ከኢህአዴግ ስራ አስፈፃሚ ስብሰባ ምን ይጠብቃል?

…በየመንግስት ተቋማቱ ያሉ አሰራሮች አገልግሎት ከመስጠት ይልቅ ፖለቲካ የተጫናቸው ናቸው ሲሉም እንደችግር ያነሳሉ። መንግስታዊ ተቋማት አቅመ ደካማ በሆኑ፥ ነገር ግን ፖለቲካ የተጫናቸው ሰዎች የሚመሯቸው ሰዎች የሞሏቸው መሆናቸው በታሰበው ልክ ህብረሰቡን ማርካት እየተሳናቸው መጥተዋል ብለው ነው የሚከራከሩት።…. ዋነኛ አጀንዳዎቹም ወቅታዊ የግጭቶች መንስኤ እና ሃገራዊ ጉዳዮች ተነስተው አቅጣጫ እንደሚቀመጥላቸው የፓርቲው ፅህፈት ቤት ሃላፊ አቶ ሽፈራው ሽጉጤ ለፋና ብሮድካስቲንግ ኮርፖሬት ተናግረዋል።  ሙስና የዚህች ሃገር ሰንኮፍ ሁኗል፤ አመራሩም ይህን የሙስና ጥፋቱን ለመሸፋፈን የብሄር ካርድን እንደመጫዎቻ እያደረገው ነው።

ከኢህአዴግ ስራ አስፈፃሚ ስብሰባ ህዝቡ ምን ይጠብቃል?

ፋና ብሮድካስት

በዚህ ለዓመታት የሃገሬ ምድር ብለው ከኖሩበት ቀዬ እና ሃብት ንብረት ካፈሩበት አካባቢ፥ ዜጎች እንደዋዛ ከእኛ አይደላችሁም ተብለው ሲፈናቀሉ ማየትና መስማት አሁን አሁን በዚች ሃገር እየተዘወተረ ነው።

እነዚህ ግጭቶች ቂም እያዘሉ ሂደው በስፖርታዊ ክዋኔዎች እና ለሃገር የሚጠቅም ተመራማሪና አስተዋይ ምሁር ማፍለቂያ ናቸው ተብለው በሚታሰቡ ዩኒቨርሲቲዎች ሳይቀር መስተዋል ጀምረዋል። ሁኔታው ታዲያ መላ ኢትዮጵያዊያንን ሳያስጨንቅ አልቀረም።

ነዋሪነታቸው አዲስ አበባ ውስጥ የሆኑት አስተያየት ሰጪዎች፥ አሁን እየታዩ ያሉ ግጭቶች ገጠር አካባቢ የሚገኙ ቤተሰብ ለመጠየቅ እንኳን አስቸጋሪ እየሆነባቸው መምጣቱን ተናግረዋል።

ሰው በሀገሩ በሰላም እና በነፃነት የመኖር ዋስትና የማግኘት ሰብዓዊ መብት አለው፤ የኢፌዲሪ ህገ መንግስትም ይህን ይደነግጋል። ሆኖም ግን አሁን የሚስተዋለው ነገር የሰዎችን ሰብዓዊ መብትም እየገፈፈ ስለመምጣቱ የአስተያየት ሰጪ ግለሰቦች ሃሳብ ነው። ይሄ የሰብዓዊ መብት ረገጣ ደግሞ ሄዶ ሄዶ ዜጎች ኢትዮጵያዊነታቸውን እንዲጠራጠሩም እያደረጋቸው መሆኑን ይናገራሉ።

እንደ አስተያየት ሰጪዎቻችን እምነት ህገ መንግስታዊ ስርዓቱ ፈተና የተጋረጠበት ይመስላል። በአስተያየት ሰጪዎቻችን እሳቤ አሁን እየታዩ ያሉ የግጭቶች መቀስቀሻ ዋነኛ መሳሪያ የሆነው ኢኮኖሚያዊ ጉዳይ ነው።

“በህዝብ ዘንድ የሚመላለሱ በርካታ ጥያቄዎቸ አሉ” የሚሉት እነዚህ አስተያየት ሰጪዎች፣ ሃገሪቱ ከምታመነጨው ኢኮኖሚ በፍትሃዊነት እየተጠቀምን አይደለም የሚሉ ጥያቄዎች መኖራቸውን እንደ አብነት ያነሳሉ። እናም ግጭቶችን ለማስቆም ፍትሃዊ የሃብት ክፍፍል ላይ መስራት ቅድሚያ ተሰጥቶ በትኩረት ሊሰራ እንደሚገባ ይመክራሉ።

በየመንግስት ተቋማቱ ያሉ አሰራሮች አገልግሎት ከመስጠት ይልቅ ፖለቲካ የተጫናቸው ናቸው ሲሉም እንደችግር ያነሳሉ። መንግስታዊ ተቋማት አቅመ ደካማ በሆኑ፥ ነገር ግን ፖለቲካ የተጫናቸው ሰዎች የሚመሯቸው ሰዎች የሞሏቸው መሆናቸው በታሰበው ልክ ህብረሰቡን ማርካት እየተሳናቸው መጥተዋል ብለው ነው የሚከራከሩት። 

አሁንም ለግጭት መንስኤ የሆኑ ችግሮችን ለመፍታት እና ዘላቂ ሰላም ለማረጋገጥ ጊዜው አልረፈደም የሚሉት እነዚህ አስተያየት ሰጪዎች፥ ከህዝብ ጋር ተቀራርቦ መነጋገር እንደሚያስፈልግ ይመክራሉ።  ምክንያቱም አሁን ላይ መንግስት እና ህዝብ እየተደማመጡ ያሉ አይመስሉም፥ ይህም ህዝብ ጥያቄ አለኝ ብሎ ሲያነሳ ምላሾቹ ግን አጥጋቢ ያለመሆናቸው ችግሮቹን አባብሰዋል ብለው ያነሳሉ።

አሁን ላይ ለጥያቄዎች ሁሉ መልስ መስጠት የግድ ነው የሚሉት እነዚህ አስተያየት ሰጪዎች፥ በተለይ ዝቅተኛ ገቢ ያላቸው የማህበረሰብ ክፍሎችን ተጠቀሚ የሚሆኑበትን ሁኔታ ለመፍጠር ትኩረት ሊሰጠው እንደሚገባ ነው የተናገሩት። የገዢው ፓርቲ ኢህአዴግ ስራ አስፈፃሚ ኮሚቴ ከትናንት ጀምሮ ተሰባስቦ እየመከረ ነው።

ዋነኛ አጀንዳዎቹም ወቅታዊ የግጭቶች መንስኤ እና ሃገራዊ ጉዳዮች ተነስተው አቅጣጫ እንደሚቀመጥላቸው የፓርቲው ፅህፈት ቤት ሃላፊ አቶ ሽፈራው ሽጉጤ ለፋና ብሮድካስቲንግ ኮርፖሬት ተናግረዋል።  ሙስና የዚህች ሃገር ሰንኮፍ ሁኗል፤ አመራሩም ይህን የሙስና ጥፋቱን ለመሸፋፈን የብሄር ካርድን እንደመጫዎቻ እያደረገው ነው።

የስራ አስፈፃሚ ኮሚቴው ታዲያ ፓርቲውን ከሙሰኛ አመራር ለማፅዳት የመፍትሄ አቅጣጫን ያስቀምጣል ተብሎ ይጠበቃል። እንደ አቶ ሽፈራው ገለፃ በመሰረታዊ ድርጅቶች መሪዎች መካከል መጠራጠር አለ፤ ይሄ ያለመተማመን ግን ሊፈታ የሚችል መሆኑን ያነሳሉ።

አሁን የተፈጠረው ያለመተማመን የቆየ እና ከዓመት ዓመት እየተደራረበ የመጣ ነው ያሉት አቶ ሽፈራው፥ ቢዘገይም አሁን የፓርቲው አመራር ሀገሪቱን ከውደቀት ለመታደግ ሃላፊነት የተሞላበት ውሳኔ ያሳልፋል የሚል እምነት እንዳላቸው ይናገራሉ። በዚህ ሂደትም ተቀራርቦ በመነጋገር ወደ ጀምርነው ድህነትን ወደመታገያ የልማት አጀንዳዎቻቸችን እንመለሳለን ባይ ናቸው።

በታደሰ ብዙዓለም

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s