Advertisements
News Ticker

የ 305 ሚሊዮን ብር ፕሮጀክት- የጀሪካን ውሃ ዋጋ ወደ ሰባት ብር አሳደገ፤ ሰበቡ ኤሌክትሪክ ነው

Image result for jimma ethiopia water projectአንዱ ሌላውን ይከሳል። ተጠያቂ ያደርጋል። ሁሉም ምክንያት የሚደረድሩት 305 ሚሊዮን ብር ከተረጨ በሁዋላ መሆኑ ዜናውን ያጎላዋል። በዚህ ሁሉ መሰነካከል ውስጥ የጅማ ከተማ ነዋሪዎች  አንድ ጀሪካን ውሃ ሰባት ብር ይገዛሉ። 305 ሚሊዮን ብር የወጣበት የውሃ ፕሮጀክት ውጤቱ መካሰስ ሆኗል። ” እስከ 15 ዓመት ያለችግር የጅማን ህዝብ የውሃ ጥም ይቆርጣል” የተባለው ፕሮጀክት ከተስፋ እንዳልዘለለ ሃላፊዎቹ አረጋግጠዋል። ፕሮጀክቱ ባለው አቅሙ መስራት ያልቻለው በኤሌክትሪክ ሃይል ችግር መሆኑ ዜናውን አስገራሚ አድርጎታል። ፋና የጠቀሳቸው የከተማዋ የመጠጥ ውሃና ፍሳሽ አገልግሎት ድርጅት ስራ አስኪጅ አቶ አህመድ ከድር እንዳሉት ፕሮጀክቱ  ከ 2 ነጥብ 5 ኪሎ ዋት በላይ የኤሌክትሪክ ሃይል ያስፈልገዋል።
በኢትዮጵያ ኤሌክትሪክ ኃይል የደቡብ ምእራብ ትራንስሚሽንና ሰብስቴሽን ኦፕሬሽን  ” የትራንፎርመር ችግር አለብኝ” ሲል ያሳብባል። አያይዞም ቀደም ሲል ይቀርብ የነበረው የሃይል አቅርቦት  ከሁለት ወር ከ15 ቀናት በኋላ ተሰናክሏል። አሁን ደግሞ በመስከረም ወር እንደሚጀምር ቃል ግብቷል።

ለአገሪቱ ከፈተኛ የውጭ ምንዛሬ ከሚያገቡት የቡና አብቃይ አካባቢዎች አንዷ የሆነችው ጅማ ውሃ መጠማቷ የአስተዳደሩ ብሎም የክልሉ ጥፋት እንጂ የማንም ሊሆን እንደደማይችል፣ ይህ ደግሞ ክልሉን የሚመሩት ” ሃላፊዎች ” አፈጣጠር መሆኑን ማህበራዊ ገጽ ላይ የከተማዋ ነዋሪ ነኝ ያሉ ተናገረዋል።

የፋና ሙሉ ዘገባ ከታች ያንብቡ።
ከ305 ሚሊየን ብር በላይ ወጪ የተደረገበት አዲሱ የጅማ ከተማ የመጠጥ ውሃ ፕሮጀክት ዛሬም የነዋሪዎቹን የመጠጥ ውሃ ጥያቄ በበቂ መጠን መመለስ አልቻለም፡፡
ፕሮጀክቱ የነዋሪዎችን የመጠጥ ውሃ ፍላጎት ሙሉ በሙሉ ይቀርፋል ተብሎ በ2007 ዓ.ም. ግንቦት ወር ነበር አገልግሎት መስጠት የጀመረው፡፡
ከ10 እስከ 15 ዓመት ያለምንም ችግር አገልግሎት እንዲሰጥ ታስቦ ወደ ስራ የገባው ፕሮጀክት አገልግሎት መስጠት ከጀመረ ከሁለት ዓመት በላይ ቢያስቆጥርም፥ ዛሬም ድረስ በከተማዋ አንዳንድ አካባቢዎች የሚገኙ ነዋሪዎች የመጠጥ ውሃ ችግር አልቀረፈም፡፡
ፋና ብሮድካስቲንግ ኮርፖሬትም ከህብረተሰቡ የሚቀርበውን የውሃ ፍላጎት ቅሬታ፥ ለጅማ ከተማ የመጠጥ ውሃና ፍሳሽ አገልግሎት ድርጅት ቢያቀርብም ተቋሙ ከተስፋ ያለፈ ተግባራዊ ምላሽ ሊሰጥ አልቻለም፡፡ ነዋሪዎችም በከተማዋ የውሃ እጥረት መኖሩን በአስተያየታቸው ገልፀው፥ አንድ ጀሪካን በሰባት ብር እያስቀዱ እንደሚጠቀሙ ተናግረዋል፡፡

ከአዲሱ ፕሮጀክት ወደ አገልግሎት የተጨመረው የውሃ መጠን ከሚፈለገውና ይጨምራል ተብሎ ዲዛይን ከተደረገለት ከ30 በመቶ በታች ነው፡፡ ይህ የሆነው ደግሞ ፕሮጀክቱ በቂ የኤሌክትሪክ ሀይል ባለማግኘቱ ሙሉ በሙሉ ወደ ስራ ባለመግባቱ መሆኑን የከተማዋ የመጠጥ ውሃና ፍሳሽ አገልግሎት ድርጅት ስራ አስኪጅ አቶ አህመድ ከድር ይናገራሉ፡፡

አዲስ የተገነባው የመጠጥ ውሃ ፕሮጀክቱ ከ 2 ነጥብ 5 ኪሎ ዋት በላይ የኤሌክትሪክ ሃይል ይፈልጋል፡፡ በኢትዮጵያ ኤሌክትሪክ ኃይል የደቡብ ምእራብ ትራንስሚሽንና ሰብስቴሽን ኦፕሬሽን በበኩሉ፥ የትራንስፎርመር ችግር የውሃ ፕሮጀክቱ በቂ ሃይል እንዳያገኝ አድርጎታል ይላል፡፡

የውሃ ፕሮጀክቱን ጨምሮ የከተማዋን የሃይል ፍላጎት ለመሙላት በጅማ ከተማ ጅሬን ቀበሌ የተገነባው የኤሌክትሪክ ሃይል ማከፋፋያ ጣቢያ፥ በያዝነው ዓመት መስከረም ወር ሙከራ ጀምሮ ነበር። ይሁን እንጅ ከሁለት ወር ከ15 ቀናት በኋላ ብልሽት እንደገጠመው የደቡብ ምዕራብ ትራንስሚሽንና ሰብስቴሽን ኦፕሬሽን ተወካይ አቶ አለማየሁ ዘበርጋ ተናግረዋል፡፡

በቀጣይ የትራንስፎርመሩን ብልሽት በዘላቂነት ለመፍታት ፕሮጀክቱን የያዙት ሰዎች ትራንስፎርመሩን ለመቀየር እየሰሩ ነው ብለዋል፡፡ የከተማዋ የመጠጥ ውሃና ፍሳሽ አገልግሎት ድርጅት ችግሩን ለመፍታት፥ ከሚኒስቴር መስሪያ ቤት ጀምሮ በተዋረድ ያሉ ተቋማት በትኩረት እንዲሰሩ እየጠየኩ ነው ብሏል፡፡

ምስል 2-  ከጅማ የውሃ ፕሮጀክቶች አንዱ

Advertisements
About Zaggolenews. የዛጎል ዜና (1072 Articles)
Editor on zaggolenews.com

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: