Advertisements

ምን እየሆነ ነው? የ “ኢትዮጵያ” አልበም ምርቃት ታገደ፤ ቴዲ መግለጫ አሰራጨ

Image result for teddy afro

የተወደዳችሁ ወገኖች በቅድሚያ የከበረ ሰላምታችንን እያቀረብን በዛሬው ዕለት ነሐሴ 28 2009 ዓ.ም. ከምሽቱ 1 ሰዓት ጀምሮ በአዲስ አበባ ሒልተን ሆቴል በደመቀ ሁኔታ ልናካሂድ የነበረው የ ” ኢትዮጵያ” አልበም ምርቃት አስፈላጊው ዝግጅት ሁሉ ተጠናቆና ጥሪ ለተደረገላቸው ዕንግዶች የመግቢያ ወረቀት ታድሎ ካበቃ በኋላ በሰዓታት ልዩነት ውስጥ ጉዳዩ ይመለከተኛል የሚለው የመንግስት አካል መርሃ ግብሩን ማካሄድ እንደማንችልና ፍቃድ እንደሚያስፈልግ በመግለፅ ዝግጅቱ እንዳይካሄድ መከልከሉን ለክቡራን ወገኖቻችን ስናሳውቅ የተሰማንን ከፍተኛ ሀዘን በመግለፅ ነው።

ጥሪ ለተደረገላችሁ ክቡራን እንግዶቻችን እና ለመላው ውድ አድናቂዎቻችን ይህን ይቅርታ ያዘለ መልዕክታችንን ስናስተላልፍ መጪው አዲስ ዓመት የሰላምና የፍቅር ከምንም በላይ ደግሞ መላው የኢትዮጵያ ልጆች በዕኩል ዓይን የሚታዩበት የፍትሕ ዘመን እንዲሆን በመመኘት ነው።

ከላይ ለመግለፅ እንደሞከርነው ይህን ዝግጅት ለማዳሄድ ፈቃድ መጠየቅ ማለት አንድ ዜጋ የሰርግ ወይም የልደት በዓሉን ለማክበር ከዚህ በፊት ባልተለመደ ሁኔታ ከመንግስት ፈቃድ የመጠየቅን ያህል ስራ ላይ ውሎ የማያውቅ አሰራርና ከሀገሪቱ የሕግ አካሄድ ጋር የሚጣረስ መሆኑን ግምት ውስጥ በማስገባት ለጊዜውም ቢሆን ሁኔታውን ለማስቀጠል ባደረግነው ሙከራ ምንም አይነት የሙዚቃ መሳሪያና ለዝግጅቱ አስፈላጊ የሆኑ ግብአቶች በሙሉ ወደ ሆቴሉ እንዳይገቡና ከመኪና እንዳይወርዱ መለዮ በለበሱ የመንግስት ታጣቂዎች በመከልከላችን ያለውን ሁኔታ ለመቀበል ተገደናል።

በተፈጠረው ሁኔታ ጥሪ ለተደረገላችሁ ክቡራን እንግዶቻችን እና ለመላው ውድ አድናቂዎቻችን ይህን ይቅርታ ያዘለ መልዕክታችንን ስናስተላልፍ መጪው አዲስ ዓመት የሰላምና የፍቅር ከምንም በላይ ደግሞ መላው የኢትዮጵያ ልጆች በዕኩል ዓይን የሚታዩበት የፍትሕ ዘመን እንዲሆን በመመኘት ነው።

ኢትዮጵያ ለዘላለም ትኑር

“ፍቅር ያሸንፋል”

ቴዎድሮስ ካሳሁን (ቴዲ አፍሮ)

Advertisements

Leave a Reply

This site uses Akismet to reduce spam. Learn how your comment data is processed.

You may missed

%d bloggers like this: