Socity / ማህበራዊ

በኦሮሚያ ክልል ትናንት በደረሱ የትራፊክ አደጋዎች የሞቱ ሰዎች ቁጥር 35 ደርሷል

በኦሮሚያ ክልል ምእራብ አርሲ፣ ምእራብ ሀረርጌ እና ምስራቅ ወለጋ ዞኖች በደረሱ ሶስት የትራፊክ አደጋዎች በሰው ህይወት እና በንብረት ላይ ጉዳት አድርሷል።

ትናንት ምሽት 2 ሰዓት ላይ በምእራብ አርሲ ዞን ከሻሸመኔ ወደ አርሲ ነገሌ 15 ሰዎችን አሳፍሮ ሲጓዝ የነበረ ዶልፊን ተሽከርካሪ ቀርሳ አድቬንትቲስት ኮሌጅ አካባቢ ሲድርስ ድልድይ ውስጥ ገብቶ በሰው ህይወት እና በንብረት ላይ ጉዳት ደርሷል።

በአደጋው አሽከርካሪው እና ረዳቱን ጨምሮ በተሸከርካሪው ውስጥ የነበሩ ሰባት ሰዎች ህይወት ወዲያውኑ ሲያልፍ፥ በሰባት ሰዎች ላይ ከባድ በአንድ ሰው ላይ ደግሞ ቀላል የአካል ጉዳት ደርሷል። የአደጋው ምክንያት በመጣራት ላይ ነው ተብሏል፡፡

በተያያዘ ዜና ትናንት ማለዳ እና ረፋድ ላይ በክልሉ ምእራብ ሀረርጌ እና ምስራቅ ወለጋ ዞኖች በደረሱ ሁለት የትራፊክ አደጋዎች 28 ሰዎች ሲሞቱ በሰው እና በንብረት ንብረት ላይ ጉዳት ደርሷል፡፡

ከሁለቱ አደጋዎች መካከል ረፋድ 4 ሰዓት ላይ ከድሬደዋ ከተማ ወደ አዲስ አበባ 60 ሰዎችን አሳፍሮ ሲጓዝ የነበረ ተሽከርካሪ ምእራብ ሀረርጌ ዞን ሂርና ከተማ ሲድርስ ፍሬን እምቢ ብሎት በሰው ህይወት እና በንብረት ላይ ጉዳት ደርሷል።

በተሽከርካሪ አደጋውም መንገድ ላይ ሲጓዙ የነበሩ የ14 ወንዶች እና የ8 ሴቶች በድምሩ የ22 ሰዎች ህይወት ወዲያውኑ ማለፉ ተነግሯል። በተጨማሪም በአራት ባለ ሶስት እግር ተሽከርካሪዎች፣ በሶስት ሚኒባስ እና በአንድ አይሱዙ ተሽከርካሪ ላይ ጉዳት አድርሷል። በተሽከርካሪው ውስጥ የነበሩ ሰዎች ላይ ግን የደረሰ አደጋ አለመኖሩ ተገልጿል።

ከኦሮሚያ ክልል ፖሊስ ኮሚሽን ኮማንደር ንጉሴ ግርማ ለፋና ብሮድካስቲንግ ኮርፖሬት እንደተናገሩት፥ ተሽከርካሪው የቴክኒክ ምርመራ አለማድረጉ ለአደጋው ዋነኛ መንስኤ ነው።በአሁኑ ጊዜም የህዝብ ማመላለሻው አሽከርካሪ እና ተሽከርካሪው በቁጥጥር ስር ውለው ተጨማሪ ምርመራ እየተደረገባቸው መሆኑን አስታውቀዋል።

ከዚሁ ጋር በተያያዘ ከቄለም ወለጋ ዞን ደምቢ ዶሎ ከተማ ወደ አዲስ አበባ አስከሬን ጭኖ ሲጓዝ የነበረ ሚኒባስ ተሽከርካሪ፥ ትናንት ማለዳ 12 ሰዓት ላይ ምስራቅ ወለጋ ዞን ጉቴ ወረዳ ሲደርስ ተገልብጦ ገደል ውስጥ በመግባቱ የ6 ሰዎች ህይወት አልፏል። በአደጋው ህይወታቸው ካለፉት ሰዎች ውስጥ የአንድ ቤተሰብ አባል የሆኑ አባት እና ሁለት ልጆች ይገኙበታል። አደጋው እንዲደርስ ምክንያት የሆነው ደግሞ አሽከርካሪው ለሶስት ቀናት ሳይተኛ በማሽከርከር ላይ ስለነበረ መሆኑን ኮማንደር ንጉሴ ግርማ ተናግረዋል።

አዲስ አበባ፣ ሰኔ 18፣ 2009 (ኤፍ.ቢ.ሲ)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s