አዲስ አበባ ደህና ሰንብች ? በፌንፌኔ የሌሎች ብሄረሰቦች እጣ ፈንታ የሚወሰንበት አጀንዳ ቀረበ – ኦሮሞ ከሊዝ ውጪ- አዋዜ

የአዲስ አበባን ስም፣ የመሬት ስሪት፣ የስራ ቋንቋ፣ የመንግስት መስሪያ ቤቶች ሃላፊዎች መደባና ቅጥር ሙሉ በሙሉ የኦሮሞ የሚያደርግ አጀንዳ ለውሳኔ  እንደሚቀርብ አዋዜ ዘገበ። አንድ ከፍተኛ ባለስልጣን እንደነገሩት በመግለጽ ዜናውን ይፋ እንዳደረገው የውሳኔ ሃሳቡ የሚቀርበው 20 ወንበር ላለው የኢህአዴግ ዋና ስራ አስፈጻሚ ነው። አጀንዳውንም የሚያቀርቡት ጓድ ሃይለማሪያም ደሳለኝ ናቸው።

የኦሮሚያ ክልል ከአዲስ አበባ የሚያገኘውን ልዩ ጥቅም የሚወስን ህግ በቅርቡ ለፓርላማ ይቀርባል – ጠቅላይ ሚኒስትር ኃይለማርያም

አዋዜ አሁን የደረሰን ዜና  በሚል በ16.06.17 እንዳቀረበው  ከሆነ ስብሰባው የተካሄደው አርብ በ17.06.2017 ነው። ይፋ የሆኑት አጀንዳዎች ቀደም ሲል መንግስት እንደማያውቀው በይፋ ያስታወቀው በአዲስአበባ የኦሮሚያን ልዩ መብት የሚደነግግ ተብሎ ከተሰራጨው ረቂቅ  ሰነድ ጋር አንድ ነው።

የኦሮሞ ህዝብ በአዲስ አበባ ላይ ያለው ጥቅሙ አልተከበረም

በዚሁ አዲስ አበባን ፊንፊኔ በሚል ስም የሚተካውና፣ የከተማዋን የስራ ቋንቋ ለጊዜው ኦሮሚኛና አማርኛ የሚያደርገ ነው። በሂደት አማርኛ እንዲከስም ይደረግና ሙሉ በሙሉ ኦሮምኛ የስራ የአገሪቱ ብሄራዊ የስራ ቋንቋ ይሆናል። አዋዜ በክልሉ የኦሮሞ ተወላጆችን የሊዝ ህግ እንደማይመለከታቸው ሲገልጽ በሌላ በኩል የሌሎች ብሄረሰቦች ላይ የሊዝ ህጉ እጥፋ እንደሚሆን ነው ያስረዳው። የአዋዜ ባለቤት ዓለምነህ ዜናውን ሲያውጅ  ደጋግሞ እነዳስታወቀው ይህንን ታላቅ የተባለ ሚስጢር የጠቆመው ስሙ እንዳይጠቀስ የጠየቀ ክፍተኛ ምንጭ ሲሆን፣ መረጃውንም ሲሰማ መድንገጡም በዜናው ተመልክቷል።

አራቱ የኢህአዴግ ድርጅቶች አምስት አምስት ወንበር እንዳላቸው በማስላት በአጀንዳው ላይ ስለሚኖረው የስምምነት አንደማታ በዜናው ግምት ተሰቷል። አጀንዳውን ህወሃትና ብአዴን ሊቃውሙት እንደሚችሉ፤ የደቡብ ህዝቦች ደርጅት አቋም ለጊዜው እንደማይታወቅ፣ ሆኖም እኩል የተቃውሞና የድጋፍ ድምጽ ካለ አቶ ሃይለማርያም የደገፉት ሃሳብ እንደሚያሸንፍ ተመልክቷል።

በዚሁ እሳቤ መሰረት ዜናውን የተከታተሉ ክርክር ገጥመዋል። ” እብደት ነው”  በሚል  ዜናውን ሳይሆን መላምቱን ያልተቀበሉ እንዳሉት የአዋዜ ምንጭ ጉዳዩን ህወሃት እንደማያውቀው አድርጎ ማቅረቡ ሚዛን አይደፋም። አጀንዳውንም ህወሃት ሊቃወም ይችላል መባሉን ያጣጥሉታል።  ጉዳዩን በአጀንዳነት አቶ ሃይለማሪያም ሲያቀርቡት በራሳቸው ውስኔ እንዳደረጉት ማስመሰሉ ምን አልባትም ከታሪካዊ ጥፋትና፣ ሊደርስ ከሚችለው ውስብስብ ችግር አንጻር ጉዳዩን ወደ አቶ ሃይለማሪያም የመለጠፍ ዝንባሌ እንደሆነ ያስረዳሉ።

ከዜናው ጋር በተያያዘ በስፋት የሚጠቆመው የኦሮሞ ጥያቄ ላይ እጅግ ከፍተኛ ቁጥር ያላቸው ቅይጥ ኦሮሞዎች ጉዳይና ፍላጎት፣ እንዲሁም ህዝብ ሃሳቡ ሳይጠየቅ በፖለቲከኞች ሃሳብ ላይ ብቻ መንጠላጠል ችግሩን የሚያባብስ እንዳይሆነ ስጋታቸውን የሚገልጹ አሉ። ቅይጥ ደም ያላቸው ኦሮሞዎች በራሳቸው ግማሽ አካል ላይ ጥቃትም ሆነ በደል እንዲደረስ ስለመፍቀዳቸው ማረጋገጫ የለምና ሁሉም ወገኖች ይህ ሃይል ሃሳቡ ምን እንደሆነ ሊረዱ እንደሚገባ በተደጋጋሚ የሚመከሩ ግን ሰሚ ያጡ ወገኖች ጥቂት አይደሉም።

አዋዜ ይፋ ያደረገው እጅግ ውድ መረጃ አስመልክቶ ይህ እስከተጻፈና እስከታተመ ድረስ በድርጅት ልሳኖችም ይሁን በመንግስት ሚዲያዎች የተባለ ነገር የለም። አዋዜም ቢሆን ባለፈው አርብ ይደረጋል ስላለው ውይይት ተጨማሪ መረጃ አላስተላለፈም።

ንጅኅ

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s