Advertisements
Sat. Sep 22nd, 2018

የ12ኛ ክፍል መልቀቂያ ፈተና ነገ ይፋ ይሆናል – 41 በመቶ የሚሆኑት ከ350 በላይ ውጤት አስመዝግበዋል

በ2009 የ12ኛ ክፍል ሀገራዊ ፈተና ከወሰዱ ተማሪዎች መካከል 41 በመቶ የሚሆኑት ከ350 በላይ ውጤት ማስመዘገባቸውን የሀገር ዓቀፍ የትምህርት ምዘናና ፈተናዎች ኤጀንሲ ገለፀ።

ኤጀንሲው ለፋና ብሮድካስቲንግ ኮርፖሬት እንደገለጸው ፈተናውን ከወሰዱት መካከል 178 ሺህ ያህሉ የተፈጥሮ ሳይንስ ተፈታኞች ናቸው፡፡

107 ሺህ ተማሪዎች ደግሞ የማህበራዊ ሳይንስ ተፈታኞች መሆናቸውን ነው ያስታወቀው፡፡ በተፈጥሮ ሳይንስ ፈተናቸውን ከወሰዱት መካከል 49 በመቶ የሚሆኑት ከ350 በላይ ውጤት ያመጡ መሆናቸውን የኤጀንሲው ምክትል ሃላፊ ዶክተር ዘሪሁን ዱሬሳ ገልፀዋል።

በዚህ አመት ከፍተኛ ውጤት የተመዘገበው በአዲስ አበባ በሚገኝ ትምህርት ቤት ሲሆን፥ ውጤቱም 633 ነው ብለዋል። ሰሞኑን በተለያዩ ማህበራዊ ሚዲያዎች የ12ኛ ክፍል የከፍተኛ ትምህርት መግቢያ ተለቋል በሚል የወጡ የተዛቡ መረጃዎች ሀሰት መሆናቸውንም ጠቁመዋል።

ተማሪዎች ትክክለኛውን ውጤት ነገ ከ8 ሰዓት ጀምሮ በኤጀንሲው ድረ ገፅ www.neaea.gov.et ላይ በመከታተል ማግኘት እንደሚቻልም ነው ዶክተር ዘሪሁን የተናገሩት።

በነጻ አጭር የፅሁፍ መልዕክት ቁጥር 8181 ላይ የተፈታኞች መለያ ቁጥርን በማስገባት ውጤታቸውን ማየት እንደሚችሉ አብራርተዋል።

በቅርቡም ወደ ከፍተኛ ትምህርት ተቋማት መግቢያ መቁረጫ ውጤት ይፋ የሚደረግ ሲሆን፥ የ10ኛ ክፍል ውጤት ደግሞ ነሀሴ 25 2009 እንደሚለቀቅ ኤጀንሲው ይፋ አድርጓል።

አዲስ አበባ፣ ሃምሌ 27፣ 2009 (ኤፍ ቢ ሲ)

Advertisements

Leave a Reply

This site uses Akismet to reduce spam. Learn how your comment data is processed.

You may missed

%d bloggers like this: