Advertisements
Mon. Sep 24th, 2018

እናት ልጇን ተርባለች !! የእስር ጊዜውን የጨረሰው ልጅዋ አልተፈታም

“ጋዜጠኛ ተመስገን ደሳለኝ አይፈታም” የዝዋይ እስር ቤት

Image result for temesgen desalegn

ተመስገን የሚገኝበት የዝዋይ እስር ቤት ሀላፊዎች ሶስት ዓመት የእስር ጊዜውን ያለ አመክሮ ቢጨርስም፣ ያለ አንዳች ተለዋጭ የፍርድ ቤት ማዘዣና ምክንያት አንፈታም ማለታቸው ተሰማ። ድርጊቱ የተመስገን እስር አስቀድሞም ፖለቲካዊ መሆኑንን ያመላከተና ፍጹም አግባብነት የሌለው እንደሆነ ከየአቅጣጫው እየተዘገበ ነው።

የሶስት ዓመት የእስር ጊዜውን ያጠናቀቀው ተመስገን ከዝዋይ የመለቀቁ ዜና ሳይሆን ብዙዎችን ያጓጓው ሶስት ዓመት የማቀቁት እናቱ እረፍት የማገኘታቸው ጉዳይ ነበር። ተመስገን በታመመበትና የት እንዳለ ለጊዜው ባልታወቁባቸው ቀናቶች ” ልጄን ልቀቁልኝ ፣ ልጄ የት ነው? ልጄን … ” እያሉ ሲንሰፈሰፉ ለሰማ የተመስገን መፈታት ከዜናና ከሚዲያ ፍጆታ በላይ ለቤተሰቡ አስፈላጊ ነው።

በርካታ ሰዎች በተመሳሳይና በባሰ ሁኔታ በሚታሰሩበትና ፣ እስር ቤት ከሚማቅቁበት ስፍራ ተመስገን የእስር ጊዜውን ጨረሶ መውጣቱ ለእናቱ፣ በየቀኑ ዝዋይ ለሚመላለሱት ለቤተሰቦቹና ወዳጆቹ እረፍት ነውና የማሰሪያ ዋራንቲ የቆረጣችሁ ወገኖች እባካችሁን መመሪያ ስጡለት ወይም የሰጣችሁትን መመሪያ አንሱለት።

የተመስገን ወንድም የዝዋይ እስር ቤት እስሩን በፈጸመበት ቀነ ወንድሙ እንደማይፈታ እንዳረጋገጡለት ተናግሯል። ክልጃቸው በላይ የማቀቁት አዛውንት እንደ እርጉዝ ቀን ቆጥረው ልጃቸውን ለመሳም፣ አጣፍጠው የሰሩትን ለማጉረስ የደርሱበትን ቀን ማሳለፍ በየትኛውም መስፈርት ልክ አይሆንም። አረመኔነት ነው። ከሴት ያለመፈጠር ያህል ነው። የተመስገን እናት ሶስት ዓመት መንሰፍሰፍዎትን አምላክ ያየዋል። ከፈጣሪ ፊት የሚደበቅ አንዳችም ነገር የለም። እንባዎትን ፈጣሪዎ ያየዋል። የርስዎን ብቻ ሳይሆን በየአቅጣጫው የሚፈሰው እምባ ከሃያሉ አምላክ እይታ ውጭ አይደለምና ፈጣሪዎ ያግዝዎት፤ ልጅዎን ይገናኙ ዘንድ የዝግጅት ክፍላችን መልካም ምኞቱን ይገልጻል።

 

Advertisements

Leave a Reply

This site uses Akismet to reduce spam. Learn how your comment data is processed.

You may missed

%d bloggers like this: