Head News / መሪ ዜና

የዚምባብዌ ጦር ቴሌቪዥን ጣቢያ ከተቆጣጠረ በኋላ “ዒላማዬ ወንጀለኞች እንጂ ሙጋቤ አይደሉም ” ብሏል

VIa BBC አማርኛ የጦሩ መግለጫ የተነበበው በወታደሮች ሲሆን የዜድ ቢ ሲን ዋና መስሪያ ቤት ከተቆጣጠሩ ከሰዓታት በኋላ ነው። “ለህዝቡ የምናረጋግጠው ፕሬዝዳንቱ እና ቤተሰቦቻቸው በመልካም ሁኔታ ላይ ናቸው። ደህንነታቸውም ይጠበቃል” ሲል የጦሩ ባልደረባ ይፋ አድርጓል። “ዒላማ ያደረግነው በፕሬዝዳንቱ አቅራቢያ ሆነው ወንጀል በመፈጸም ሃገሪቱን ለማህበራዊና ኢኮኖሚያዊ ችግር ያጋለጡ ወንጀለኞችን ነው። ተልኳችንን እንዳጠናቀቅን ነገሮች እንደቀድሞው ይሆናሉ” ብሏል መግለጫው።

Military spokesman speaking on ZBC, 15 November 2017አጭር የምስል መግለጫየዚምባብዌ ጦር አባል መግለጫ ሲያነቡ

የዚምባብዌ ጦር ብሔራዊ ቴሌቪዥን ጣቢያ የሆነውን ዜድ ቢ ሲን ከተቆጣጠረ በኋላ ባወጣው መግለጫ “በወንጀለኞች ላይ ያነጣጠረ” እርምጃ በመውሰድ ላይ መሆኑን አስታውቋል።

ጦሩ “የመንግሥትን ስልጣን ለመቆጣጠር አልተንቀሳቀሰም” ሲል በመግለጫው ጠቅሶ ፕሬዝዳንት ሮበርት ሙጋቤ ደህንነታቸው እንደተጠበቀ አስታውቋል። ረቡዕ ጠዋት ላይ በዋና ከተማዋ ሃራሬ ሰሜን ክፍል ከፍተኛ የጦር መሳሪያ ተኩስ ተሰምቷል።

በደቡብ አፍሪካ የዚምባብዌ ልዑክ የሆኑት አይዛክ ሞዮ መፈንቅለ መንግሥት አለመኖሩን ጠቁመው መንግሥት በተለመደ መልኩ ሥራውን እያከናወነ ነው ብለዋል።

Soldiers stand beside military vehicles just outside Harare, Zimbabwe, 14 November 2017Image copyrightREUTERS  አጭር የምስል መግለጫየዚምባብዌ ጦር አባላት በሃራሬ ጎዳና ላይ

የጦሩ መግለጫ የተነበበው በወታደሮች ሲሆን የዜድ ቢ ሲን ዋና መስሪያ ቤት ከተቆጣጠሩ ከሰዓታት በኋላ ነው። “ለህዝቡ የምናረጋግጠው ፕሬዝዳንቱ እና ቤተሰቦቻቸው በመልካም ሁኔታ ላይ ናቸው። ደህንነታቸውም ይጠበቃል” ሲል የጦሩ ባልደረባ ይፋ አድርጓል።

“ዒላማ ያደረግነው በፕሬዝዳንቱ አቅራቢያ ሆነው ወንጀል በመፈጸም ሃገሪቱን ለማህበራዊና ኢኮኖሚያዊ ችግር ያጋለጡ ወንጀለኞችን ነው። ተልኳችንን እንዳጠናቀቅን ነገሮች እንደቀድሞው ይሆናሉ” ብሏል መግለጫው።

መግለጫው ዒላማ የተደረጉ ሰዎችን ባይጠቅስም ሮይተርስ አንድ የመንግሥት ኃላፊን ጠቅሶ እንደዘገበው የገንዘብ ሚንስትሩ ኢግናቲስ ቾምቦ በቁጥጥር ስር ከዋሉት መካከል ይገኙበታል።

የጦሩን እንቅስቃሴ ማን እየመራው እንደሆነ የታወቀ ነገር የለም።

የእንግሊዝ የውጭ ጉዳይ ሚንስትር ለዜጎቹ “ሁኔታዎች እስኪረጋጉ ድረስ በቤቶቻቹሁ ቆዩ” በማለት ምክር ሰጥቷል።

Zimbabwe Army General Constantino Chiwenga addresses a media conference on November 13, 2017Image copyrightAFPአጭር የምስል መግለጫጄነራል ኮነስታንቲኖ ቺዌንጋ ጦሩ ጣልቃ እንደሚገባ አስጠንቅቀው ነበር

በሃራሬ የሚገኘው የአሜሪካ ኤምባሲ “ባለው አለመረጋጋት ምክንያት” ረቡዕ ዕለት ዝግ እንደሚሆን አስታውቋል። ሌላ መግለጫ እስኪወጣ ድረስ በዚምባብዌ የሚገኙ አሜሪካዊያን “ባሉበት እንዲቆዩ” በማለት መልዕክቱን አስተላልፏል።

የአሁኑ ሁኔታ የሃገሪቱ ጦር አዛዥ በፓርቲ ክፍፍል ምክንያት ጦሩ ጣልቃ ይገባል ማለታቸውን ተከትሎ አዛዡ “የሃገር ክህደት ድርጊት” እየፈጸሙ ነው በሚል በዚምባብዌ ገዢ ፓርቲ ቅሬታ ከቀረበባቸው በኋላ የተፈጠረ ክስተት ነው።

የ93 ዓመቱ ፕሬዝዳንት ሮበርት ሙጋቤ ምክትል ፕሬዝዳንታቸውን ካባረሩ በኋላ ጉዳዩ በጄነራል ኮነስታንቲኖ ቺዌጋ ጥያቄ ቀርቦበታል።

በሙጋቤ ዛኑ ፒ ኤፍ ፓርቲ ውስጥ አባላትን ያለአግባብ የማባረር ስራን ለማስቆም ጦሩ ጣልቃ ይገባል ብለዋል ጄነራሉ። ዓላማቸው ባይታወቅም ማክሰኞ ዕለት የጦሩ የታጠቁ መኪናዎች በሃራሬ ጎዳናዎች ላይ መታየታቸው ያለውን ውጥረት ከፍ አድርገውታል። ጦሩ ዜድ ቢ ሲን ሲቆጣጠር አንዳንድ የጣቢያውን ሠራተኞች ማንገላታቱን ምንጮች ለሮይተርስ ተናግረዋል።

Zimbabwe's President Robert Mugabe addressing party members and supporters with Grace Mugabe (R) November 8, 2017Image copyrightAFP አጭር የምስል መግለጫግሬስ ሙጋቤ እና ሮበርት ሙጋቤን

አካባቢውን ለመጠበቅ እንደመጡ እና “ምንም እንዳይፈሩ” ለሠራተኞች እንደተነገራቸው ምንጮቹ ጨምረው ጠቁመዋል። ፕሬዝዳንቱን ጨምሮ ብዙ የመንግሥት ኃላፊዎች መኖሪያ በሆነው ሰሜናዊ ሃራሬ ከፍተኛ የተኩስ ድምጽ መሰማቱን የቢቢሲዋ ሺንጋይ ንዮካ ዘግባለች።

አንድ የዓይን እማኝ ለኤ ኤፍ ፒ እንደገለጸው የተኩስ ድምጽ የተሰማው በፕሬዝዳንት ሙጋቤ መኖሪያ አካባቢ ነው። ማን ይተካቸዋል በሚለው ውዝግብ ምክንያት ሙጋቤ ምክትላቸው የነበሩትን ኤመርሰን ምናንጋግዋን አሰናብተዋል። በሁለቱ መካከል ያለው ልዩነት ዛኑ ፒ ኤፍ ፓርቲንም ለሁለት ከፍሎታል ተብሏል።

Advertisements

Categories: Head News / መሪ ዜና

Tagged as:

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s