Head News / መሪ ዜና

“በኢሬቻ በዓል – ደህንነትን፣ የመከላከያ ሰራዊትና ፌደራል ፖሊስ ይሰማራሉ” ኢህአዴግ ፤ “በኢሬቻ በዓል ላይ የትኛውም የመንግሥት አካል ድርሻ አይኖረውም” አባገዳዎች ምክር ቤትና ኦሮሚያ ክልል

“በዘንድሮው የኢሬቻ በዓል ላይ የታጠቀ የመንግሥት ኃይል እና ባለስልጣናት መንግሥትን ወክለው አይገኙም” ቢቢሲ

”መሳሪያ የታጠቀ ፀጥታ አስከባሪ ኃይል በበዓሉ ስፍራ አይገኝም” ኦሮሚያ ክልል

ሆራ አርሰዲ 1.jpg

ከወዲሁ የሚቃረኑ መረጃዎች እየወጡ ነው፤

በዘንድሮው የኢሬቻ በዓል ላይ የብሄራዊ ደህንነትን ጨምሮ፥ የመከላከያ ሰራዊትና ፌደራል ፖሊስ ፀጥታ የማስከበር ስራ እንደሚሰሩ የፈደራል ፖሊስ ኮሚሽን ኮሚሽነር ጀኔራል አሰፋ አብዩ ይፋ አደረጉ። ኮሚሽነሩ በተለያዩ ሚዲያዎች የተዘገቡትን ዜናዎች በቀጥታ ባያስተባበሉም፣ ከዜናዎቹ በተቃራኒ ልዩ ጥበቃ እንደሚደረግና በርካቶች ከበዓሉ በፊት በቁጥጥር ስር እንደዋሉ ተናግረዋል። ቢቢሲ በበኩሉ የኦሮሞ አባገዳዎች ምክር ቤትን ዋቢ አድርጎ በኢሬቻ በዓል ላይ ባልተለመደ መልኩ የትኛውም የመንግሥት አካል ድርሻ አንደማይኖረው አስታውቋል። የቢቢሲን ዘገባ ተከትሎ በርካታ የኢንተርኔት የዜና አውታሮች መረጃውን አሰራጭተዋል።

በተመሳሳይ ቀን የወጡትና የተራቡት መረጃዎች እሁድ ለሚከበረው በዓል ከወዲሁ ስጋት መኖሩን አመላካች ናቸው። በርግጥ ኮሚሽነሩ የመንግስት አካላት በዓሉ ላይ ንግግር ስለማድረጋቸው ያሉት ነገር ባይኖርም፣ “…በዓሉ በሰላም እንዲጠናቀቅም የፀጥታ ሀይሉ የድርሻውን ይወጣል ” ማለታቸውን የመንግስት መገናኛዎች አመልክተዋል። አያይዘውም በዓሉን በሰላም ለማክበር ሲባል ከወዲሁ በቁጥጥር ስር የዋሉ እንዳሉ፣ በቀጥይም በቁጥጥር ስር የሚውሉ መኖራቸውን አስታውቀዋል።

በዘንድሮው የኢሬቻ በዓል ላይ የታጠቀ የመንግሥት ኃይል እና ባለስልጣናት መንግሥትን ወክለው እንደምይገኙ አባገዳዎች ምክር ቢርትን ጠቅሶ የዘገበው ቢቢሲ የአማርኛው ክፍል፣ አንድም የታጠቀ ሃይል፣ እንደምይገኝና ለመታሰቢያ ቆመ በተባለው ሃውልት ላይ የተጻፈው ጽሁፍ መፋቁን፣ እንዲሁም 300 የሚሆኑ ወጣቶች የስነስርዓት ማስከበሩን ስራ እንደሚሰሩ ነው የዘገበው። ሙሉው ዘገባ እንደሚከተለው ይነበባል።

እሁድ በሚካሄደው የኢሬቻ ሥነ-ሥርዓት ላይ ከዚህ በፊት ባልተለመደ ሁኔታ የታጠቀ የመንግሥት ፀጥታ አስከባሪ ኃይል እንደማይገኝ በዓሉን እያስተባበረ የሚገኘው የኦሮሚያ አባገዳዎች ምክር ቤት ገልጿል።

በመንግሥት የፀጥታ አስከባሪዎች ቦታም 300 በጎፍቃደኛ ወጣቶች ሥርዓት ያስከብራሉ ሲሉ የምክር ቤቱ ሰብሳቢ የሆኑት አባ ገዳ በየነ ሰምበቶ ለቢቢሲ ተናግረዋል።

”በዘንድሮው በዓል ላይ የትኛውም የመንግሥት አካል ምንም አይነት ድርሻ አይኖረውም፤ የመንግሥት ባለስልጣናትም ንግግር አያደርጉም ።” ሲሉ ተናግረዋል።

”የመንግሥት ባለስልጣናት እንደማንኛውም ዜጋ በበዓሉ ላይ የመሳተፍ መብት አላቸው። ከዚህ የዘለለ ግን ሌላ ተሳትፎ አይኖራቸውም” ሲሉ አባ ገዳ በየነ ሰምበቶ አስረድተዋል።

በዓሉ በሚከበርበት ቦታ ያሉ የመግቢያና የመውጫ መንገዶችን የማስፋት ሥራዎች እንደተከናወኑ አባ ገዳ በየነ ተናግረዋል።

ከዓመት በፊት በተካሄደው የኢሬቻ በዓል ላይ የፀጥታ ኃይሎች በከፈቱት ተኩስ በርካታ ሰዎች ሲሸሹ ጉድጓድ ውስጥ ገብተውና ተረጋግጠው ህይወታቸው ማለፉ ያታወሳል።

የክልሉ የፀጥታ ጉዳዮች ቢሮ ቃለ-አቀባይ የሆኑት አቶ መለሰ ተፈራ ለቢቢሲ እንደተናገሩት፤ በአባ ገዳዎች የተመለመሉ በጎፍቃደኛ ወጣቶች የበዓሉን ሥነ-ሥርዓት ያስከብራሉ። የኦሮሚያ ፖሊስ ወደ ቢሾፍቱ የሚወስዱ መንገዶችን ብቻ ይቆጣጠራል፤ ያሉት አቶ መለሰ ”መሳሪያ የታጠቀ ፀጥታ አስከባሪ ኃይል በበዓሉ ስፍራ አይገኝም” ሲሉ አረጋግጠዋል።

የኢሬቻ በዓል ተሳታፊዎች

”በድንገት”

ከዓመት በፊት በኢሬቻ በዓል ላይ ህይወታቸውን ላጡ ወገኖች በቢሾፍቱ ከተማ በቆመላቸው የመታሰቢያ ሃውልት ላይ ”በድንገት ህይወታችውን ላጡ” ተብሎ የሰፈረው ጽሁፍ በበርካቶች ዘንድ ቅሬታ ፈጥሮ ነበር።

አባ ገዳ በየነ ለቢቢሲ እንደተናገሩት ከሆነ ”በድንገት” የሚለው ጽሁፍ እንዲፋቅ ተገርጓል። በበዓሉ ዋዜማም ህይወታቸውን ላጡት የህሊና ጸሎት እንደሚደረግ ጨምረው አስረድተዋል።

የኢሬቻ በዓል ምንድን ነው?

የቀድሞ የቱለማ አባ ገዳ ነጋሳ ነገዎ ”ኢሬቻ የምስጋና ቀን ነው። ለፈጣሪ የሚሰጥ ምስጋና”። ”ክረምቱን አሳለፍከን፣ ወደ ሌላ ዘመን አሸጋገርከን፣ የዘራነው አሽቷል በማለት የሃይማኖት ልዩነት ሳይገድበን ከሁሉም አቅጣጫ በመሰባሰብ እርጥብ ሳር በመያዝ ለዋቃ ምስጋና እናደርሳለን” ሲሉ ያስረዳሉ። የኢሬቻ በዓል በቢሾፍቱ ከተማ በሆር ሃርሰዴ የሚከበር ሲሆን በሚሊዮን የሚቆጠር ህዝብ በበዓሉ ላይ ይሳተፋል።

 

Advertisements

Categories: Head News / መሪ ዜና

Tagged as:

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s