የዛጎል ማረፊያ

ዝክረ ውበት

ሰማይ ሙሉ ህይወት — ሰማይ ሙሉ ሲሳይ — ይኖራል ቢባልም

ይህ ሁሉ ባንድ ላይ — አለ ቢሉኝ እንኳን — ካንቺ ሳቅ አልድንም።

መዳን ምን ያደርጋል — መዳን የት አባቱ

ባንቺ መሞት ማለት — ሩቅ ነው ልኬቱ

ጥልቅ ነው ስሌቱ

ባንቺ መሞት ማለት — ሰፊ ነው ግዛቱ

አለም ነው ርስቱ
.

ያ ግሩም ጨዋታሽ

መሰረቱ ሰፊ — መሰረተ-ጽኑ

መሰረተ ህይወት — ተዋበ ዘመኑ
.

ያ ግሩም መአዛሽ

እንደ አደይ አበባ — ልብን የሚሠልበው

በማያልቅ ‘ሽክርክሪት — ጎትቶ ጎትቶ — ገነት የሚያገባው

.

ያ ግሩም ውበትሽ

እንደ አደይ አበባ — ውሥጤን ያሥደመመ

ውበትሽ ሳይደክም — አይኔን ያደከመ

.

ያ ግሩም ድምቀትሽ

እንደ አደይ አበባ – – ብርሃን የሚተፋ

መንገደኛው ሁሉ — በጨረርሽ ታግዞ– ዙሪያሽ የማይጠፋ

.

ያ ግሩም ፈገግታሽ

እንደ አደይ አበባ — ከሩቅ የሚጣራው — ቀልብን አንሰፍስፎ

ተናፋቂው ሳቅሽ – – ለሠው እንደሚሠጥ — ወዛወዝሽን ጨልፎ

.

በእነዚህ ሃብቶችሽ — ሃብቶቼ በሆኑት

ካንቺ እየፈለቁ — ለኔ በሚፈሱት

እምልልሻለሁ

ብትመጪም ባትመጪም — እጠብቅሻለሁ

Senedu Abebe

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s