Advertisements
Sun. Sep 23rd, 2018

የ5 ባለሃብቶችና የሥራ ሃላፊዎች የሙስና ክስ በአቃቤ ህግ ተቋርጧል

የአምስት ባለሃብቶችና የስራ ሃላፊዎች የሙስና ክስ ጉዳይ በጠቅላይ አቃቤ ህግ እንዲቋረጥ ተደርጓል፡፡ ከ50 በላይ የሚሆኑ ባለስልጣናት፣ ባለሃብቶችና ግለሠቦች ከሁለት ወራት በፊት በሙስና ተጠርጥረው በፖሊስ ቁጥጥር ስር ውለው እንደነበር የሚታወቅ ሲሆን የሁለት ባለሃብቶችን ጉዳይ ጨምሮ የ5 ተጠርጣሪዎች ክስ ሠሞኑን ተቋርጧል፡፡ በትላንትናው እለት በቀድሞ የኢትዮጵያ መንገዶች ባለስልጣን ዋና ዳይሬክተር አቶ ዛይድ ወ/ገብርኤል የክስ መዝገብ ውስጥ ተካተው ጉዳያቸው በፍ/ቤት ሲታይ ከነበሩት መካከል የሣትኮን ኮንስትራክሽን ባለቤት አቶ ሳሙኤል ተክላይ፣ የሀይዚአይ አይ ኮንስትራክሽን ባለቤት አቶ ዛኪር አህመድ እንዲሁም በሳትኮን ኮንስትራክሽን የፋይናንስ መምሪያ ሃላፊ የነበሩት አቶ ፍሠሃ ታደሰ ክስ በአቃቤ ህግ ተቋርጧል፡፡
የሣትኮም ባለቤት አቶ ሳሙኤል ተክላይና የፋይናንስ ሃላፊው አቶ ፍስሃ ታደሰ አስቀድሞም በፖሊስ ቁጥጥር ስር ሣይውሉ ቀርተው፤ የእስር ትዕዛዝ ወጥቶባቸው የነበረ ሲሆን የሀይዚ አይአይ ኮንስትራክሽን ባለቤት አቶ ዛኪር አህመድ ግን በፖሊስ ጣቢያ ታስረው የሚገኙ መሆኑ ተጠቅሷል። በዚህም መሰረት አቶ ዛኪር አህመድ ከፖሊስ ጣቢያ የሚለቀቁ ሲሆን ሁለቱ ተከሳሾች ባሉበት ክሳቸው እንዲቋረጥ ተደርጓል፡፡
በተመሣሣይ በሣምንቱ መጀመሪያ ላይ የኢትዮጵያ መንገዶች ባለስልጣን ኮሚኒኬሽን ሃላፊ አቶ ሣምሶን ወንድሙና ሌላው የመስሪያ ቤቱ ባልደረባ አቶ በቀለ ባልቻ ክስ በአቃቤ ህግ መቋረጡን ይታወሳል፡፡
አቃቢ ህግ የአቶ ሣምሶንን ክስ ያቋረጠው “በተጠርጣሪው ላይ ክስ መመስረት ስላልተቻለ ነው” ብሏል፡፡ በአቶ በቀለ ባልቻ ላይ ደግሞ ክስ መመስረት ስላላስፈለገ ምርመራውን ያቋረጠ መሆኑን በመግለፅ ከእስር መለቀቃቸውን አስረድቷል፡፡

Via – Addisadmass 

Advertisements

Leave a Reply

This site uses Akismet to reduce spam. Learn how your comment data is processed.

You may missed

%d bloggers like this: