Head News / መሪ ዜና

የ26 ዓመት ወጣት መንገድ በመጣሱ ተደብድቦ ለሞት ተዳረገ፤ ፖሊሶቹ ታስረዋል ተብሏል

የ26 ዓመት ወጣት በፖሊሶች ድብደባ ምክንያት ሀየወቱ ማለፉ ታወቀ፤ አምስት የሚጠጉ ፖሊሶች ነወጣቱ ህይወት ማለፍ ጋር በተያያዘ በቁጥጥር ስር እንደዋ ተጠቁሟል። ፖሊሶቹ የ14 ቀን ቀን ቀጠሮ ተጠይቆባቸዋል።

ሪፖርተር እንደዘገበው ይህ የሆነው ሟች  ሮቤል ዳዲ  ሰኔ 9 ቀን 2009 ዓ.ም. ከምሽቱ 4 ሰዓት አካባቢ  በጃክሮስ አደባባይ ወደ የረር ጎሮ በሚወስደው መንገድ፣  በግል ተሽከርካሪው  ወደ ቤቱ በመጓዝ ላይ እያለ ነበር።  መንገዱ በአንድ በኩል ተዘግቶ ተሽከርካሪዎች በሙሉ በአንድ መስመር እየተጓዘ መሆኑን የተመለከተው ሮቤል   በችኮላ ይሁን በሌላ ምክንያቱ በዜናው ባልተገለጸ ልዩ ጉዳይ የተዘጋውን መንገድ ጥሶ ማለፉን አሽከርከሯል።

በአካባቢው የነበሩ አንድ የትራፊክ ፖሊስ ባልደረባ የፊሽካ ድምጽ ቢያሰሙም ሟች አልቆመም። ከዛም  በአካባቢው የነበሩ ፖሊሶች በሌላ ተሽከርካሪ ተከትለው እንዳስቆሙት የጋዜጣው ምንጮች ተናግረዋል። ለምን መንገድ እንደጣሰ፣ የፊሽካ ድምጭ ሲሰማ ለምን እንዳልቆመ ጠይቀውት ወደ ሲኤምሲ ፖሊስ ጣቢያ ይዘውት እንደሄዱ፣ ከእኩለ ሌሊት በኋላ ለቤተሰቦቹ ደውሎ መታሰሩን እንዳሳወቀ ዜናው ያስረዳል።

ቤተሰቦቹ በበነጋታው ጠዋት ሲኤምሲ ፖሊስ ጣቢያ ሲደርሱ ሟች ሮቤል መናገር አይችልም ነበር።  እያቃሰተ ድብደባ እንደደረሰበት በመናገሩ ቤተሰቦቹ ወደ ህክምና ወስደውታል።በተደረገለት ምርመራም በጭንቅላቱ ውስጥ ደም መፍሰሱን እንደተነገራቸው ከሪፖርተር ዜና ለመረዳት ተችሏል።

በሲቲስካን ለማስመርመርና ለሕክምና ዕርዳታ ወደ ኮሪያ ሆስፒታል ሲወስዱት በወቅቱ  የሚፈለገውን ሕክምና ባለማግኘቱ ወደ ቤቴል ቲቺንግ አጠቃላይ ሆስፒታል ወስደውት ሕክምና የተደረገለት ቢሆንም፣ ሮቤል ሊተርፍ  አልቻለም። ሰኔ 11 ቀን 2009 ዓ.ም. ሕይወቱ ህይወቱ ያለፈው ሮቤል  በማግስቱ  ገርጂ ቅዱስ ጊዮርጊስ ቤተ ክርስቲያን የቀብር ሥርዓቱ ተፈጽሟል።

ወጣቱን በመደብደብ ሕይወቱ እንዲያልፍ አድርገዋል ተብለው በቁጥጥር ሥር የዋሉ ከአምስት በላይ ፖሊሶች፣ ታስረው ምርምራ እየተደረገባቸው መሆኑንና ፍርድ ቤት ቀርበው የ14 ቀናት ተጨማሪ የምርመራ ጊዜ እንደተጠየቀባቸውም በዜናው ተመልክቷል። ይሁን እንጂ የተከሳሾቹ ፖሊሶች  ስም አልተዘረዘረም። የትኛው ምድብ ችሎት ቀጠሮ እንደሰጣቸውና ቀጣዩ ቀጠሮ የትና በትክክለኛው ቀነ መቼና ስንት ሰዓት እንደሆነ ዜናው አላመለክተም

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s