Advertisements
Sun. Sep 23rd, 2018

የመረጃ ጠላፊዎች ከኤ.ቲ.ኤም ማሽኖች ከ10 ሚሊየን ዶላር ያላነሰ ገንዘብ ዘርፈዋል

የሩሲያ ቋንቋ የሚናገሩ የመረጃ ጠላፊዎች የኤ ቲ ኤም ማሽኖችን በመጥለፍ በአሜሪካ፣ ብሪታኒያ እና ሩሲያ ከሚገኙ 20 ኩባንያዎች ከ10 ሚሊየን ዶላር ያላነሰ ገንዘብ መዝረፋቸው ተነግሯል።

ገንዘብ ዘራፊ የመረጃ ጠላፊዎቹ አንድ ሰው በአንድ ጊዜ ማውጣት የሚጠበቅበትን የገንዘብ ልክ የሚገድበውን ስርዓት በማጥፋት ነው ገንዘቡን የወሰዱት ተብሏል።

ከዚህም ባሻገር ገንዘብ ዘራፊ የመረጃ ጠላፊዎቹ በዩናይትድ ስቴትስ እና በደቡብ አሜሪካ የሚገኙ ከ200 በላይ ባንኮች የሚጠቀሙባቸውን የቴክኖሎጂ ሰነዶች ጠልፈዋል።

እነዚህ ቴክኖሎጂ ሰነዶች በቀጣይ ጊዜ የመረጃ መረብ ጥቃት ለማድረስ ሊጠቀሙባቸው እንደሚችል ነው የተጠቆመው።ግሮፕ-አይቢ (Group-IB) የተባለው የመረጃ መረብ ደህንነት ላይ የሚሰራ ኩባንያ ከአውሮፓ ማዕከላዊ ፖሊስ (ዩሮፖል) እና ከሩሲያ መንግስት ጋር በመሆን የሳይበር ጥቃት ወንጀሉን እየመረመርኩ ነው ብሏል።

ገንዘብ ወሳጆቹ (MoneyTaker) የሚባሉት እነዚህ የሳይበር ጥቃት ወንጀለኞች ከፈረንጆቹ 2016 ጀምሮ በአሜሪካ ኩባንያዎች ባደረሷቸው 16 ጥቃቶች በእያንዳንዳቸው በአማካይ 500 ሺህ የአሜሪካ ዶላር መውሰዳቸው ነው የተነገረው።በሩሲያ ባንኮች ላይ ደግሞ ሶስት ጊዜ ጥቃት ያደረሱ ሲሆን፥ 1 ነጥብ 2 ሚሊየን የአሜሪካ ዶላር ዘርፈዋል።

በ2016 ታህሳስ ወር ደግሞ መቀመጫቸውን በብሪታኒያ ባደረጉ የሶፍትዌር አገልግሎት አቅራቢ ድርጅቶች ላይ ያነጣጠረ ጥቃት አድርሰዋል። የብሪታኒያ የፋይናንስ ተቋማት ስለወንጀሉ ያሉት ነገር የለም።

fana

Advertisements

Leave a Reply

This site uses Akismet to reduce spam. Learn how your comment data is processed.

You may missed

%d bloggers like this: