Head News / መሪ ዜና

አምቦ ግድያ የፈጸሙት ” ያስፈራሉ …” ቀይ ቀለም የለበሱና ሌሎችም አሉበት…

“ከአሁን በሁዋላ የምንደብቀው ነገር አይኖርም። ያለውን እውነት አንደብቅም። እውነት እውነት ነው …” ሲሉ ያልተለመደ የቁጭት ምላሽ የሰጡት የአምቦ ከተማ ኮሙዩኒኬሽን ጉዳዮ ኃላፊ፣ ቀይ ኮፊያ ያደረጉ፣ ከወሊሶም የመጡ እንደሆኑ በመናገር የ ” መከላከያ አባላት” ሲሉ የጠሩዋቸውን ” አናቃቸውም ። ያስፈራሉ” ነው ያሉዋቸው ። አያይዘውም ” ሌሎችም አሉበት” ሲሉም ተደምጠዋል። ሌሎች ሲሉ እነማን? ማን? ከየት የመጡ? የሚለውን ግን አላብራሩም።

እኚሁ የኦህዴድ ሰው ስኳር በህገውጥ መንገድ እየተዘዋወረ ነው በሚል ለተቃውሞ የወጡ ላይ “ተኩሰው ገደሏቸው” ብለዋል። እሳቸው እስከሚያውቁት አስር ሲገደሉ፣ አስራ አምስት ቆስለዋል። ” ይህን ጉዳይ ክልሉ አያውቀውም” ሲሉም ድርጊቱን ነቅፈዋል። አነጋገራቸው ፍጹም የሆነ ምሬትና ቁጭት እንዳለባቸው መደበቅ በማይችሉበት ደረጃ ሲናገሩ የተሰሙት አቶ ጋዲሳ፣ ንግግራቸው ኦህዴድና ህወሃት የደረሱበትን ሁለት ጫፍ አመላካች ይመስላል።

“ይህ ለልዩ ተግባር የተዘጋጀና ማንኛውንም አካል እንዳይሰማ ተደርጎ የተሰራ ሰራዊት ሚዳቆ እንዳየ የራበው ነብር በተኮሰና በገደለ ቁጥር ይቅበጠበጣል። ጥላውን እንኳን አያምንም። እጁን ቃታ ላይ አድርጎ ሲገላመጥና በአይኑ ግንባር ሲጋረፍ፣ ሲቅበጠበጥና ሲወራጭ ለሚያየው ወገን አይመስልም…” ሲሉ ነዋሪዎች ትዝብታቸውን ይገልጻሉ።

በአምቦ ይህ ግድያ በተፈጸመበት እለት አቶ ሃይለማርያም በማርላማ አዳራሽ ለኢህአዴግ አባለት ችግሩን ” ኪራይ ሰብሳቢዎች” የፈጠሩት ችግር እንደሆነ ሲናገሩ ነበር። የአምቦ ከተማ ኮሙዩኒኬሽን ጉዳዮ ኃላፊ አቶ ጋዲሳ እና ነዋሪዎችን በማናገር ቪኦኤ ይህንን ዘገባ አቅርቧል።

በአዲስ አበባ የሚገኘው የዩናይትድ ስቴይትስ ኢምባሲ በዛሬውዕለት በፌስቡክ ገጹ ላይ ባወጣው ጽሑፍ “በእጅጉ የሚረብሽ ሁከትና ግድያዎች በአምቦ ከተማ ዛሬ መከሰታቸውን በዘገባዎች ሰምተናል። በኢትዮጵያ ዜጎች በሰላምና በፍጹም ነጻነት ሐሳባቸውን እንዲገልጹ ማበረታታት ግጭቶችን በሰላማዊ መንገድ ለመፍታት እድል እንደሚፈጥር ልናሰምርበት እንወዳለን።” ብሏል።

Advertisements

Categories: Head News / መሪ ዜና

Tagged as:

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s