Head News / መሪ ዜና

ኢህአዴግ ዛሬ የ ” አንድነት ቀን” እያከበረኩ ነው አለ

የአዲስ ዓመት አቀባበል አካል የሆነው ‘’የአንድነት ቀን’’ እየተከበረ ነው

ከነገ ወዲያ የሚከበረው የ2010 ዓ.ም አዲስ ዓመት አቀባበል አካል የሆነው ‘’የአንድነት ቀን’’ ዛሬ በመከበር ላይ መሆኑንን፣ ዕለቱም ‘’ኢትዮጵያዊ ኩራቱ ህብረ-ብሄራዊነቱ’’ በሚል መሪ ቃል የሚመራ መሆኑንን የኢህአዴግ ሚዲያዎች እያስታወቁ ነው። ባልተለመደ ሁኔታ ” አንድነት” የሚል ሃሳብ ማቀንቀን የጀመረው ኢህአዴግ በዚህ ሃሳቡ የት ድረስ ሊሄድ እንደሚችል የታወቀ ነገር የለም።

ብሄራቸውን ሲጠየቁ ” ከየትኛው ወገን እንደሆን መናገር ይቸግረናል። የተቀላቀልን ነን። ከተለያየ ብሄረሰብ አባትና እናት ነው የተወለድነው። ኢትዮጵያዊ ነን ” ለሚሉ ” በአየር ላይ ያለ ኢትዮጵያዊነት” በሚል ሲገስጻቸውና ሲያሸማቅቃቸው የነበረው ኢህአዴግ፣ ዛሬ ስለ ኢትዮጵያዊነት ማውራቱና ስለ አንድነት መስበኩ ብዙም የሚዋጥ እንዳለሆነ በተቃራኒው እየተገለጸ ነው።

አቀንቃኝ ቴዎድሮስ ካሳሁን ሰለ ኢትዮጵያ መዝፈኑ ዋጋ እያስከፈለው መሆኑ፣ ስለ አገሩ ስጋት ገብቶት ሁሉም ዜጎች ወደ ልባቸው እንዲመለሱ የሚጋብዝ የፍቅርና የአንድነት ስራዎቹን ወደ መድረክ ሲያመጣ ሊመሰገንና ድጋፍ ሊሰጠው ሲገባ በተቃራኒው የግል መብቱን ሳይቀር እያጣ ነው። ይህንን የሚያነሱ ወገኖች ኢህአዴግ ከልቡ ሰለ አንድነት ቢያስብና ቢጨነቅ ኖሮ መጀመሪያ ቴዲን መድረክ ባልከለከለ ነበር ይላሉ። እናም የአሁኑ የአንድነት ሰብከት ” የለበጣ ነው” ልክ ሲያቃጥል በማንኪያ እንደሚሉት ሲሉ ይተቻሉ።

ሌሎች ወገኖች ደግሞ ይህንን ቢመሽም ከልብ ከሆነ ጅማሮው ሊመሰገን እንደሚገባና በበጎ ጎኑ መታየት እንዳለበት ያምናሉ። እነዚህ ክፍሎች እንደሚሉት፤ ኢህአዴግ የጎሳ ፖለቲካ አደጋ አሳስቦት ወደ እንዲህ ያለው ሃሳብ መመለሱን ከውድቀቱ ጋር በማመሳከር የእርቅ ሃሳብን አጠንክሮ በማራመድ ከሕዝብ ይሁንታና ድጋፍ ለማግኘት መትጋት እንዳለበት ያሳስባሉ። አለያ ግን ከንቱ ውዳሴ እንደሚሆን ያምናሉ። እንዚህ ወገኖች ኢህአዴግ እገሌ ከገሌ ሳይል በአዲሱ ዓመት በሩን ለሰላምና ለፍትሃዊ እርቅ ክፍት ሊያደርግ እንደሚገባውም ያምናሉ።

ተማሪዎች ትምህርት ቤታቸውን፣ ሰራተኞች የሥራ ቦታቸውን በማጽዳት እና የአቅመ ደካሞችን በመጎብኘትና ቤታቸውን በመጠገን እንደሚከበር የዛሬው በዓል እንደሚከናወን ሚዲያዎች አስታውቀዋል። ከኢ.ፌ.ዴ.ሪ መንግስት ኮሙዩኒኬሽን ጉዳዮች ጽህፈት ቤት በመነሳት ከእምነት ተቋማት መሪዎች ጋር በመሆን በፌዴራል ማረሚያ ቤቶች አስተዳደር የሚተዳደሩ ማረሚያ ቤቶች ታራሚዎችም እንደሚጎበኙም ተመልክቷል።

ታዋቂ የፖለቲካ መሪዎችን እስር ቤት አጉሮ፣ በሺህ የሚቆጠሩ ዜጎችን ለምን ተቃወማቹህ በሚል እስር ቤት ከርችሞ ” የፍቅር ሰላምታ፣ የአንድነት ወግ፣ አዲስ ዓመት ” ማለት ብዙም እንደማያስኬድ የሚገልጹ ወገኖች ” አሁን ባለው የኢትዮጵያ ሁኔታ ብቸኛው አማራጭ እቅር ብቻ ነው፤ ፍትህ ያለበት እርቅ!!”

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s