Head News / መሪ ዜና

በትግራይ ማስታወቂያና የንግድ ቤት ስያሜዎችን በሌላ ቋንቋ መጻፍ በአዋጅ ተከለከለ

አዋጁን ተግባራዊ ያላደረገ ድርጅቱ ይታሸግበታል

ከ1983 ዓ.ም ጀምሮ የስራ ቋንቋውን ትግርኛ ያደረገው የትግራይ ክልላዊ መንግስት፤ ማንኛውም የንግድ ማስታወቂያ ታፔላና የግድግዳ ላይ ማስታወቂያ መልዕክቶች በትግርኛ ቋንቋ እንዲፃፉ የሚያዝ አስገዳጅ አዋጅ ሰሞኑን አፀድቆ በስራ ላይ መዋል መጀመሩ ተገለፀ፡፡
አዋጁን እንዲያስፈፅም ኃላፊነት የተሰጠው የክልሉ ባህልና ቱሪዝም ቢሮ ኃላፊ አቶ ዳዊት ኃይሉ ለአዲስ አድማስ በሰጡት ማብራሪያ፤ አዋጁ ማንኛውም የንግድ ድርጅትም ሆነ አገልግሎት ሰጪ ተቋም፤ የውጪ ተሰቃይ ማስታወቂያውን ወደ ትግርኛ እንዲለውጥ የሚያስገድድ መሆኑን ጠቁመው፤ አዋጁን ተግባራዊ ያላደረገ ድርጅቱ እንደሚታሸግበት ያሳስባል ብለዋል፡፡
ቀደም ሲል እንዲህ ያለው አስገዳጅ ህግ ባለመኖሩ፣ በክልሉ ከተሞች የሚሰቀሉ የግድግዳ ላይ ማስታወቂያዎችና ታፔላዎች የተዘበራረቀ ቋንቋ ይጠቀሙ እንደነበር የጠቀሱት አቶ ዳዊት፤ ይህን የሚያስቀር አዋጅ መፅደቁ ለክልሉ ቋንቋዎች እድገት አስተዋፅኦ ያበረክታል ብለዋል። በክልሉ የራሳቸውን ቋንቋ የመጠቀም ህጋዊ መብት የተሰጣቸው የሳኦና የኩናማ ብሄረሰቦችም በከተማቸውና አካባቢያቸው፣ ማናቸውም የግድግዳ ላይ ማስታወቂያዎችና ታፔላዎች በየራሳቸው ቋንቋ እንዲፃፉ አዋጁ ያስገድዳል ተብሏል፡፡
አዋጁ ገና በነጋሪት ጋዜጣ ታትሞ እንዳልወጣ የተጠቆመ ሲሆን የመቀሌ ከተማ አብዛኞቹ የንግድ ቤቶችና ተቋማት አዋጁ መውጣቱን ተከትሎ ታፔላቸውን ወደ ትግርኛ ቋንቋ በመቀየር ተጠምደው መሰንበታቸውን ከአካባቢው ምንጮቻችን ለማወቅ ተችሏል፡፡ የቢሮ ኃላፊው አቶ ዳዊት በበኩላቸው፤ በእርግጥም ታፔላዎች ከወዲሁ እየተቀየሩ መሆኑንና የህብረተሰቡ ተግባርም በፍቃደኝነት ላይ የተመሰረተ እንደሆነ ጠቁመው፣ ገና ወደ አስገዳጅነት አለመገባቱን አስታውቀዋል፡፡
በታፔላዎቹ ላይ ጎላ ተደርጎ ከሚቀመጠው ከትግርኛ ቀጥሎ ሌላ ማንኛውንም ቋንቋ መጠቀም እንደሚቻል አቶ ዳዊት አክለው ገልፀዋል፡፡

ዘገባው የአዲስ አድማስ ነው

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s