” እኛ ደህና ነን” ወ/ሮ ውባንቺ ቢሻው የመንግስቱ ኃይለማርያም ባለቤት

መሳይ መኮንን

mengistu-cover-COVER-1024x683

የቢሮ ስልኬን አነሳሁ። ወደ ሀራሬ ደወልኩ። ከወዲያ ማዶ ትህትና የተሞላበት የእመቤት፣ የወይዘሮ፣ የእናትነት ግርማ ሞገስ የተላበሰ ረጋ ያለ ድምጽ ተሰማኝ። ይሄን ድምጽ አውቀዋለሁ።

”ጤና ይስጥልኝ ማን ልበል?”

”ጤና ይስጥልኝ ወ/ሮ ውባንቺ ቢሻው። መሳይ እባላለሁ። ከኢሳት ዋሽንግተን ቢሮ ነው የምደውለው።”

”እሺ የእኔ ጌታ። ደህና ናችሁ?”

ከዚህ በፊት በተደጋጋሚ ስለምደውል አልረሱኝም። ትህትናቸው ይገድላል። ለጠብ የመጣን በፍቅር ማርኮ ይመልሳል። የቀድሞዋ ቀዳማይ እመቤትን ዘመን አልቀየራቸውም። ርቀት አለወጣቸውም። ደርበብ ያሉ ኢትዮጵያዊ እመቤት። ወ/ሮ አዜብ መስፍን ትዝ አሉኝ። ማወዳደር ይከብዳል።

የደወልኩት የዙምቧቡዌው መፈንቅለ መንግስት በኮነሬል መንግስቱ ሃይለማርያም ላይ የሚፍጥረው ተጽእኖ ይኖረው ይሆን የሚል ጥያቄ ይዤ ነበር። መፈንቅለ መንግስቱ ከተደረገበት ጊዜ አንስቶ በግልና በቢሮ ስልክ በርካታ መልዕክቶችን ተቀብዬአለሁ። በማህበራዊ መድረኮች የሚደረጉትን አስተያየቶችና ጥያቄዎችን አንብቤአለሁ። በአንድም ይሁን በሌላ ከኮነሬል መንግስቱ ወዳጆችም ይሁን ነቃፊዎች የሚሰነዘር ጥያቄ ነበር። እንደ ቢቢሲ አማርኛ ያሉ ደግሞ መፈንቅለ መንግስቱን ተከትሎ የኮነሬሉ እጣ ፈንታ ምን ሊሆን ይችላል ብለው የውይይት አጀንዳ ከፍተዋል። በእርግጥ ጥያቄው የእኔም ነበር። ለዚያም ነው ስልክ የደወልኩት።

”እኛ ደህና ነን። ምንም የተፈጠረ ነገር የለም። የሚፈጠር ነገርም አይኖርም።”

”እንደው ኮነሬል መንግስቱን ላናግራቸው እችላለሁ?”

”አይ እሳቸው ለጊዜው በዚህ ጉዳይ ላይ አስተያየት መስጠት አይፈልጉም። መስጠት ሲፈልጉ እኔ ራሴ እደውልልዎታለሁ። ይቅርታ እንግዲህ የእኔ ጌታ”

”አመሰግናለሁ ወ/ሮ ውባንቺ። እግዜር ይስጥልኝ።”

ተሰናበትኳቸው። ድምጻቸው በቀላሉ ከጆሮ አይጠፋም። ባለቤታቸውን አንቱ እንደሚሏቸው አውቃለሁ። ወደ ወንበሬ ተመለስኩና መረጃዎችን ማገላበጥ ጀመርኩ። ነገሩ ሌላ ሆነ። ኮ/ል መንግስቱ ሃይለማርያም የመፈንቅለ መንግስቱ መሪዎች የቅርብ አማካሪ መሆናቸውን የሚያረጋግጥ መረጃ አገኘሁ። ከአንድ ዓመት በፊት በወጣ ዘገባ ላይ ኮ/ል መንግስቱ የተናገሩትን ላነበበ ይሄ ክስተት በቅርበት ሊመጣ እንደሚችል ይገምታል።

ኮ/ል መንግስቱ የዚምቧቡዌ ጦር ጄነራሎችን ከሰፊው የእርሻ ማሳቸው ድረስ እየጠሩ ያማክሯቸዋል። በተደጋጋሚ። ዚምቧቡዌ ከሙጋቤ በኋላ ምን መሆን እንዳለባት አቅጣጫ ያሳዩት እሳቸው መሆናቸው ይነገራል። የጄነራሎቹ የቅርብ ሰው ናቸው። ወታደራዊው ክፍል ስልጣኑን እንዲይዝና ፕሬዝዳንት ሮበርት ሙጋቤን በክብር እንዲያሰናብት የመከሩት እሳቸው ናቸው። በጥቅሉ ከሰሞኑ የዚምቧቡዌ ፖለቲካዊ ክስተት ጀርባ የኮ/ል መንግስቱ እጅ እንዳለበት የሚያሳዩ አስተማማኝ መረጃዎች አሉ።

እናም ኮ/ሉ ምን ሊሆኑ ይችላሉ ብለው በስጋትም ይሁን በደስታ አንዳች ነገር ሲጠብቁ ለነበሩ ከዚህ በላይ መልስ አያገኙም። ለነገሩ ኮ/ል መንግስቱ ውለታቸው ለዚምቧቡዌ ህዝብ እንጂ ለሮበርት ሙጋቤ አይደለም። መንግስት ቢቀያየርም ለውጥ አይኖርም።

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s