Head News / መሪ ዜና

አቶ የሺ ዋስ አሰፋ ” አስፈላጊ ከሆነ እንገልሃለን” ተብያለሁ አሉ፤ አቃቤ ህግ ክሱን እንዲያሻሽል ታዘዘ

የሰማያዊ ፓርቲ ሊቀ መንበር አቶ የሺ ዋስ አሰፋ የጸጥታ ሃይል መሆናቸውን በተናገሩ፣ ነገር ግን ማንነታቸውን ለመግለጽ ፈቃደኛ ባለሆኑ ሰኦውች ተይዘው ማሰፈራሪያ ተሰጥቷቸው መለቀቃቸን እንዲሁም “አስፈላጊ ከሆነ ትገደላለህ” መባላቸውን አስታውቀዋል። በትናትናው እለት ባህር ዳር የፓርቲው አባላቶጭ  የፍርድ ሂደት ላይ ለመገኘትና ጠበቃ የሚያገኙበትን አግባብ ለማፈላለገ ወደ ባህር ዳር ካመሩ በሁዋላ የፍርድ ሂደቱን እንዳይከታተሉ ቢደረገም በዳኞች ትዕዛዝ ችሎት ተግኝተዋል። ይሁንና ከችሎት ፍጻሜ በሁዋላ አቶ የሺዋስ መያዛቸው የፓርቲው የህዝብ ግንኙነት ሃላፊ ለቪኦኤ አስታውቀው ነበር።

አቶ የሺህ ዋስ በፌስቡክ ገጻቸው ” ከጥቂት ጊዜ እገታና ማስፈራሪያ በኃላ ነፃ ሆኘ ተመልሻልሁ ” የሚል አጭር መልዕክት አስተላለፈዋል። ይህ ከመጻፉ ሰባት ሰዓት በፊት ነጻ መሆናቸውን ያስታወቁት የሰማያዊ ፓርቲ ሊቀመንበር የአማራ ክልልን ክፉኛ ወቅሰው ነበር። በክልሉ የፓርቲያቸው መዋቅር መፍረሱንና ህገ መንግስት መጣሱን አመልከተው ነበር። ስምና ቦታ በመጥቀስ የሰማያዊ ፓርቲ ላይ የደረሰውን በደል ለቪኦኤ ያስረዱት አቶ የሺዋስ ይህንን ባሉ በሳምንት ጊዜ ውስጥ ነው ጭ ለባሾች ይዘዋቸዋል የተባለው።

ሃሙስ ለቪኦኤ በሰጥት መግለጫ የያዙዋቸው ሰዎች ” አርፈህ ብትቀመጥ ይሻላል። አስፈላጊ ከሆነ እንገልሃለን ብለውኛል ” ያሉት አቶ የሺዋስ የአማራ ክልል ዓቃቤ ሕግ ዘጠኝ በሚሆኑ የምዕራብ ጎጃም ዞን የሰማያዊ ፓርቲ አመራር አባላትና ሌሎች አባላት ላይ የተመሰረተውን ክስ አሻሽሎ እንዲያቀርብ ዛሬ የክልሉ ጠ/ፍርድ ቤት ትዕዛዝ እንደሰጠም አስታውቀዋል።

አባላቶቹና በየደረጃው ያሉ አመራሮቹ ከመቼውም ጊዜ በላይ እንግልት፣ እስርና፣ ማሳደድ እየደረሰባቸው እንደሆነ ያስታወቅው የሰማያዊ ፓርቲ፣ የፓርቲው መዋቅር በአማራ ክልል መፈረሱን አመለከተ። የፓሪወ ሊቀመንበር አቶ የሺዋስ አሰፋ እንዳስታወቁት አቤት ቢሉም ሰሚ ማግኘት እንዳልተቻለና ፓርቲው ላይ ህገ መንግስትን የጣሰ የማፍረስ ተልዕኮ እየተከናወነ ነው።

“እንደ ፖለቲካ ፓርቲ ዋናው ሥራችን ፖለቲካዊ፣ ማህበራዊ እና ኢኮኖሚያዊ ዓላማዎችን ለህዝቡ ማስተዋወቅ መሆን ሲገባው፣ ስራችን እስረኛ መጠየቅ እና ስንቅ ማመላለስ ሆኗል” ሲሉ አቶ የሺዋስ ለጀርመን ድምጽ ሬዲዮ ተናግረዋል። ፓርቲው ባዘጋጀው ጋዜጣዊ መግለጫ ላይ በስፋት የደረሰው በደል የተብራራ ሲሆን፣ በህግ ተመዝግቦ የሚሰራን ፓርቲ በመመሪያ ህልውናውን የማክሰም ስራ ተጠናክሮ መቀጠሉን ቦታና ስም በመጥቀስ አመልከተዋል።

በደቡብ ክልል ስለጤ ዞን፣ በኦሮሚያ ምዕራብ ጉጂ ዞን ፓርቲያቸው ችግር እንደገጠመው ያስታወቁት አቶ የሺ ዋስ በአማራ ክልል የሚሆነው የከፋ እንደሆነ ተናግረዋል።  በሰሜን ጎንደር፣ በባህር ዳር፣ በደሴ፣ ደብረማርቆስ የፓርቲው አመራሮች በመታሰራቸው ያፓርቲው መዋቅር መፍረሱን አመልክተዋል። ፓርቲያቸው የአማራ ክልል ላይ ሰላማዊ ትግል እንዳያከናውን ከተከለከለ በግልጽ እንዲነገራቸው ተማጽነዋል በማለት መዘግባቸን ይታወሳል።

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s