“ከአለማችን ግዙፍ ክለብ የቀረበለትን የዝውውር ጥያቄ የማይቀበለው ማን ነው?” ሉካኩ 

via “ከአለማችን ግዙፍ ክለብ የቀረበለትን የዝውውር ጥያቄ የማይቀበለው ማን ነው?” – ሮሜሉ ሉካኩ  — ኢትዮአዲስ ስፖርት

 

ሮሜሉ ሉካኩ ማንችስተር ዩናይትድን ‘የአለም ግዙፉ ክለብ’ ብሎ በመጥቀስ ከኦልትራፎርዱ ክለብ የቀረበለትን የዝውውር ጥያቄ ወዲያው መቀበሉንና ጥያቄውን በድጋሚ ለማጤን አለመፈለጉን የሚገልፅ አስተያየት ሰጥቷል።

ዩናይትድ ከቀናት በፊት ከኤቨርተን ጋር በተጨዋቹ ዝውውር ዙሪያ ከስምምነት ላይ መድረሱን መናገሩ የሚታወስ ሲሆን የስምምነቱ አንድ አካል የሆነው ዋይኒ ሩኒም ከሰአታት በፊት የጉዲሰን ፖርኩ ክለብ ተጫዋች መሆኑ በይፋ ተረጋግጧል።

በሎሳንጀለስ በእረፍት ላይ የሚገኘው ሉካኩ ቢበዛ እስከ ነገ ባሉት ቀጣይ ሰአታት ውስጥ ወደ ኦልትራፎርዱ ክለብ የሚያደርገውን ዝውውር በማጠናቀቅ ለቅድመ ውድድር ዝግጅት አሜሪካ የከተመውን የሞውሪንሆ ስብስብ እንደሚቀላቀል ይጠበቃል።

ቤልጄማዊው ኮከብ ዝውውሩን አስመልክቶ ከኢኤስፒኤን ጋር በነበረው ቆይታ “ዩናይትድ የአለማችን ግዙፍ ክለብ ነው። በድጋሚ የፕሪምየር ሊግ ዋንጫን ለማንሳትና በድጋሚ የአለም የበላይነት ለመቆጣጠር የሚፈልግ ክለብ ነው።

“ይህ እድል ከልጅነቴ ጀምሮ ሳልመው የነበረው ነው። እነሱ እንደፈለጉኝ ሳውቅም ሁለት ጊዜ ማሰብ አላስፈለገኝም ነበር። የዚህ ታሪክ አንድ አካል በመሆኔ በጣሙን ተደስቻለሁ።

“ከአለማችንን ግዙፍ ክለብ የቀረበለትን ጥያቄ የማይቀበለው ማን ነው? በእንግሊዝ ምርጥ ስታዲየም፣ ምርጥ ደጋፊና ምርጥ እድሎች ያሉት ክለብ ነው።” በማለት ዩናይትድን በመቀላቀሉ የተሰማው ደስታ ልዩ መሆኑን ተናግሯል።

ሉካኩ በ 28 ሚሊዮን ፓውንድ ሪከርድ ዋጋ በ 2014 ከቼልሲ ወደ ኤቨርተን ከመጣ ጊዜ ጀምሮ 87 ግቦችን ማስቆጠር የቻለ ሲሆን ለሀገሩ ቤልጄም ደግሞ በ 2010 በ 16 አመቱ መሰለፍ ከጀመረ አንስቶ ለሀገሩ 23 ጎሎችን ከመረብ ላይ አሳርፏል።

የቀድሞው የአንደርሌክት ተጫዋች “አሁን ጊዜው ከዚህ በፊት ከነበረው በተሻለ ጠንክሮ የመስራት ነው። ይህን እንደማሳካና ነገሮች በጥሩ መንገድ እንደሚጓዙ አስባለሁ።” በማለት በዩናይትድ ቤት ለሚጠብቀው ፈተና ጠንክሮ መስራትን እንደ መፍትሔ አስቀምጧል።

ዩናይትድ 18 ቀናት የሚፈጀውን የቅድመ ውድድር ዝግጅቱን ለማድረግ ወደ አሜሪካ ያቀና ሲሆን በቀጣይም ከሜጀር ሊግ ሶከር ክለቦች ሎስ አንጀለስ ጋላክሲና ሪል ሳልት ሌክ ጋር የወዳጅነት ጨዋታዎችን ያደርጋል።

ከዚህ በተጨማሪም በቀጣይነት ከጎረቤቱ ማንችስተር ሲቲ፣ ከስፔኖቹ ሀያላን ክለቦች ባርሴሎናና ሪያል ማድሪድ ጋር የአቋም መፈተሻ ጨዋታዎች እንዲያደርግ ቀጠሮ ተይዞለታል።

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s