የወላይታ ሶዶ ዩኒቨርሲቲ አሜሪካ መጤ ተምችን መግደልና ማጥፋት የሚያስችል መድሃኒት ማግኘቱን አስታወቀ

 የወላይታ ሶዶ ዩኒቨርሲቲ በበቆሎ ላይ የተከሰተውን አሜሪካ መጤ ተምች ሙሉ በሙሉ መግደልና ማጥፋት የሚያስችል ባዮሎጅካል መድሃኒት በምርምር ማግኘቱን አስታወቀ።

በዩኒቨርሲቲው ተመራማሪዎች አማካኝነት በምርምር የተገኘው መድሃኒት ተምቹን መግደልና ማጥፋት የሚያስችል መሆኑን በመስክ ምልከታ ማረጋገጡንም አስታውቋል።

ተመራማሪና ረዳት ፕሮፌሰር ዳዊት ዳልጋ በበኩላቸው፥ በተምቹ ላይ ለረጅም ጊዜ ጥናትና ምርምር ሲያደርጉ መቆየታቸውን ተናግረዋል።

ከግብርና ባለሙያዎችና ከአርሶ አደሮች ጋር በመሆንም ተምቹን ማጥፋት የሚቻልበትን መንገድ ለማግኘት መስራታቸውንም ነው የገለፁት።

በዚህም ከተምቹና በአካባቢው ከሚገኙ እጽዋት ውህድ ባህላዊ ባዮሎጅካል መድሃኒቱን ማግኘታቸውን ገልጸዋል። በምርምር ያገኙትን መድሃኒት ውጤታማነትም በአርሶ አደሮች ማሳ ላይ በመሞከር ማረጋገጣቸውንም አስረድተዋል።

መድሃኒቱ በቤተ ሙከራ በ25 ደቂቃ በማሳ ላይ ደግሞ በ50 ደቂቃ ውስጥ ተምቹን እንደሚገድልም ነው ተመራማሪው የሚናገሩት። እስካሁንም በአራት ቀበሌዎች በሚገኙ የአርሶ አደር ማሳዎች ላይ ተሞክሮ ውጤታማ ሆኗል ብለዋል።

በማሳ ላይ የተገኙ የግብርና ባለሙያዎች እና አርሶ አደሮችም መድሃኒቱ ውጤታማ መሆኑን በስፍራው ለተገኘው ባልደረባችን ገልጸውለታል።

ዩኒቨርሲቲው መድሃኒቱን ለሁሉም አርሶ አደሮች ለማሰራጨት የባለቤትነት መብት እየጠበቀ ነው ያሉት ደግሞ፥ የዩኒቨርሲቲው ምርምርና ማህበረሰብ ጉዳዮች ዘርፍ ምክትል ፕሬዚዳንቱ ዶክተር ብርሃኑ ኩማ ናቸው።

የባለቤትነት መብቱ ከተገኘ በኋላም መድሃኒቱ ለሁሉም አርሶ አደሮች ይሰራጫል ብለዋል። አሜሪካ መጤ ተምች በማሳ ላይ መራባት ከጀመረ ከ1 ሺህ 500 እስከ 2 ሺህ እንቁላል የመጣል አቅም እንዳለው ይነገራል።

ሃምሌ 24፣ 2009 (ኤፍ ቢ ሲ)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s