ጋዜጠኞችን በማሰር ኢትዮጵያ በዓለም አምስተኛ ነች፣ አማራጭ ሚዲያ መስማት የተከለከለ ነው

የዓለም የፕሬስ ነጻነት ባለፈው የአውሮፓውያን 2016 ዓመተ ምህረት በአስራ ሦስት ዓመታት ውስጥ ባልታየ ደረጃ አሽቆልቁሉዋል ሲል ጽህፈት ቤቱ ዩናይትድ ስቴትስ የሆነው የሰብዓዊ መብቶች ተሟጋች ድርጅት ዛሬ ይፋ ባደረገው ዓመታዊ ሪፖርት አስታውቋል።

ይህ የሆነው በትላላቆቹ ዴሞክራሲያዊ ሃገሮች ከምን ጊዜውም በከፋ ደረጃ በጋዜጠኞችና በዜና ማሰራጫ ድርጅቶች ላይ በሚደርሰው ዛቻ አምባገነን መንግስታት ጥቃታቸውን እያባባሱ በመምጣትቸው ነው ሲል ፍሪደም ሃውስ ዛሬ ባወጣው የፕሬስ ነጻነት ሪፖርቱ ገልጿል።

በሪፖርቱ መሠረት አሁንም ቀንደኞቹ የፕሬስ ነፃነት ረጋጮች በአምባገነኑ ኪም ጆንግ ኡን የምትመራዋ ሰሜን ኮሪያ፣ ላለፉት ስድስት ዓመታት በርስ በርስ ጦርነት እየታመሰች ያለችው ሶሪያ እና የአገር ውስጥ መገናኛ ብዙኃኑን ሙሉ በሙሉ ኮምዩኒስት ፓርቲው የሚቆጣጠርባት ቻይና ናቸው።

በአሁኑ ጊዜ እየታየ ያለው አንድ ለውጥ ግን “እንደ ዩናይትድ ስቴትስ ባሉ ዴሞክራሲያዊ ሀገሮችም የፕሬስ ነፃነት እየተጎዳ መምጣቱ ነው” ብለዋል የፍሪደም ሃውስ የምርምር ዳይሬክተር ጀነፈር ደነም።

Image result for press in ethiopia

አንዱ ትልቁና አሳሳቢው ለውጥ ዴሞክራሲ እየተሸረሸረ መሄዱ መሆኑን የገለፁት ደነም በተለይ የዩናይትድ ስቴትስ ፕሬዚደንት ዶናልድ ትረምፕ በጋዜጠኞች እና በዜና አውታሮች ላይ የሚሠነዝሯቸውን ውረፋዎች በተለይ ጠቅሰዋል። ይሁንና ሥጋቱ ቢኖርም “የዩናይትድ ስቴትስ የመናገር ነፃነትና የሚድያውም ነፃነት እንደተቋም እንደተጠበቀ ነው” ብሏል ፍሪደም ሃውስ የሚባለው የዴሞክራሲ አስተሳሰቦች አራማጅ ተቋም፡፡

ዝርዝሩን ከተያያዘው የድምፅ ፋይል ያዳምጡ፡፡

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s