር አቀፍ ተቃዋሚ የፖለቲካ ፓርቲዎች መካከል 12ቱ ለብቻቸው ተገናኝተው ባደረጉት ውይይት ከስምምነት ሳይደርሱ ተለያዩ።

ከኢህአዴግ ውጭ በድርድሩ ሂደት ዙሪያ ለመወያየት ቀነ ቀጠሮ ከያዙት 21 ተቃዋሚ የፖለቲካ ፓርቲዎች መካከል መድረክን ጨምሮ ዘጠኙ ፓርቲዎች ባልታወቀ ምክንያት በቀጠሯቸው መሰረት አለመገኘታቸው ነው የተገለጸው።

ፓርቲዎች ከኢህአዴግ ጋር አስፈላጊና መሰረታዊ በሆኑ አገራዊ ጉዳዮች ዙሪያ ለመደራደር የሚያስችል ረቂቅ ሰነድ ለማዘጋጀት በጋራ ውይይት ሲያደርጉ ቆይተዋል።

እስካሁን በተደረጉ ውይይቶች በመደራደሪያ ረቂቅ ሰነዱ ዓላማ ላይ ከስምምነት ቢደርሱም በሰነዱ ስያሜ እና ሌሎች ዝርዝር ጉዳዮች ላይ መስማማት ተስኗቸው ቆይተዋል።

ተቃዋሚ የፖለቲካ ፓርቲዎች ከኢህአዴግ ጋር መደራደር የሚችሉት ፓርቲዎቹ በተናጠል የየራሳቸውን የመደራደሪያ አጀንዳ በማቅረብ፣ 21ዱ ፓርቲዎች በጋራ ተስማምተው የጋራ አጀንዳ በመቅረፅ እንዲሁም “የራሴ ለየት ያለ አጀንዳ አለኝ” የሚል የፖለቲካ ፓርቲ በግል በሚያቀርበው የመደራደሪያ ሃሳብ በሚሉ ሶስት መንገዶች ነው።

በመሆኑም 21 አገር አቀፍ የፖለቲካ ፓርቲዎች ከኢህአዴግ ጋር ለመደራደር “በቅንጅት ወይስ በተናጠል” በሚለው ላይ ሁሉም ፓርቲዎች ባሉበት መስማማት ባለመቻላቸው ተቃዋሚ የፖለቲካ ፓርቲዎች ብቻቸውን ተወያይተው ስምምነት ላይ ለመድረስ ዛሬ በቀጠሮ ተገናኝተዋል።

የተገኙት ተቃዋሚ የፖለቲካ ፓርቲዎች ሁሉም ሳይሟሉ ተስማምቶ ውሳኔ ላይ መድረስ ስለማይችሉ አብዛኞዎቹ በተናጠል ጥቂቶቹ አንድነት ፈጥሮ በመደራደር፤ የመላው ኦሮሞ ህዝቦች ዴሞክራሲያዊ ፓርቲ (መኦህዴፓ) ደግሞ ከሁለቱም ሳይመርጥ የየራሳቸውን አቋም አቅርበው ሳይስማሙ ተለያየተዋል።

ኢህአዴግን ጨምሮ 22ቱ ፓርቲዎች በቀጣይ መጋቢት 9 ቀን 2009 ዓ.ም በሚገናኙበት ወቅት ሁሉም የተቃዋሚ ፓርቲዎች ተነጋግረው መስማማት ከቻሉ አንድነት ፈጥረው መስማማት ካልቻሉ በተናጠል ለመደራደር ቀነ ቀጠሮ ይዘዋል።

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s