Head News / መሪ ዜና

የአስመራው ት/ቤት ኣገልግሎት መስጠት ጀመረ፤ አልጀዚራ 28ሰዎች መሞታቸውን ቢዘግብም የሰው ህይወት አለማለፉ ተጠቆመ

በኤርትራ ተከሰተ የተባለውን ግጭት ተከትሎ የተለያዩ መረጃዎች እየወጡ ቢሆንም ማስታወቅያ ሚኒስትሩ አቶ የማነ ገ/መስቀል ” ጉዳዩ ለሰበር ዜና የማይበቃ ነው” ሲሉ አጣጥለውት ነበር። አልጀዚራ የ24 ሰዎች ህይወት አለፈ ቢልም ቢቢሲ በስፍራው ያሉ ምንጮችን ጠቅሶ፣ በስም የጠራቸውን በአስመራ የጣሊያን ኤምባሲ ሰራተኛ ዋቢ በማድረግ የሰው ህይወት አለመጥፋቱን ይፋ አድርጓል። የቢቢሲ ዘገባ እንዲህ ይነበባል

ባለፈው ማክሰኞ ጥቅምት 20 ቀን 2010 በአስመራ ከተማ የተነሳውን ተቃውሞ ተከትሎ በሰው ሕይወት ላይ አደጋ ባይደርስም በርካታ ወጣቶች ለእስር እየተዳረጉ እንደሚገኙ ታውቋል።

ወጣቶቹ የታሰሩት አስመራ በሚገኙ ፖሊስ ጣቢያዎች ሲሆን ተቃውሞውን ተከትሎ ለእስር ከተዳረጉት መካከል ለአቅመ ኣዳም ያልደረሱ ታዳጊዎች መፈታታቸውን በአካባቢው የሚገኙ ምንጮቻችን ገልፀዋል።

አኽርያ በመባል የሚታወቀውን አካባቢ ሲጠብቁ የነበሩ የፀጥታ ኃይሎችም አካባቢውን ለቀው የወጡ ሲሆን፤ ለተቃውሞው መነሻ የሆነው የአልድያዕ አል ኢስላምያ ትምህርት ቤት ስራውን መጀመሩንና ተማሪዎችም ወደ መደበኛ ትምህርታቸው መመለሳቸውን ለማወቅ ተችሏል።

ምንጮቻችን እንደገለፁልን ልጆቻቸው የታሰሩባቸው ወላጆች ወደ ፖሊስ ጣቢያ በመሄድ የልጆቻቸውን ሁኔታ ሲጠይቁና ምግብ ሲያመላልሱ ተስተውለዋል።

የኤርትራ ማስታወቅያ ሚኒስትር አቶ የማነ ገ/መስቀል በተቃውሞው ምንም ዓይነት የሰው ሕይወት እንዳልጠፋ በትዊተር ገፃቸው ፅፈዋል።

በአስመራ የጣልያን ኢምባሲ ሠራተኛ የሆኑት ዲዬጎ ሶሊናስ በበኩላቸው በገጠመው የተቃውሞ እንቅስቃሴ የተጎዳ ሰው እንደሌለ መታዘባቸውን ለቢቢሲ ተናግረዋል።

የትምህርት ቤቱ ባለቤትነት ዝውውርን በመቃወም የተማሪ ወላጆች በተሰበሰቡበት ንግግር በማደረጋቸው ለእስር የተዳረጉት ሓጂ ሙሳ መሓመድን እና ሌሎች ሰዎች ደህንነታቸውና ያሉበት ሁኔታ እስካሁን እንደማይታወቅ ምንጮቹ ጨምረው ገልፀዋል።

Advertisements

Categories: Head News / መሪ ዜና

Tagged as:

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s