“..በቃሬዛም ቢሆን ያምጡኝ እንጂ በራሴ ፈቃድ አልመጣም “

” … ተድብድቤ በቃሬዛም ቢሆን ያምጡኝ እንጂ ካሁን በሁዋላ በራሴ ፈቃድ አልመጣም” ሲሉ በፍርድ ሂደቱ መሰላቸታቸውን አቶ በቀለ ገርባ ተናገሩ። አቶ በቀለ ይህንን የተናገሩት ሃሙስ ባስቻለው ችሎት የመናገር እድል እንዲሰጣቸው ጠይቀው ሲፈቀድላቸው ነው።
ከሁለት ቀን በፊት አቃቤ ህግ በማስረጃነት አቀርበዋለሁ ሲለው የነበረውን የድምጽ ከምስል ማስረጃ አስተርጉሞ እንዲያቀርብና የኢትዮጵያ ብሮድካስቲንግ ኤጀንሲ ሃላፊ ችሎት እንዲገኙ ትዕዛዝ ተሰጥቶ ነበር። ይሁን እንጂ በቀጠሮውና በትዕዛዙ መሰረት ዓቃቤ ሕግ በእነ አቶ በቀለ ገርባ ላይ ያቀረበውን የድምፅ ከምስል ማስረጃ የኢትዮጵያ ብሮድካስቲንግ ኮርፖሬሽን ዛሬም እንዳላስተረጎመው አሳውቋል።
የኤጀንሲው ሃላፊ ችሎት አልተገኙም። የክልሎች ቋንቋ ሃላፊ ጸጋ ልዑል ወልደኪዳን ” ብቁ ጋዜጠኞች ስለሌሉ አልተተረጎመም” በማለት የሰጡትን ምክንያት ፍርድ ቤቱ ሳያንገራግር ውድቅ አድርጎታል። ቀደም ሲል ከሳሻቸው ትርጉሙ ሳይገባው እንዴት ሊከሳቸው እንደቻለ ሊገባቸው እንዳልቻለ፣ ይልቁኑም ” ታስሮ ይቀመጥ” ከሚል እሳቤ በመነሳት የሚፈጸም እንደሆነ ያስታወቁት አቶ በቀለ ገርባ በዛሬው ችሎት የመናገር እድል ጠይቀው ምሬት የተሞላበት “ህሊናን” የሚፈታተን  መልዕክት አስተላልፈዋል።

“ተደብድቤ በቃሬዛም ቢሆን ያምጡኝ እንጂ ” አሉ አቶ በቀለ ገርባ ” በራሴ ፈቃድ ካሁን በሁዋላ አልመጣም” ችሎቱ ላይ የነበረ ለዛጎል እንደገለጸው እሳቸው ይህንን ሲናገሩ በዳኞቹ ላይ የጭንቀት ስሜት ይታይ ነበር ብሏል።

ቀደም ሲል የድምጽ ከምስል ማስረጃው ቢተረጎም እሳቸውን እንደሚጠቅማቸው ያመለከቱት አቶ በቀለ ኤጀንሲው ሶስተኛ ወገን ሆኖ ጉዳዩን እያጓተተው መሆኑንንም አመልክተዋል። ምን ያህል በቀጠሮ እየተንገላቱ እንደሆነ ሲገልጹ ” ለናንተ እተወዋለሁ” ብቻ ነው ያሉት።

“…ከሳሼ ያቀረበውን ማስረጃ ትርጉሙን ሳያውቅ፤ ይዘቱ ምን እንደሆነ ሳያውቅ ነው እንዴ የከሰሰኝ? ትርጉሙን ሳያውቅ እንዴት ወንጀል ነው ብሎ ትርጉሙን በማያውቀው ማስረጃ ክስ ይመሰርታል? በእውነቱ በሃገራችን የፍርድ ሂደት አዘንን፤ እኛስ ትንሽ ነን በዚህ አይነት ስንት ሚሊዮኖች ናቸው መከራቸውን የሚያዩት? የኛ ጉዳይ ዝም ብለው ታስረው ይቆዩልን አይነት ነገር ነው። እቤታቸው ከቤተሰቦቻቸው ጋር ቁጭ ብለው በኛ ስቃይ እና መከራ ይደሰታሉ። ማስረጃው እንደሚባለው ተተርጉሞ ቢቀርብ ለኔ ይጠቅመኝ ነበር። የኔን ንፅህና ነበር የሚያስረዳው። ጉዳዩ ከሚንጓተት ይቅርና በተሰሙት ማስረጃዎች ውሳኔ እንዲሳጥ ነው የምጠይቀው “

ጠበቆቻቸውም ” ጉዳያቸን ከኤጀንሲው ጋር አይደለም” ሲሉ ሶስተኛ ወገን ሆኖ ኤጀንሲው የሚያደርገውን የቀጠሮ ማንዛዛት እንዲቆም ጠይቀዋል። ፍርድ ቤቱ በአቃቤ ህግ የቀረበውን ምክንያት ውድቅ በማድረግ ለመጨረሻ ብይን ለግንቦት 7 ቀጠሮ ሰጥቷል።
የቪኦኤ የድምፅ ፋይል ያዳምጡ፡፡

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s