Video and Audio

ዮናታን ተስፋዬ – የፌስ ቡክ ሰለባ – ፈራጆቹ ቤተሰብ የላቸውም?

 

በማህበራዊ ሚዲያዎች ሃሳብን መሰንዘርና ስሜትን መግለጽ እጅግ የተለመደና መንግስታት ቁብ ሰጥተው ለአፈና ክትትል የሚያደርጉበት አይደለም። ሰዎች በባህሪያቸው መተንፈስ ስለሚፈልጉና የሚተነፍሱበት ስለሊላቸው የሚጠቀሙባቸው መድረኮች ናቸው። ታላላቅ የዓለማችን መሪዎችና ተቋማት ጥግ ድርስ ይውገዛሉ። የሰደባሉ። መሳለቂያ ተደርገው ይቀርባሉ።

ያደላቸው መሪዎቻቸውን በፌስ ቡክ ፊት ለፊት እያገኙ እኩል ይመላለሳሉ። በእኛ አገር ግን የሚሆነው እጅግ የተለየ ነው። አንድ ሰው በፌስ ቡክ ላይ አስተያየት ጻፈ ተብሎ 20 ዓመት ወይም አስር ዓመት ለመቅጣት አዋጅ ይዘጋጃል። የሚያሳዝነው ግን ይህ ሁሉ ግፍ የሚጠራቀምና አድሮም ቢሆን ዋጋ የሚያስከፍል መሆኑንን አለመረዳት ነው።

ሰላማዊ ዜጎችን የገደሉ፣ የጨፈጨፉ እያሉ፣ አንድ ሰው ተነፈሰ ብሎ እንዲህ ያለ ፍርድ ለመበየን ሌት ከቀን መስራት ችግሩን አይፈታውም። ይልቁኑም ያብሰዋል። አገሪቱን ቂም በቂም ከመላወስ የዘለለ ምንም ፋይዳም አያመጣም። ከጥፋትና ከስህተት ተምሮ እርምት በመወሰድ የትቆለለውን ቂም ማጽዳቱ ላይ ማተኮሩ ይቀላል። ለሁሉም የቪኦኤ ዘገባ እንዲህ ይላል።

የሰማያዊ ፓርቲ የህዝብ ግንኙነት ክፍል የቀድሞ ኃላፊ ዮናታን ተስፋዬ በተከሰሰበት የሽብር ወንጀል የጥፋተኛነት ብይን ተላለፈበት፡፡ብይኑን የሰጠው የፌዴራሉ ከፍተኛ ፍርድ ቤት ሲሆን ጠበቃው በውሳኔው ላይ ይግባኝ እንደሚሉ አስታውቀዋል። ዮናታን ተስፋዬ ጥፋተኛ የተባለበት ወንጀል ከ10-20 ዓመታት ሊያሳስር ይችላል። የቅጣት ውሳኔውን ለማሰማት ፍርድ ቤቱ ቀጠሮ ሰጥቷል።

በዮናታን ላይ የተላለፈው ውሳኔ የመናገር ነፃነትን የሚፃረርና “አሳፋሪ” ነው ሲል አምነስቲ ገለፀ

በእስር ላይ የሚገኘው የቀድሞው የሰማያዊው ፓርቲ የሕዝብ ግንኙነት ኃላፊ አቶ ዮናታን ተስፋዬ ላይ ሽብርተኝነትን በማበረታታት በሚል በቀረበበት ክስ የተላለፈው የጥፋተኝነት ውሳኔ ሐሳብን የመግለፅ እና በፌስቡክ ፁሑፎችን የማውጣት መብት የሚፃረር “አሳፋሪ”ውሳኔ ነው ሲል ዓለም አቀፉ የሰብዓዊ መብት ተሟጋች ድርጅት አምነስቲ ገለፀ።

የአምነስቲ የአፍሪካ ቀንድ ተመራማሪ አቶ ፍሰሃ ተክሌ “ይህ የሚያሳየው መንግሥትን የሚቃወሙ ወይም ከመንግሥት የተለየ ሐሳብ የሚያራምዱ ሰዎች በኢትዮጵያ ተቀባይነት እንደሌላቸውና ሕጉንም በመጠቀም ወንጀለኛ እንደሚባሉ የሚያሳይ ነው”ብለውታል።

እንዲህ ያለ ውሳኔ አዲስ አለመሆኑን የተናገሩት ተመራማሪው “ነገር ግን ዮናታን የጥፋተኝነት ውሳኔው የተላለፈበት ፌስቡክ ላይ በሚያወጣቸው አቋሞቹ ምክንያት በመሆኑ መንግሥት በእንደዚህ ዓይነት ተቃውሞዎችና ሂሶች ያለውን አቋም የሚያሳይ ጉዳይ ነው” ብለዋል።

ኢትዮጵያዊው የፖለቲካ ተቃዋሚ ዮናታን ተስፋዬ ሽብርተኛ ተብሎ ሃያ ዓምታት ሊፈረደበት ነው – ቢቢሲ

ቢ ቢ ሲ  እንደዘገበው የተቃዋሚ ፖለቲከኛ  ዮናታን ተስፋዬን  በሽብርተኛነት ወንጀል በሚል ሃያ ዓመታት ሊፈርድበት ነው። መንግስት ዮናታን ተስፋዬን የከሰሰው በፌስ ቡክ ላይ ህዝብን የሚያነሳሳ “ሽብርተኛነትን” የሚያደፋፍር አስተያየት ሰጥተሃል በሚል ነው። ዮናታን ተስፋዬ በፈረንጆች ዲሴምበር 2015 ጀምሮ በእስር ላይ ይገኛል። 2015 ደግሞ በድፍን ኦሮሚያ ታላቅ የህዝብ ተቃውሞ  የተነሳበት  ወቅት ነበር።

የመንግስት ባለስልጣናት ያስከፋቸው ዮናታን  “መንግስት ከሰላማዊ ውይይት ይልቅ የሀይል እርማጃ ወሰደ” ማለቱ ነው። ይህ አባባሉ እንደ ወንጀል ተወሰደበት ሲል የቢ ቢ ሲ ያትታል ። በኢትዮጵያ ገዢው መንግስትን በጸረ ሽብርተኛ ህጉ ዓለም ኮንኖታል ይላል ቢ ቢ ሲ በዘገባው።

ዮናታን ተስፋዬ ላይ የተመሰረተውን ክስ አሚኒስቲ ኢንተርናሽናል የሰባአዊ መብት ድርጅት “የሃሰት ክሶች” ብሎ በሜይ 2016 ተናግሮ ነበር፡፡ በኢትዮጵያ ገዢው መንግስት የደነገገው “የጸረ ሽብርተኛ” አዋጅ መንግስትን ነክ የሆነ ማንኛውንም አስተያየት የሰጠን ሁሉ “ሽብርተኛ” የሚል ነው።

የዮናታን ተስፋዬን የክስ መስገብ ቢ ቢ ሲ እንዳስተረጎመው “የምነግራችሁ የመንግስትን የጭቆና መንገዶች ሰባብሩ። አሁን ገዳዮቻችሁን ሽባ ማድረግ የምትችሉበት ጊዜ ነው” ብለሃል የሚል ነው። መንግስት ዮናታን ተስፋዬ የመንግስት ተቃዋሚ የሆነው የሰማያዊ ፓርቲ ቃል አቀባይ ነው። በዚህ 20 ዓመት እስራት ሊፈረድበት ነው ይላል ቢ ቢ ሲ አፍሪካ።

ቢ ቢ ስ በ2015 የኢትዮጵያ መንግስት በኦሮሚያ ክልል ተሰምቶ የማይታወቅ ታላቅ ተቃውሞ ገጥሞት አንደነበር ጨምሯል። ተቃውሞውም ወደ ሌላ የኢትዮጵያ ክፍሎች መዛመቱንም አመልክቷል። በህዝባዊ ተቃውሞው ወቅት የመንግስት ጸጥታ ሃይሎች “600 “ሰዎችን መግደላቸው ከዛሬው ዜና ጋር አክሎ ተናግሯል። ይህ ደግሞ የራሱ የመንግስት ተቀጥላ የሆነው “ሰባዊ መብት ኮሚሽን” ያመነው መሆኑንም ጠቅሷል።

የኢትዮጵያ መንግስት ካለፈው ኦክቶበር 2016 አንስቶ አስቸኳይ ጊዜ አዋጅ እንዳወጅም የተቃዋሚ መሪ ፕሮፈሰር መረራ ጉዲና ይህኑ የመንግስት አዋጅ በመተቸታቸው ዛሬ በእስር እንደሚገኙም አክሎ አስረድቷል። የኢትዮጵያ መንግስት ለተቃዋሚ መሪዎች በጣም ረጅም ዓመታ የሚፍጁ ብይኖችን በመስጠት ለማስፈራራት መሞከሩ የተለመደ ነው ይላሉ የፖለቲካ ተንታኞች። ሲል አባይ ሚዲያ ዝግቧል

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s