ሕወሃት በሶስት ቡድን መከፈሉንና ውጥረት ውስጥ መግባቱን አስገደ አስታወቁ፣ እነ ደብረጽዮን ይመራሉ? “

የሕወሃት ማዕከላዊ ኮሚቴ ጭንቀት የተሞላበት፣ አንዳንዶቹ የማእከላዊ አባላት ታመናል ብለው ወደ ዉጭ የሸሹበት ፣ታመምን ብለው ተደብቀው በሰው ቤት የተኙበት ፣የስብሰባ መድረክ ረግጠው የወጡበት ( የሸሹ ) ፣ በስብሰባ ውስጥም ሆነው የተጣሉበት ፣ በአጠቃላይ ስብሰባው ጠብ ፣መናናቅ ፣በቂም በቀል ፣ ብድር መማላለስ የተሞሏበት ሆኖ ነው የሰነበተው ። አንዳንድ የውስጥ አዋቂዎች እንደነገሩን፡

 

1ኛ ብርሃኔ ኪዳነማርያም (መራት) ታመምኩ በማለት ወደ ዉጭ ሄዷል።

2ኛ በየነ ሞኩሩ “በሙስና ተባላሽተሀል” የሚል ከባድ ሂስ ከተሰጠው በኃላ፣ በተጨማሪ ከደብረጽዮን ጋር በመድረክ ላይ በተደጋጋሚ ስለተጣሉ፣ “ታምሚያለሁ” በሚል ምክንያት ከስብሰባው ወጥቶ ከቤቱ ውጭ በጓዶኞቹ ቤት ተኝቶ ሳለ፣ እንደገና ተለምኖ ወደ ሰብሰባ ገብቷል።

3ኛ ኣዜብ መስፍን አንደኛ “በሙስና ተባለሽተሻል” ስለተባለች ሁለተኛ አባይ ወልዱ በጸረ ዲሞክራሲ አሰራሩ፣በትግራይና በጎንደር ግጭት ምክንያት ስለሞቱት የትግራይ ተወላጆች ፣ስለወደመው የህዝብ ሀብት እና ስለግጭቱ በዋናነት ተጠያቂ መሆኑ ስለተነገረው ፣ በትግራይ ክልል በሚሊዮን የሚቆጠር የህወሓት አባላት ከኣባልነት በማስውጣቱ ፣ብዙ የመንግስት ሰራተኛ በአባይ ወልዱ ጸረ ዲሞክራሲነት ምክንያት ከክልሉ በሙሉ እንዲወጡ በመደረጉ፣ የትግራይ ህዝብ የፍትህና የማህበራዊ አገልግሎት ባለማግኘቱ ፣ በክልሉ የሌለ የልማት እድገት የውሸት ዳታ በማቅረቡ ከባድ ሂስ ስላረፈበት ፣ አዜብ መስፍን “እንደ ኣባይ ያለ የመለስን ረዕይ ስትራተጂ እና ፖሊሲ ያስፈጸመ የለም” ብላ አባይን ለመመከት ስትሞክር ከተሰብሳቢዎች ብዙ ዘለፋ ስለደረሰባት ፣ ስለኤፈርት አመራር ውድቀት ስላብጠለጠሏት “ክብሬን ተነካ” ብላ ከመድረክ ወጥታለች። ከወጣች ከቀናት በኃላ በጀነራል ሳሞራ የኑስ ኣስታራቂነት ይቅርታ ጠይቃ እንደትመለስ ተደርጎ ስትመለስ ፣ደብረጽዬን ገብረሚካኤል እና ቡዱኖቹ “ አዜብ መስፍን የድርጅታችን መተዳደሪያ ደንብ ረግጣ ስለወጣች መመለስ የለባትም ። ካሁን በፊትም የህዋሓት ማእከላዊ ኮሚቴ አንጃዎች የፓርቲው መተዳደርያ ደንብ በመጣሳቸው ነው የተባረሩት ፣በመሆኑም አዜብ መመለስ የለባትም” በማለት አጥብቀው የተከራከሩ ሲሆን፣ በመጨረሻ ኣዜብ በድምጽ ኣብላጫ ይቅርታ ጠይቃ እንድትቀላቀል ተደርጓል። ሆኖም በመድረኩ ገብታ በሂስ እየተመታች በጭንቀት ውስጥ ትገኛለች።

4ኛ ዓለም ገብረዋህድ ፣ አዲሳለም ባሌማ ፣ሚኪኤለ የአክሱም ዞን ኣስተዳዳሪዎች በከባድ የሙሱና ብልሽት ከባድ ሂስ እያረፈባቸው ይገኛል። በተለይም ብዙ ሀብት በምዝበራ እንዳከማቹ ተነግሯቸዋል ።

5ኛ ኪሮስ ቢተው ፣የእርሻና የተፈጥሮ ሀብት ቢሮ ሀላፊ በትግራይ የሌለ የእርሻ ምርት የውሸትት ዳታ በማቅረቡ ሂስ አርፎቦታል ። ይህ እንዳለ ሆኖ ኪሮስ ቢተው የዉሸት ልማት ዳታ በማቅረቡ ፣እርዳታ ይሰጡን ለነበሩ ለጋሽ አገሮችም የእርዳታ እጃቸው እንዲሰበስቡ ኣድርጓል በማለት ነበር ከባድ ሂስ ያረፈበት።

6ኛ እነዛ ኣንጋፋ ሙሶኞች የህወሓት ከፍተኛ አመራር የነበሩ ገና ሂስ እስኪሚያርፍባቸው በሩቅ ሆነው ምንም ገበና እንደሌላቸው አማካሪዎች ፣ አስተያዬት ሰጭዎች ሆኖው ጸጥ ጭልጥ ብለው ቃላት እየወረወሩ ይታያሉ ።እኒህ አዛውንቶች አሁን ጨዋ እና ንጹሃን ይምሰሉ እንጅ አስቀድመው የዚህ ሀገርና ህዝብ አንጡራ ሀብት ዘርፈው ዘር ማንዘራቸው በሚገባ ያቋቋሙና ልጆቻቸው ያዳላደሉ ናቸው ።

7ኛ- በ1993 ዓ ም ከህወሃት ተገንጥለው የወጡ ማዕከላይ ኮሚቴ የነበሩ ገብሩ ኣስራት ፣ስዬ ኣብርሀ ፣አውዓሎም ወልዱ ሲቀሩ ሌሎች ማ / ኮሚቴ የነበሩ ይመለሱ ኣይመለሱ ክርክር ተደርጎ ኣባይ ወልዱና ጥቂት ቡዱኖቹ ሲቃወሙ ሌሎች ግን ተስማምቷል ።

8ኛ በኣጠቀላይ በስብሰባው ተጠምዶና ተጨንቆ ያለው የህወሓት ማእከላዊ ኮሚቴ በብዙ ቡዱኖች ተከካፋፍለው ከርመው በአሁኑ ጊዜ በጥቅማቸው ተሳስረው ወደ ሶስት ጠንካራ ቡዱኖች እና ሶስት ደካማ ቡዱኖች ወርደዋል ። ወና ዋናዎቹ ፣

የኣባይ ወልዱ የትግራይ ማእከላይ ከሚቴ የሚባል በኣባይ ወልዱ አዲስ ዓለም ባሌማ በየነ መኩሩ ፣ዓለም ገብረዋህድ ፣ዓባይ ጸሀዬ ፣አለም ገበረወህድ ሓገስ ጤና ጥበቃ ፣ኪሮስ ቢተው ፣ እና ሌሎች እንደሮቦት በሪሞት የሚነዱ ሆነው ትልቅ ቡዱን ነበሩ ። አሁን ግን ኣባይ ወልዱ፣ አባይ ጸሀዬና ኣዜብ መስፍን ፣ሀጎስ እና ጥቂት ሰዎች የመለስ ረኣይ ነክሰው እንደቀሩ ነው።
ይህ ቡዱን የአርከበ እቁባይ በመጠኑ እነደብረጽዮን እና ጌታቸው ኣሰፋን የሚደግፍ ቡድን ነው። ሰልጣናችን ለሀቀኛ እና ቡቁ የምሁራን ትወልድ እናስረክብ ፣እስከኣሁን በስመ ምሁር በማእከላዊ ኮሚቴና ሌላ የስልጣን ቦታ ያስቀመጥናቸው ሌቦችና ለሆዳቸው ያደሩ ናቸው ባይ ነው። ይህ ቡድን በብዛቱ ጥቂት ነው ።
ሰብሀት ነጋ የያዘው ቡዱን ነው። ይህ ቡድን “ህወሓትን እናድን። ነባር ተጋዮችና አመራር ፣ኣባልት እንሰብስብ” ይላል። እንደ አርከበ ሁሉ ይህ ቡዱንም ወደነ ደብረጽየን እና ጌታቸው አሰፋ ያዘነብላል ።
እነ ብርሀነ ገብረክርስቶስ ያሉባቸው ጥቂት ሰዎች ደግሞ የህዝብ ማእበል ወላፈን እንዳያቃጥላቸው መሐል ሰፋሪ ሆነዋል ።
ዓለም ገብረዋህድ ኪሮስ ቢተው ፣ ኣዲስ ባሌማ በየነ መኩሩ የያዙ በርከት ያሉ የሂስ ዱላ ካረፈባቸው በኃላ ለሌላው ቡድን ፈርተው ወደእነ ደብረጽዮን እና ጌታቸው ኣሰፋ እንደወገኑ ከህወሓት ስብሰባ መረጃው ኣፈትልኳል ።

ከላይ እንደጠቀስኩት ደብረጽዮንና ጌታቸው አሰፋ እነኪሮስ ቢተውን አስከትሎ አባይ ወልዱንና ጓደቹ በከባድ ሂስ ከስራ ውጭ እያደረገ ያለ ትልቅ ቡዱን ነው ። ጀነራል ሳሞራ የኑስም በውጭ ሆኖ ኣባይ ወልዱን፣ አዜብንና አባይ ጸሀዬ እንደሚደግፍ የወጡ መረጃዎችን ይጠቁማሉ ።

በማጠቃለል የህወሓት ማእከላዊ ኮሚቴ በኣሁኑ ጊዜ በውስጡ አንድነቱ ተበጣጥሶ ታክሞ ሊድን በማይችልበት ሁኔታ ነው የሚገኘው ።በአሁኑ ጊዜ ለሀገርና ህዝብን ፍትህ ሰላም ለማስፈን አቅማቸው እንዳለቀ አምነው ስልጣናቸው ለማህበረሰብ ኣስረክበው ፣ገበና ካላቸው ወደ ህዝብ ቀርበው፣ ፍረዱን ከማለት ፈንታ ከስልጣን ጋር የሙጡኝ ብለው መያዝ ኣያዋጣቸውም ።

ከላይ የተቀመጠው የህወሓት ማእከላይ ኮሚቴ ከተባላሸው ስብሰባ ተያይዞ በመቀሌ ከተማ ካሁን በፊት ያልነበረ የጸጥታ ሀይሎች ከፍተኛ ባለስልጣናት የድህንነት ፣ ኮነሬሎች ከፍተኛ ባለስልጣናት በስብሰባው ኣካባቢ እያንጃበቡ ከባድ ጥበቃ እያደረጉ ይገኛሉ ።ተራ የስለላ ወይም የድህንት ሃይሎች ፣ፈደራል ፓለስ የትግራይ ልዩ ሀይል በሙሉ መቀለ ከተማ ነው ያሉት ። የመከላከያ ሀይሉም ከወትሮው በተለየ እዛው ይገኛል ።
ኣስገደ ገብረስላሴ መቀለ 15 / 03 / 2010

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s