Advertisements
Sat. Sep 22nd, 2018

ኢትዮጵያ የፀጥታ ጥበቃ ምክር ቤት ፕሬዚዳንትነት ስፍራን ተረክባለች

ኢትዮጵያ በዛሬው ዕለት የተባበሩት መንግስታት ድርጅት የፀጥታ ጥበቃ ምክር ቤት ፕሬዚዳንትነት ስፍራን ተረክባለች።የፀጥታው ምክር ቤት ቤት አባል ሀገራት አምባሳደሮች በኒውዮርክ የኢትዮጵያ ቋሚ መልዕክተኛ ጽህፈት ቤት በወሩ ፕሮግራም ላይ ዛሬ በኢትዮጵያ ፕሬዚዳንትነት ዙሪያ ተነጋግረዋል።

 

ethiopia_at_un.jpg

ethiopia_at_un_2.jpg

ኢትዮጵያ በፕሬዚዳንትነትዋ ወቅት የተባበሩት መንግስታት ድረጅት ከአፍሪካ ህብረት ጋር ሠላምና መረጋጋት ለማረጋገጥ ያለውን አጋርነት ለማጠናከር ትኩረት ሰጥታ የምትሰራ መሆኑን የውጭ ጉዳይ ሚኒስቴር አስታውቋል።

በዚህ መሠረት የአፍሪካ ህብረት እና የተባበሩት መንግስታት ድርጅት የጋራ ስብሰባ ጰጉሜ 2 እና 3 ቀን 2009 ዓ.ም በአዲስ አበባ የሚካሄድ ይሆናል።

ኢትዮጵያ እንደ የፀጥታው ምክር ቤት ፕሬዚዳንትነትዋ ስብሰባውን ከአፍሪካ ህብረት ጋር በምክትልነት ትመራዋለች።

ከተባበሩት መንግስታት ድርጀት እና አፍሪካ ህብረት አጋርነት በተጨማሪ የደቡብ ሱዳን፣ የሶማሊያ የሠላም ሁኔታ እና በቻድ ሃይቅ አከባቢ ባሉ ወቅታዊ ጉዳዮች ላይ በወሩ ውይይት ያደርጋል ተብሎ ይጠቃል።

ጠቅላይ ሚኒስትር ኃይለማሪያም ደሳለኝን ጨምሮ የተለያዩ አገራት መሪዎች የሚሰተፉበት እና በተባበሩት መንግስታት ድረጅት የሠላም ማስከበር ተልዕኮ ላይ የሚመክር ስብሳበ በኢትዮጵያ የፕሬዚዳንትነት ጊዜ በኒውዮርክ እንደሚካሄድም የውጭ ጉዳይ ሚኒስቴር ቃል አቀባይ ጽህፈት ቤት አስታውቋል።

ፋና ብሮድካስቲንግ

Advertisements

Leave a Reply

This site uses Akismet to reduce spam. Learn how your comment data is processed.

You may missed

%d bloggers like this: