Head News / መሪ ዜና

የኦሮሚያ የልዩ ጥቅም ጥያቄ በአብዛኛው ውድቅ ሆነ፤ ውሳኔ በይፋ አልተነገረም

eprdfበአዲስ አበባ የኦሮሚያን ልዩ ጥቅም የሚደነግግ ረቂቅ አዋጅ ተብሎ የተሰራጨው ሰንድ በመላው ኢትዮጵያዊያን ዘንድ ሰፊ መነጋገሪያና የሚዲያ ሽፋን የተሰጠው ጉዳይ ሆኖ ነበር። በስተመጨረሻ ሰነዱ ሃሰተኛ መሆኑን የመንግስት ቃል አቀባዮች ይፋ ቢያደረጉም የኦሮሚያ ምንጮች ግን ሰነዱ ትክክለኛ መሆኑን በጓሮ ሲያስታውቁ ነበር። የሰነዱ ጉዳይ ካለቀ በሁዋላ አዋዜ ታማኝ ምንጭ በሚል ያሰራጨው ዜና ተለሳልሶ የነበረውን ስሜት እንደገና የሚያግል ሆኖ ተገኝቷል።

አለምነህ ዋሴ ” አሁን የደረሰን ዜና ” ሲል በ16.6.17 ካሰማው አስገራሚ ዜና በሁዋላ  ተከታዩን ዜና አቅርቧል። የኢህአዴግ ስራ አስፈጻሚ ቅርብ የሆነ ምንጭ ዋቢ ተደረጎ እንደቀረበው ዜና አብዛኛው የኦሮሚያ የልዩ ጥቅም ጥያቄ ተቀባይነት ሳያገኝ ቀርቷል። በዚሁ መሰረት

1- የአዲስ አበባ መጠሪያ ስም ፊንፊኔ እንዲሆን የቀረበው ጥያቄ ተቀባይነት አላገኘም። የጎዳናዎቹ ስም እንዲቀየሩ የቀረበውንም ጥያቄ ውድቅ አድርጎታል።

2- የኦሮሞ ተወላጆች በአዲስ አበባ ከሊዝ ነጻ እንዲሆኑና የሌሎች ብሄር አባላት ደግሞ በእጥፍ የሊዝ ዋጋ እንዲከፍሉ የቀረበውም ጥያቄ ውድቅ ሆኗል።

3- በአዲስ አበባ የተለያዩ መስሪያ ቤቶች ምክትል ወይም ዋና ስራ አስኪያጁ ኦሮሞ እንዲሆን፣  በፋብሪካዎችና በተለያዩ ማምረቻዎች ውስጥ 1/3 የሚሆኑት ሰራተኞች ኦሮሞዎች ብቻ እንዲሆኑ የቀረበው ጥያቄም ውድቅ ተደርጓል።

4- የአዲስ አበባ የስራ ቋንቋ እንዲሆን የቀረበው ጥያቄ ተቀባይነት አላገኘም። ይሁንና የኦሮምኛ ትምህርት ቤቶች እንዲከፈቱ የቀረበውን ጥያቄ ተቀብሎታል።

5- በአዲስ አበባ ዙሪያ ባሉ የኦሮሚያ ልዩ ዞኖች የከተማዋ የመሰረተ ልማት ተጋሪ እንዲሆኑ፣ የመሰረት ለማቱ እነሱንም እንዲያካትት የሚለው ጥያቄ ተቀባይነት አግኝቷል።

አዋዜ እንዳለው ዜናው ቃል በቃል ለኢህአዴግ  ስራ አስፈጻሚ ቅርብ ከሆነ ምንጭ የተቀዳ ነው። ይኽው ምንጭ አለ እንደተባለው በስብሰባው ወቀት ብአዴን ክፍተኛ ሚና ተጫውቷል በሚል ተወድሷል። ህወሃትም በተመሳሳይ የጎላ የተባለ አስተዋጾ አበርክቷል ተብሏል። የአቶ ሃይለማሪም ፓርቲም ንቁ ተሳታፊ ነበር ሲል ደረጃ ሰጥቶ መድቧቸዋል። ኦህዴድ ጥያቄ አቅራቢው ድርጅት በመሆኑ የዜናው ምንጭ ደረጃ አልሰጡትም።

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s