በለውጥ እንደገና መወለድ

ንስር አሞራ እስከ ሰባ ዓመት በሕይወት የመኖር ጸጋ ተሠጦታል። ነገር ግን ይህን 70 ዓመት የዕድሜ ፀጋን አጣጥሞ ለመኖር አርባኛ ዓመቱ ላይ በሕይወቱ ወሳኝ የሚባል ውሳኔን ማሳለፍ ይጠበቅበታል። ይኸውም ንስሩ አርባኛ ዓመት ዕድሜው ላይ እነዛ ረዥምና እንደልብ የሚተጣጠፉት ጥፍሮቹ እንደ እንጨት ይገራሉ። ስል የነበረው ማቁርቱም ወደ አንገቱ ይታጠፍና ምግቡን አንድኖ እንዳይዝ ያግደዋል። የገረጀፉት ላባዎቹም ከደረቱ ላይ ተጣብቀው የመብረር ሥራውን አስቸጋሪ ያደርጉበታል። በዚህ ወቅት ንስሩ ሁለት ወሳኝ አማራጮች ይጠብቁታል። አንድም ሞትን አሜን ብሎ መቀበል ወይም ደግሞ አንድ መቶ ሃምሳ ቀናት ሚፈጅን ፈታኝ የለውጥ ሂደት ማካሄድን። በለውጡ ሂደት ለማለፍ ከወሰነ ቀጣዮችን ተግባራት መፈጸም ይጀምራል። በመጀመሪያ ንስሩ ከፍ ብሎ ከወጣ ተራራ አለት ላይ ይቀመጥና የታጠፈውን ማንቁርቱንና ጥፍሮቹን  ከአለቱ ጋር ደጋግሞ በመምታት ወልቀው እንዲወድቅ ያደርጋል።

የገረረውና የታጠፈውን ማንቁርት እንዲሁም ጥፍሮቹን አውልቆ ከጣለ በኋላ ከስር የወጣው ሙሽራ ማንቁርትና ጥፍር እስኪጠነክር ድረስ ለቀናቶች ይታገሰዋል። ማቁርቱና ጥፍሮቹ ከጠነከሩ በኋላ ቀጣይ የሚጠብቀው ተግባር የደረቁትና ከደረቱ ጋር ተጣብቀው እንደልብ ከመብረር ያገዱተን ላባዎች እየነጨ በማራገፍ በአዲስ እንዲተኩ ማድረግ ነው። ይህን እልህ አስጨራሽና አንድ መቶ ሃምሳ ቀናት ወይም አመስት ወራት የፈጀውን የለውጥ ጉዞ ካካሄደ በኋላ ዳግም ውልደቱን የሚያበስር ቀጣይ ሰላሳዎቹን ዓመታትም በትኩስ ኃይል መኖር የሚያስችል ለውጥ አደረገ ማለት ነው። በዚህ ሁኔታም የዳግም ውልደቱን በረራ ወደ ሰማይ ተነጥቆ ይጀምራል።

ብዙውን ጊዜ አዳዲስ ክስተቶችን ተገንዝቦና ተላምዶ በለውጡ ተጠቃሚ ለመሆን እልህ አስጨራሹን ለውጥ ሂደትን መታገስ ይጠይቃል። የቆዩና ያፈጁ አስተሳሰቦችን ከእሳቤ ውስጥ ማስወገድ፤ ከቆዩና ኋላ ቀር ልማዶች እራስን ነፃ ማድረግ አሁን የተፈጠረልንን ጥሩ እድል ለመጠቀም ያስችላል። በለውጥ እንደገና መወለድ ማለትም ይኸው ነው።

ምንጭ፡ Story of the Eagle

ምስጋናው ግሸን ወልደ አገሬ sendekenews paper

Advertisements