Head News / መሪ ዜና

ተጨማሪ ባለስልጣኖች ታሰሩ

ከሙስና ጋር በተያያዘ  ተጠርጣሪ የተባሉ በቁጥጥር ስር እየዋሉ መሆናቸው ተጠቆመ። ፋና እንዳለው ከዚህ ቀደም ከተያዙት በተጨማሪ ሶስት ከፈተኛ ሃላፊዎች የተባሉ ታስረዋል። በቁጥጥር ስር ከዋሉት መካከል የተወሰኑትን ስም በመዘርዘር ቀዳሚ የሆነው ሰንደቅ ጋዜጣ እንዳለው አንድ የቀድሞ ሚኒስትርና ሚንስትር ዳዔታ  ተይዘዋል። ዜናውን ተከትሎ ስራ አስኪያጆችና የተለያዩ ሃላፊዎች እንጂ ስማቸው ከሙስና ጋር የሚነሳ ባለስልጣኖችና ቁልፍ የፖለቲካ አመራሮች አለመያዛቸው ዜናውን ያለሳለሰ ጉዳይ ሆኗል።

በስኳር ኮርፖሬሽ በኩል ተጠርጥረው ከተያዙ መካከል  የቀድሞው የተንዳሆ ስኳር ፋብሪካ ዋና ሥራ አስኪያጅ የነበሩት አቶ አበበ ተስፋዬ እና የቀድሞው የተንዳሆ የፋይናንስ ሥራ አስኪያጅ የነበሩት አቶ ተስፋዬ ድምፁ እንደሚገኙበት ታውቋል፡፡ እንዲሁም፣ አቶ በኃይሉ ገበየሁ የኮርፖሬሽኑ ንብረት አስተዳደር ዳሬክተር እና አቶ ኤፍሬም አለማየሁ የቀድሞ የኮርፖሬሽኑ፣ ግዢና ንብረት አስተዳደር ዘርፍ ምክትል ዳሬክተር ተጠርጥረው በቁጥጥር ስር ውለዋል፡፡

የመተሐራ ስኳር ፋብሪካ ግዢ ቢሮ ኃላፊ አቶ እንዳልካቸው ግርማ፤ እንዲሁም ወ/ሮ ሠናይት ወርቁ እና አቶ ኃየሎም ከበደ ተጠርጥረው በቁጥጥር ሥር ማዋላቸው ታውቋል፡፡

አንድ የቀድሞ ሚኒስትር እና አንድ ሚኒስትር ዴኤታም ተጠርጥረው በቁጥጥር ሥር መዋላቸውን ምንጮቻች የጠቆሙ ቢሆንም፣ ከሚመለከታቸው አካላት ለማረጋገጥ እንዳልተቻለ ነው ሰንደቅ የዘገበው። ምንም ሆነ ምን ግን ይህንን ዜና አስመልክቶ ሰንደቅ በመረጃ ደረጃ አገር ቤት ካሉት የዜና ምንጮች ቀዳሚ ያደርገዋል። በዚህም ብቻ ሳይሆን በስኳር ልማት ዙሪያ ሰንደቅ ከሌሎች ሚዲያዎች በበለጠ መረጃ በማግነትና  በስፋት የምርመራ ሪፖርቶችን ማቅረቡም አይዘነጋም።

ከተለያዩ መረጃዎችና ስኳር ፕሮጀክትን አስመልክቶ የመንግስት የራሱ ባለስልጣናት ለራሳቸው ፓርላማ ካቀረቡት አስደንጋጭ ሪፖርትና ውድመት አንጻር አሁን በቁጥጥር ስር ዋሉ የተባሉት የበታች ሃላፊዎች በቢሊዮን የሚቆጠር ሃብት ይዘርፋሉ ተብሎ እንደማይታሰብ አስተያየት እየተሰጠ ነው። የመንግስትን ጅማሮ ይበል ያሰኛል የሚሉ ክፍሎችም ቢሆኑ የጸረ ሙስናው ትግል አንድ ደረጃ ከፍ ሊል እንደሚገባው ይስማማሉ። አለያም በከፍተኛ ደረጃ ስማቸው ከብልጽግና ጋር የሚነሳ ግለሰቦች ነጻ ስለመሆናቸው መንግስት ባደባባይ የሃብት መጠናቸውን ይፋ በማድረግ ነጻ ሊያወጣቸው እንደሚገባ ያምናሉ።

በትላንትናው እለት የመንግስት ኮሙኒኬሽን ጉዳዮች ሚኒስትር ነገሪ ሌንጮ ይፋ እንዳደረጉት ከፍተኛ ባለስልጣናት፣ ነጋዴዎችና ደላሎች በሙስና ወንጀል ተጠርጥረው ታስረዋል። ማንነታቸው ባይገለጽም የተቋሞቹን ስም ጠቁመዋል። እንደ ዶከተር ነገሪ ሌንጮ ገለጻ ህዝብ ላይ እንደ መሽገር ተጣብቀው ሃላፊነታቸውን ከመወጣት ይልቅ ራስን በማበልጸግ ተግባር የተሳተፉትን የማደኑ ስራ የሚቀጥልና ክልል ድረስ የሚዘልቅ ነው።

 

ተጠርጣሪዎቹ በቢሊዮን የሚቆጠር ገንዘብ የሚያንቀሳቅሱ መሆናቸውም ተመልክቷል። ፋና የሚከተለውን ዘግቧል። ዶክተር ነገሪ ሌንጮ አዲስ አበባ፣ ሀምሌ 18፣ 2009 (ኤፍ.ቢ.ሲ) መንግስት በሙስና የተጠረጠሩ 34 ከፍተኛ የመንግስት የስራ ሀላፊዎች፣ ደላሎች እና ነጋዴዎችን ዛሬ በቁጥጥር ስር አውሏል። የመንግስት ኮሙዩኒኬሽን ጉዳዮች ጽህፈት ቤት ሃላፊ ሚኒስትር ዶክተር ነገሪ ሌንጮ፥ መንግስት ከሙስና ጋር በተያያዘ ተጠርጥረው በቁጥጥር ስር በዋሉ ከፍተኛ የመንግስት የስራ ሃላፊዎችና ግለሰቦች ዙሪያ መግለጫ ሰጥተዋል። በመግለጫቸው ከፍተኛ የመንግስት የስራ ሃላፊዎችን ጨምሮ ደላሎች እና ነጋዴዎች በአጠቃላይ 34 ተጠርጣሪዎችን በቁጥጥር ስር መዋላቸውን ተናግረዋል።

ተጠርጣሪዎች በቁጥጥር ስር የዋሉባቸው የመንግስት ተቋማትም የፌደራል እና የአዲስ አበባ መንገዶች ባለስልጣን፣ ስኳር ኮርፖሬሽን፣ የገንዘብና የኢኮኖሚ ትብብር ሚኒስቴር እና ሌሎች ናቸው ተብሏል። ተጠርጣሪዎቹ በቢሊየን የሚቆጠር የመንግስት ብርን ሲያንቀሳቅሱ የነበሩ መሆናቸውም ነው የተመለከተው። ሚኒስትሩ መንግስት ለህዝቡ በገባው ቃል መሰረት ከተሰጣቸው ሃላፊነት ውጪ ለልማት መዋል የነበረበትን የህዝብ ሃብት በማጉደል ወንጀል የተጠረጠሩ ከፍተኛ የስራ ሃላፊዎች ላይ ክትትል ሲያደርግ መቆየቱን አንስተዋል። ከፌደራል አቃቢ ህግ እና ፌደራል ፖሊስ በተውጣጣ ግብረ ሃይል በተደረገው ጥናትና ክትትል መሰረት፥ መረጃ የተገኘባቸውን ግለሰቦች በቁጥጥር ስር ማዋል ተጀምሯል ነው ያሉት።

በዛሬው እለት በቁጥጥር ስር ከዋሉት በተጨማሪም መረጃ የተገኘባቸው የመንግስት የስራ ሃላፊዎችና ባለሃብቶችን በቁጥጥር ስር የማዋሉ ተግባር ይቀጥላል ብለዋል ሚኒስትሩ። ሰፊ ጥናት እና ዝግጅት ሲደረግበት ቆይቶ የተጀመረው እርምጃ ተጠናክሮ እንደሚቀጥልም ነው ሚኒስትሩ የተናገሩት። መንግስት እስካሁን ለህብረተሰቡ ቃል ሲገባ የነበረውና በተደጋጋሚ ሲገለፅ የነበረው የፀረ ኪራይ ሰብሳቢነት እርምጃ በከፍተኛ ደረጃ መጀመሩን የሚያመላክት ነው የተባለው ይህ ኦፕሬሽን በቀጣይ ቀናትም ተጠናክሮ እንደሚቀጥል ታውቋል። መንግስት በአሁኑ ወቅት ተጠርጣሪዎችን በቁጥጥር ስር ማዋሉን እንደቀጠለ የጠቆሙት ሀላፊ ሚኒስትሩ፥ ይህ ኦፕሬሽን በክልሎችም እንደሚቀጥል ጠቁመዋል።

በዛሬው እለት በቁጥጥር ስር የዋሉት ከፍተኛ የመንግስት የስራ ሀላፊዎች፣ ደላሎች እና ነጋዴዎች ማንነት፣ ተሳተፉበት የተባለው የወንጀል መጠን እና የወንጀል አይነትን መንግስት በቀናት ውስጥ ይፋ እንደሚያደርግም በመግለጫው ተጠቅሷል።

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s