Advertisements

3 ነጥብ 2 ሚልየን ብር አራጣ በማበደር የተከሰሱት ባልና ሚስት ጥፋተኛ ተባሉ

13 በመቶ ወለድ በማስከፈል 3 ነጥብ 2 ሚልየን ብር በአራጣ በማበደር የተከሰሱት ባለትዳሮች ጥፋተኛ ተባሉ። ተከሳሾቹ ትግሉ ሀይሌና ባለቤቱ ጌጤነሽ ሀይለሚካኤል ይባላሉ። የአቃቤ ህግ ክስ ተከሳሾቹ አቶ ደስታ ተሾመ ለተባለ የግል ተበዳይ ከቻይና ያስመጣቸውን እቃዎች ለባንክ ሰነድና የጉምሩክ ቀረጥ ከፍያ ለመፈጸም ባለመቻሉ 3 ነጥብ 2 ሚልየን ብር በአራጣ አበደረውታል።

የክስ ዝርዝሩ እንደሚያስረዳው የግል ተበዳይ ደስታ ተሾመን ሁለት ባለ3 ሚልየን ብር ቼክ በማስፈረምና 13 በመቶ ወለድ እንዲከፈል በማድረግ በወር 421 ሺህ 720 ብር እንዲከፍልም አስገድደውታል ነው ያለው አቃቤ ህግ በክሱ። ግለሰቡም ወለዱን መክፈል ባለመቻሉ ለሀግ አቤት ብሏል።

ከሳሽ አቃቤ ህግም በግለሰቦቹ ላይ በአራጣ ማበደር ወንጀል ክስ መስርቶባቸዋል። ለተከሳሾቹ ክሱ ደርሷቸው ተነቦላቸው እንዲረዱት ከተደረገ በኋላም በሰጡት የእምነት ክህደት ቃል የወንጀል ድርጊቱን አልፈጸምንም በማለት ክደው ተከራክረዋል። ነገር ግን በአቃቤ ህግ ያቀረበባቸውን የሰውና የሰነድ ማስረጃዎች ማሰተባበል ባለመቻላቸው የፌደራሉ ከፍተኛው ፍርድ ቤት ልደታ ምድብ 8ኛው የወንጀል ችሎት ጥፋተኛ ብሏቸዋል። በዚህም መሰረት ፍርድ ቤቱ በተከሳሾቹ ላይ የቅጣት ውሳኔ ለማሳለፍ ለህዳር 13 ቀን 2010 ዓ ም ተለዋጭ ቀጠሮ ይዟል።

FBC – በሰለሞን ጥበበስላሴ

Advertisements

Leave a Reply

This site uses Akismet to reduce spam. Learn how your comment data is processed.

You may missed

%d bloggers like this: