ዐቃቤ ሕግ ችሎት ላይ ሞባይሉን አውጥቶ ጌም ይጫወታል። እኔ ወደ እስር ቤት ተመልሼ የምጫወተው ከትኋን እና ከአይጥ ጋር ነው

“ማርም ሲበዛ ይመራል።……መረረኝ!….. በከፍተኛ ጥበቃ ሆኜ እንዳክም ጠይቄ ስላልተፈቀደልኝ የሞቱት ታካሚዎቼ ቁጥር 20 ደርሷል።” በእነ መቶ አለቃ ማስረሻ ሰጤ ክስ መዝገብ 13ኛ ተከሳሽ ዶ/ር ፍቅሩ ማሩ በፌደራል ከፍተኛ ፍርድ ቤት ልደታ ምድብ 19ኛ ወንጀል ችሎት ዛሬ ታህሳስ 30/2010 ዓም የተናገሩት ነው።

(በጌታቸው ሺፈራው)

“ማርም ሲበዛ ይመራል። በካቴና ታስሬ ቢገለበጥ መውጣት በማልችልበት በሽቦ በታጠረ መኪና ነው ወደዚህ (ወደ ፍርድ ቤት) የምመጣው። ዐቃቤ ሕግ ችሎት ላይ ሞባይሉን አውጥቶ ጌም ይጫወታል። እኔ ወደ እስር ቤት ተመልሼ የምጫወተው ከትኋን እና ከአይጥ ጋር ነው። ሰብአዊነት የሚባል ነገር የለም? እኛ ቀኑን ሙሉ እዚህ ስለምንውል ሊጠይቁን የሚችሉት ቤተሰቦች አያገኙንም። ልብስ እንኳ መቀየር ስላልቻልን አንድ አዳፋ ልብስ(የደንብ ልብስ) ነው የምንለብሰው።

dr

ዛሬ እዚህ እየሆነ ያለው የነገ ታሪክ ነው። ለእናንተ (ለዳኞቹ) ልጆችም የሚደርስ ታሪክ ነው። እንደ ከብት እየተጎተትን እየመጣን ዐቃቤ ሕግ ምስክር አልመጣልኝም እያለ እያጉላላን ነው። ከብት እንኳ ክብር አለው። እኛ ታስረን ዐቃቤ ሕግ በስልክ ደውዬ አላገኘኋቸውም፣ አልመጡልኝም ማለቱ ቀልድ ነው። ባለፈው የነበረው ዐቃቤ ሕግ ዛሬ አልተገኘም። ሚስቱ ጋር ሄዶ ይሆናል። እኛ ግን መሄጃ የለንም።

እኔ በከፍተኛ ጥበቃ ወጥቼ እንዳክም ጠይቄ የ15ኛ ወንጀል ችሎት መሃል ዳኛ አንድ ቀን ብቻ ነው የፈቀዱልኝ። እንዲህ ያለ ርህራሄ የሌለው ስርዓት ነው። በእኔ መታሰር እና በከፍተኛ ጥበቃ ሆኜ እንዳክም ጠይቄ ስላልተፈቀደልኝ የሞቱት ታካሚዎቼ ቁጥር 20 ደርሷል።

ከታሰርኩ 4 አመት ከ8 ወር ሆኖኛል! መረረኝ! የሀሰትና ስሚ ስሚ ምስክር ነው የሚያመጡት። ዐቃቤ ሕግ ምስክር የለኝም እያለ እያጉላላን ነው። እየሰራ ያለው የኢትዮጵያ ህዝብ በሚከፍለው ግብር ነው። ምስክር ከሌለው ማረሚያ ቤት እያለን፣ ወደ ፍርድ ቤት ሳንመጣ መንገር ይችል ነበር። አሁንም ነገ ከሌለው እንዳንመላለስ ይደረግልን።”

(ዐቃቤ ሕግ ባለፈው አርብ ታህሳስ 27/2010 ምስክሮችን ሳያቀርብ ቀርቷል። ዛሬም አልቀረቡልኝም ብሏል። ዐቃቤ ሕግ ከ30 በላይ ምስክሮች እንደቀሩት ቢገልፅም በተደጋጋሚ ሊያቀርብ አልቻለም። ምስክሮቹን ፖሊስ ሊያገኛቸው አልቻለም ቢልም ፖሊስ ይህን ምክንያት ለፍርድ ቤቱ በደብዳቤ እየገለፀ አይደለም። ተከሳሾችና ጠበቆቻቸው ዐቃቤ ሕግ ምስክር አቀርባለሁ ብሎ አልቀረቡልኝም የሚለው ተከሳሾቹን ለማጉላላት፣ ሌላ ተጨማሪ ረዥም ቀጠሮ ለማስቀጠር በመሆኑ ምስክር ለማቅረብ ፍላጎት እንደሌለው ስለሚያሳይ የምስክር ሂደቱ ታልፎ እስካሁን በቀረቡት ምስክሮች ብይን እንዲሰጥ ሲጠይቁ ቆይተዋል። ፍርድ ቤቱ ቀጠሮው የተያዘው እስከ ጥር 3/2010ዓም በመሆኑ በመጨረሻው ቀጠሮ ብይን እሰጣለሁ ብሏል። በየቀኑ የሚቀርቡት የተለያዩ ዐቃቤ ሕጎች በመሆናቸው ምስክሮች ባለመቅረባቸውና ሌሎች ጉዳዮች ለፍርድ ቤቱ በቂ ምክንያት ማቅረብ አልቻሉም። በእነ መቶ አለቃ ማስረሻ ሰጤ ክስ መዝገብ ዐቃቤ ሕግ ከ80 በላይ ምስክሮች አስመዝግቧል። ከ30 በላይ ምስክሮችን ይቀረኛል ቢልም ማቅረብ አልቻለም።)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s