Advertisements

የሳምንቱ ወሬዎች

የአባዱላ አጣብቂኝ

“የለውጥ አራማጆች” ተነስተዋል በሚባልበት እና የእርሱም የሥልጣን መልቀቂያ ጥያቄ ከዚሁ የለውጥ ማዕበል ጋር የተያያዘ ነው በሚል ሲዘገብለት የነበረው “ጃርሳው” ከኢህአዴግ የሥራ አስፈጻሚ ስብሰባ በኋላ ጀርባውን ለኦህዴድ መስጠቱ ሁሉንም ነገር በዜሮ የሚባዛው ሆኗል።

የገዱ አንዳርጋቸው ፈተና

የአማራ ክልል ፕሬዚዳንት አቶ ገዱ አንዳርጋቸው፣ የሰሜን ጎንደር ዞን አስተዳደር አቶ ሙሉጌታ ወርቁ፣ የጎንደር ከንቲባ አቶ ተቀባ ተባባል እና ስለ ህዝባዊ አመፁ ማስረዳት ይችላሉ የተባሉ ባለስልጣናት እና የፖሊስ አዛዦች በእነ ንግስት ይርጋ ተፈራ ክስ መዝገብ ስር ለተከሰሱት 6 ግለሰቦች የመከላከያ ምስክር ሆነው (ታህሳስ 12፤ 2010) እንዲቀርቡ የፌደራል ከፍተኛ ፍርድ ቤት ልደታ ምድብ 4ኛ ወንጀል ችሎት አዟል።

የኦሮሚያና የአማራ ቴሌቭዥንን የሚገደብ አዲስ እቅድ ተዘጋጀ

የአማራና የኦሮሚያ ክልል የቴሌቭዥን ስርጭቶች በሀገሪቱ የፖለቲካ ስርዓት ሙሉ ቁጥጥርና የበላይነት ያለውን ህወሐት የሚነቅፉና በማዕከላዊነት የሚተላለፈውን ፕሮፓጋንዳ መና ያስቀሩ ሆነዋል። ይህን የክልል መገናኛ ብዙሀን አንፃራዊ ነፃነት መልሶ ለመገደብ ገዥው ፓርቲ አዲስ እቅድ መንደፉ እየተሰማ ነው ……

የአቶ አባዱላ መልቀቂያ በኢሕአዴግ ተቀባይነት አገኘ

መነሻ ገጽየሕዝብ ተወካዮች ምክር ቤት አፈ ጉባዔ በመሆን ሲያገለግሉ የነበሩት አቶ አባዱላ ገመዳ፣ ከአፈ ጉባዔነት ለመልቀቅ ያቀረቡት ጥያቄ በኢሕአዴግ ተቀባይነት ማግኘቱ ታወቀ፡፡ በመስከረም ወር 2010 ዓ.ም. የመልቀቂያ ጥያቄያቸውን ለኢሕአዴግ ሊቀመንበር አቶ ኃይለ ማርያም ደሳለኝና ለኦሕዴድ ያቀረቡት አቶ አባዱላ ገመዳ፣ የጥያቄያቸውን ምላሽ እስካለፈው ሳምንት ድረስ ሲጠባበቁ እንደነበር ለማወቅ ተችሏል፡፡ ባለፈው ሳምንት ግን የኢሕአዴግ ሥራ አስፈጻሚ ኮሚቴ የተቀበለው መሆኑን ምንጮች ገልጸዋል,,,,,,,

የብአዴን አመራር አባላት የአማራ ሕዝብ ሆድ ብሶታል አሉ

ESAT Amharicየአዲስ አበባ ብአዴን ካድሬዎች ባካሄዱት ጥልቅ የተሃድሶ ግምገማ በየወረዳዎቻቸው የሚገኙ የሕወሃት አመራሮች ቁልፍ ቦታዎችን እንደተቆጣጠሩ ይፋ አድርገዋል። የሕወሃት የበላይነት በየተቋማቱ ስለመኖሩ የተስማሙት የአዲስ አበባ ወረዳ ካድሬዎች በተለይ የመከላከያ ሰራዊት አመራር በትግራይ ተወላጆች መታጨቁን ነው የገለጹት። ይህ ብቻ አይደለም በየትኞቹም ተቋማት ያሉ ቁልፍ ቦታዎች በነሱ የተያዙ ናቸውም ብለዋል …….

ፈውስን ፍለጋ ከህንድ እስከ ታይላንድ

በአንድ ሙያዊ ሥልጠና ላይ ለመካፈል ከአንድ ጓደኛው ጋር ወደ ህንድ ያቀናው ከወራት በፊት ነበር፡፡ እንግዳ በሆኑባት ኒውዴል ከተማ እንደ ደረሱ ተቀብሎ የሚያስተናግዳቸውና ወደተያዘላቸው ሆቴል የሚያደርሳቸው ሰው መመደቡ የተነገራቸው ከአዲስ አበባ ሳይነሱ በኢሜይል መልዕክት ነበር፡፡ ሲደርሱ ግን ያጋጠማቸው ከዚህ የተለየ ነበር፡፡መነሻ ገጽ

እንደደረሱ ‹‹ኢትዮጵያዊ ናችሁ?›› ሞቅ ባለ እንኳን ደህና መጣችሁ ብላ ሰላምታ የተቀበለቻቸውን ወጣት ተከትለው ወደ አንደኛው የትኬት ወኪል ቢሮ አመሩ፡፡ የሁለቱንም ፓስፖርት ተቀብላም ፎቶ ኮፒ አደረገች፡፡ ሁኔታው ያላማረው ሰለሞን ስዩም የምታደርገውን ነገር በዓይነ ቁራኛ ይከታተላት እንደነበር ያስታውሳል፡፡ ፓስፖርታቸውን መልሳ አንድ መኪና አስመጣችና ሂዱ ብላ ከመኪናው ሹፌር ጋር አገናኘቻቸው፡፡

 

ኢትዮጵያውያንን ጨምሮ «እጅግ ለከፋ አደጋ የተጋለጡ» ናቸው የተባሉ 162 ስደተኞች ትናንት ማምሻውን ከሊቢያ ወደ ጣሊያን በጦር ጀት ተወሰዱ። ስደተኞቹ ከኢትዮጵያ፣ ከኤርትራ፣ ከሶማሊያ እና ከየመን ተነስተው ሊቢያ የስደተኞች ማጎሪያ ውስጥ የተከማቹ ነበሩ። ጣሊያን ፖሜትሲያ ወደሚገኘው ወታደራዊ አየር ማረፍያ የተወሰዱት ስደተኞች አካል ጉዳተኞች፣ ባል አልባ እናቶች እንዲሁም ለብቻቸው ማጎሪያው ውስጥ የተገኙ ህጻናትን ያካትታል። የጣሊያን የሀገር ውስጥ ሚንሥትር ማርኮ ሚኒቲ «ለመጀመሪያ ጊዜ ከሊቢያ ወደ ጣሊያን የሰብአዊ መተላለፊያ ኮሪደር ተከፍቷል። ይኽ የመጀመሪያው ነው» ብለዋል። የተባበሩት መንግሥታት የስደተኞች መርጃ ድርጅት (UNHCR) ሊቢያ የስደተኞች ማጎሪያ ውስጥ 18,000 ስደተኞች ታግተው እንደሚገኙ ገልጧል። ከስደተኞቹ ውስጥ 10,000ዎቹን ከአንድ ሳምንት ግድማ በኋላ ከሚብተው የጎርጎሪዮሱ አዲስ ዓመት አንስቶ ባሉት ጊዜያት የማስወጣት ዕቅድ ተይዟል።

በኢትዮጵያ አምስት የስደተኛ ጣቢያዎች ውስጥ የሚገኙ ከ 20,000 በላይ የሶማሊያ ስደተኞች የሚሰጣቸው ርዳታ ሊቀነስ እንደኾነ ተገለጠ። የዓለም የምግብ መርሐ-ግብር ሠራተኛው ኤድዋርድ ሞዮ ለአሶሺየትድ ፕሬስ የዜና ምንጭ እንደተናገሩት ከሶማሊያ ለፈለሱት ስደተኞች የተከማቸው ርዳታ ለኹለት ወር ግድም ብቻ የሚያዛልቅ ነው ብለዋል። «ህጻናት ልጆች ያሏት ነፍሰ-ጡር ሴትን ያን ሁሉ መከራ አሳልፋ ርዳታውን ልንቀንስብሽ ነው ስንላት ምንድን ነው የሚሰማት?» ብለዋል። ኢትዮጵያ ውስጥ ከሚገኙት የስደተኛ መጠለያዎች 40,000 ግድም የሶማሊያ ስደተኞች በተከማቹበት በአንዱ የተመጣጠነ ምግብ መስጫ መአከል በርካታ ህጻናት በረሀብ የተጎዱ መኾናቸው ተዘግቧል። የአፍሪቃ እስላማዊ ጽንፈኛ ታጣቂዎችን በመሸሽ ወደ ስደተኛ ጣቢያዎቹ በቀን ከ1000 በላይ የሶማሊያ ስደተኞች እየመጡ መኾናቸውም ተገልጧል።

የደቡብ ሱዳን ፕሬዚዳንት ሣልቫ ኪር በዩናይትድ ስቴትስ ማዕቀብ ከተጣለባቸው የሀገሪቱ አንድ ነጋዴ ጋር አላቸው የተባለውን ግንኙነት አስተባበሉ። ሣልቫ ኪር ማዕቀብ የተጣለባቸው ነጋዴ ቤንጃሚን ቦል ሜል አማካሪያቸው ነበሩ መባሉን እሳቸው ላይ አላግባብ ጥቋር ነጥብ ለማሰጠት በተሳሳተ መረጃ ላይ የተመሰረተ ውሳኔ ነው ብለውታል። ቤንጃሚን ቦል ሜል የተባሉት ደቡብ ሱዳናዊ ነጋዴ ዩናይትድ ስቴትስ ሐሙስ እለት ማእቀብ ከጣለችባቸው የተለያዩ ሃገራት ግለሰቦች ውስጥ ይገኙበታል። ነጋዴው የፕሬዚዳንት ሣል ቫኪር ተቀዳሚ የፋይናንስ አማካሪ እንዲሁም የግል ጸሐፊያቸው ኾነው አገልግለዋል ተብሏል። ነጋዴው ቤንጃሚን ቦል ሜል በፕሬዚዳንትነት የሚመሩት ABMC የተባለው የታይላንድ እና የደቡብ ሱዳን የግል ኩባንያ በመንግሥት የግንባታ ውሎች በልዩ ኹኔታ እንክብካቤ ይደረግለታል ተብሏል። የፕሬዚዳንት ሣልቫ ኪር ቃል አቀባይ አቴኒ ዌክ አቴኒ ነጋዴው ከፕሬዚዳንቱ ጋር አላቸው የተባለው ግንኙነት «እውነት አይደለም» ሲሉ አስተባብለዋል። በኹለቱ መካከልም አንዳችም ይፋዊ የኾነ ግንኙነት አለመኖሩን ተናግረዋል።

 

Advertisements

Leave a Reply

This site uses Akismet to reduce spam. Learn how your comment data is processed.

%d bloggers like this: