Art/ጥበብ

“ዋሸሁ እንዴ?” – ነን ሶቤ – የጥበብ ቶርቸር

ሃጫሉ ትንታግ ሲያወርድ፣ በጥበብ ቶርቸር ሲገርፍ – አባ ዱላን፣ ለማ መገርሳን እና አብይን፣ ሞቱማን እንዲሁም እዛ የታደሙትን ባለስልጣኖች ፊት የቴሌቪዥን መስኮቱ በየተራ ያሳየቸው ነበር። ጌሬርሳውን እንደ መብረቅ ሲያዘንበውና ማጎሪያ ቤቶችን እየጠራ መድረኩ ላይ ሲቁነጠነጥ ሁሉም ባለስልጣኖች ዓይናቸው በአንድ ክፉኛ ስሜት ቀዞ ነበር። ስሜታቸው ስለመነካቱ በማያጠራጥር መልኩ አይናቸው ሲያሳብቅ የልብ ምታቸው ምን ያህል ይደልቅ እንደነበር አንድ ቀን ታሪክ ፊት እነሱው ይመሰከሩት ይሆነ? አቤት የኪነት ሃይል!! አቤት የጥበብ ሚስጢር!! ምናለ ሁሉም ጥበበኞች የህዝብ አፍ ቢሆኑ ? ምንኛ ባማረባቸው !!

“ነን ሶቤ (ዋሸሁ እንዴ?) ” ይላል የአምቦው ፈርጥ ሃጫሉ

በሚሌኒየም አዳራሽ ህዝብ ስሜቱ ገንፍሎ ሲንጠው፣ እነሱ ያለ አንዳች እንቅስቃሴ ነብሳቸው ተሰንጋ ያን ትዕይንት ትታዘብ ነበር። አቶ መገርሳ አይናቸውን ተከለው፣ አባ ዱላና አቢይ በተመሳሳይ የአይናቸውን ብሌን ማገላበጥ ተስኗቸው፣ ሞቱማ መነቃነቅ ተስኗቸው ከሚመሩት ህዝብ ጋር የሃጫሉን ነበልባል ግርፊያ … በሌላ በኩል ደግሞ በታፈነ ህዝብ መካከል ሆነው ከህሊናቸው ምን ተማሩ? በሚል ቀና ምኞት ቀጣዩን እርምጃቸውን ለማየት ጉጉት!! ከታች ያለውን ጽሁፍ ከኢካድኤፍ ላይ ያንብቡ

አባ ዱላ.png

“ዋሸሁ እንዴ?” (ነን ሶቤ) ሲል ይጠይቃል፣ ድምጻዊ ሃጫሉ ሁንዴሳ። ይህንን ጥያቄ የሚያቀርበው ለታዳሚው ሕዝብ አይደለም። በአስር ሺዎች የታደሙበት የኮንሰርት አዳራሽ ውስጥ ከታዳሚው ፊት-ለፊት ለተቀመጡት ለእነ አባዱላ ገመዳ፣ ወይንም ደግሞ ለእነ ለማ መገርሳ ይመስላል። ከፍ ሲል ደግሞ ኮንሰርቱን በቀጥታ ስርጭት እየተከታተሉ ላሉት የአድዋ ባለ ግዜዎች የቀረበ ጥያቄ ነው።

ይህ ድምጸ-መረዋ ወጣት በምርጥ ቅላፄው ያንጎራጎረው ፉከራ እና ዜማ እጅግ ያስደምማል። ማስደመሙ እውነትን በመድረክ ላይ መዘርገፉ አይደለም። ከራሱ ደህንነት ይልቅ የወገኑን ስቃይ እና ሰቆቃ በማስቀደሙ ነው። እንዲህ አይነቱ እውነትን አደባባይ ወጥቶ በድፍረት የመናገር ገት የነበረው ቴዲ አፍሮ ነበር። ይህንን በማድረጉም በአንባገነኖቹ ጥርስ ውስጥ ገብቶ ብዙ ቢያስከፍለውም፣ ከህዝብ ልብ ውስጥ ሊወጣ አልቻለም።

በአዲስ አበባ ሚሊኒየም አዳራሽ ፣ ትላንት ምሽት የተፈናቀሉ ወገኖችን ለመርዳት የኦሮሞ ሙዚቀኞች ማህበር ባተዘጋጀው “ወገን ለወገን” ኮንሰርት ላይ ድምጻዊ ሃጫሉ ሁንዴሳ መድረኩን ጠቆጣጥሮት ነበር። የሕዝቡን ስሜት እየኮረኮረ፣ ብሶቱን በአደባባይ ዘርግፎታል። ጠንከር ባሉ ቃላት የተቃኘው ስንኝ ከውብ ድምጽና ቀስቃሽ ዜማ ጋር ታጅቦ ሲቀርብ ልዩ ስሜትን ፈጥሮ ነበር። ይህ ዜማ በቀጥታ ስርጭት ሲተላለፍ በአዳራሹ የነበረው ድባብ እጅግ ይደንቃል። ሃጫሉ ይጠይቃል፣ ታዳሚው ስሜቱን በጩኸት ይገልጻል። የኦሮሞኛ ቋንቋ ባልችልና የሚለውን ነገር ባልረዳ ኖሮ ይጸጽተኝ ነበር። ይህ ወጣት ድምጻዊ መድረኩን ተቆጣጥሮ ይዞ እንዲህ ይል ነበር፤

መገርሳ

Geerar geerar naan jettuu

Dhiirri geeraree hin quufne

Hidhaa qaallitti jiraa

Dhiirri geeraree hin quufne

Hidhaa qilinxoo jiraa

Dhiirri geeraree hin quufne

አብይ.pngHidhaa karchallee jiraa

Karchallee Amboo jiraa

ይህ ስንኝ በካፊል ወደ አማርኛ ሲመለስ፤

“ሸልል ሸልል ይሉኛል

ምኑን ልሸልል እኔ

ቂልንጦ አይደለም ወይ

ሞቱማቃሊቲ አይደለም ወይ

ከርቸሌ አይደለም ወይ

አምቦ ከርቻሌ አይደለም ወይ…

መኖርያው የወገኔ

የፈረሶቻችንን ዝና፣

የጀግኖቻችንን ዝና

ቂጤሳ.pngአድዋ ላይ ይንገረና!

ታዳሚ.pngመቀሌ ላይ ይነገር!

አብሮ መኖር ይሻላል ብለን…

መከባበር ይሻላል ብለን…

እስከዛሬ ታግሰናል…

ከእንግዲህ ግን ይበቃናል!” ይለል ሃጫሉ።

እስር ቤቱ ሁሉ አፋን አኦሮሞ ይናገራል ሲሉ እነ ስዬ አብርሃ እንኳን የመሰከሩለት ጉዳይ በመሆኑ ይመስላል ሃጫሉ በመሃል እንደ አዝማች፣ “አይደለም እንዴ? ዋሸሁ እንዴ? (ነን ሶቤ?)” የሚለው የአለምዬ ጌታቸውን ስንኝ የሚያክልበት። በቃሊቲ፣ በቂሊንጦ፣ በከርቸሌ፣… እየማቀቁ ያሉ የሕሊና እስረኞች ጉዳይ ከራሱ ደህንነት በላይ ስላስጨነቀው ይህችን አጋጣሚ መጠቀም ነበረበት።

ይህ የጥበብ ሰው ከርቸሌን በወሬ ሳይሆን በተግባር ያውቃታል። የአድዋ፣ የመቀሌ የሚላቸው ጥጋበኞች አምቦ ላይ አስረውት ለሁለት አመት አሳቃይተውታል። ለእስር እና ለዱላ ያበቃው ወንጀሉ መብቱን ማቀቁ ነበር። በወሩ መጨረሻ ላይ በጊዮን ሆቴል ያዘጋጀው ኮንሰርትም በወያኔ ካድሬዎች ተሰርዞበታል።

ተከባብረን አብረን እንኑር ያሉ የኦሮሞ መሪዎች፤ እነ ፕ/ር መረራ ጉዲና፣ እነ በቀለ ገርባ በአድዋ ልጆች የግፍ ብትር እየተመቱ ነው። አድዋዎቹ ይህንን መከባበር እንደፍርሃት ከወሰዱት፣ መከባበሩ ካሁን በኋላ ያበቃል የሚል መልዕክት ነው ሃጫሉ ያስተላለፈው።

ይህ የሃጫሉ ስራ፣ አትሌት ለሊሳ ፈይሳ በአሎምፒክ በድረክ ከፈጸመው ጀብዱ አይተናንስም። እርግጥ ነው። አትሌት ለሊሳ አለም አቀፍ ትኩረትን ስቦ ነበር። ሃጫሉ ግን መልዕክቱን ሲያስተላልፍ በአንባገነኖቹ ጉያ ሆኖ፣ ሊመጣበት የሚችለውን ነገር ሁሉ ተጋፍጦ ራሱን ለመስዋ እትነት ያዘጋጀ ጀግና ነው።

ይህንን አድርጎ ቢታሰርም ፣ ታሪክ ሰርቷልና ምን ግዜም አይቆጨውም። የግዜ ጉዳይ እንጂ አንባገነኑ ስርዓት ይሄዳል የሃጫሉ ስራ ግን ምንግዜም ይዘከራል።

ሙዚቃውን ለመመልከት ይህን አስፈንጣሪ ይጫኑ፣ https://youtu.be/a5bdWCA684s

ከዛጎል – ምስል ከቪዲዮ የተወሰደና የታከለ – የመጨረሻዋ ወይዘሮ ታዳሚ ናቸው

Advertisements

Categories: Art/ጥበብ

Tagged as: ,

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s