ኦሮሚያ ክልል ቄሮ ወንጅል አለመፈጸሙን አረጋገጠ፤ ፌድራል ፖሊስ ምርመራ አካሂዳለሁ ማለቱን ” ህገ ወጥ ” ሲል ኮነነ

አራቱ ድርጅቶች ” ፍጹም መግባባት የተሞላበት ውይይት አድርገው በመካከላቸው ያለውን ያለመተማመን ችግር ፈቱ” የሚለው መግለጫና በተለያዩ ወገኖች የቆሙት ቲፎዞዎች ስካር ሳይበርድ ኦሮሚያ ክልል የፌደራል ፖሊስን በመቃወም መግለጫ ሰጠ።
ኦሮሚያን እያስተዳደረ ያለው ኦህዴድ ማምረሩ በተለያዩ ጊዜያት ቢገለጽም ከቅርብ ጊዜ ወዲህ አመራሮቹ ገሃድ በመውጣት ቀልብ የሚስብ መልዕክት ማስተላለፍ ጀምረዋል። በተለይም አቶ ለማ መገርሳ ” በዚህ ሁኔታ ሕዝብን መምራት አንችልም። የታፈነ ይገነፍላል። የእኛ ስልጣን ከአገር ስለማይበልጥ ገድል ይግባ…” የሚሉትንና ኢትዮጵያዊነት ላይ የተቸከለ የመሪነት ንግግር ማሰማታቸው ” እኚህ ሰው ለምን አይታሰሩም? እንዴት ዝም ተባሉ? እነ ዶክተር መረራ፣ በቀለ ገርባ፣ እስክንድር ነጋ፣ እነ አንዷለም… ከሳቸው በላይ ተናግረዋል ወይ? የሚል ጥያቄም እያስነሳ ነው።


ዛሬ ደግሞ የኦሮሚያ ፍትህ ቢሮ የኮሙኒኬሽን ጉዳይ ሃላፊ አቶ ታዬ የፌደራል ፖሊስ  “ቄሮ” በመባል የሚታወቀውን የኦሮሞ ወጣቶች እንቅስቃሴ ከምንጩ ለማድረቅ ምርመራ መጀመሩን በአጭር ቋንቋ ” አናውቀውም። ከሆነም ህገወጥ ነው” ሲሉ ነው የነቀፉት።
እንደ አቶ ታዬ ገለጻ ቄሮ በተጠቀሰው የምስራቅ ክፍልም ሆነ በሌሎች አካባቢዎች በቡድን የፈጸመው የተመዛገበ ወንጀል ወይም ጥፋት አለመኖሩን ያረጋገጡት ለጀርመን ሬዲዮ ነው። በክልላቸው እስካሁን ከራሳቸው የጽጥታ ሃይልና ፖሊስ አቅም በላይ የሆነ ችግር እንደሌለ ሃላፊው አመልክተዋል። አይይዘውም የፌድራል ፖሊስን እገዛም አለመተየቃቸውን አሳውቀዋል። ይህ ባለሆነበት የፌደራል ፖሊስ እያለ ያለው ህገ ወጥ መሆኑንንም ነው የገለጹት።
የጀርመን ሬዲዮ ዘገባ እንዲህ ይነበባል

የፌዴራል ፖሊስ የ«ቄሮ» ምርመራ በኦሮሚያ ክልል

የኢትዮጵያ ፌዴራል ፖሊስ ኮሚሽን በኦሮሚያ ክልል በምሥራቅ ሐረርጌ ዉስጥ በሚንቀሳቀሰው «ቄሮ» በመባል በሚታወቀው የወጣቶች ቡድን ላይ ምርመራ እንደጀመረ የሀገር ዉስጥ ዘገባዎች አመልክተዋል። የአሮሚያ ክልል የፍትህ ቢሮ የኮሙኒኬሼን ጉዳዮች ኃላፊ አቶ ታዬ ዳንዳኣ ኮሚሽኑ ይህን ሥራ መጀመሩን የሚያሳይ ምንም መረጃ እንዳልደረሳቸዉ ይናገራሉ።

የሀገር ውስጥ መገናኛ ብዙሃን ዘገባው በእንቅስቃሴው ዉስጥ ቄሮዎቹ ብቻ ሳይሆኑ የአካባቢ ሚሊሽያዎች፣ ፖሊሶችና የወረዳ አመራሮች እንደተሳተፉ ይጠቅሳል። ኮሚሽኑም «ቄሮ» እንዴት እንደተደራጀና አላማዉም ላይ ምርመራ እንደሚያደርግ ዘገባዉ አክሎበታል። የ«ቄሮ» እንቅስቃሴ የመከላከያና የፌዴራል ፖሊስ አባላትን ተልዕኮ አስተጓጉሏል፤ በአካባቢዉ ስጋት ፈጥሯል መባሉም እንደምክንያት ተቀምጧል።

የአምቦ ዩኒቨርስቲ መምሕርና የበየነ መረብ (ኢንተርኔት) ፀሐፊ ስዩም ተሾመ ግን ወጣቶቹ ለማህበረሰቡ ጥያቄ መልስ ለማስገኘት የሚታገሉ እንደሆኑ አስረድተዋል። የኦሮሚያ ክልል መስተዳደር የወጣቶቹን ጥያቄ ተቀብሎ ለማስተናገድ ጥናት ላይ እንደሚገኝ አቶ ስዩም ይናገራሉ። ምክንያቱም አዲሱ የክልሉ መስተዳድር ወደ ስልጣን የመጣዉ ወጣቱ ትዉልድ ወይም «ቄሮ» በፈጠረዉ ጫና አማካኝነት በመሆኑ ባይ ናቸው።

የኦሮሚያ ክልል ፕሬዝዳንት አቶ ለማ መገርሳ የዛሬ ሁለት ወር ገደማ በድርጅታቸዉ በኦሕዴድ ጉባዔ ላይ ባደረጉት ንግግር « እኛ የፈጠርነዉ ወጣት ትዉልድ ስራ ስላጣ ብቻ ነዉ ወይስ ሌላ ጉዳይ ስላለ ነዉ የጠላን?» በማለት ተሳታፊዎቹን ጠይቀው እንደነበር ይታወሳል። ያኔም ስለ«ቄሮ» ያላቸዉን አስተያየት እንደሚከተለው ገልጸው ነበር።  «ቄሮ ቄሮ ቀሮ፣ እሺ ቄሮ ምንድነዉ? ቄሮን ጠላት አድርጋችሁ ታያላችሁ። ቄሮ ማለት ወጣት ማለት አይደል በአፋን ኦሮሞ? ቁጥሩ በተለይ እየጨመረ ያለውን ስድስት ሚሊዮን ወጣት በጠላትነት ፈርጀህ ማንን ልታስተዳድር ነው? እኛ ሁላችንም እዚህ አንቆይም። የፓርቲዉን አላማ የሚያስቀጥሉት ወጣቶቹ ናቸዉ» ብለው ነበር።

በአሮሚያ ክልል በፍትህ ቢሮ የኮሙኒኬሼን ጉዳዮች ኃላፊ አቶ ታዬ ዳንዳኣ «ቄሮ» የማሕበረሰቡ ወሳኝ አካል ስለሆነ እነዚህን ወጣቶች በማግለል ወይም እንደ ወንጀለኛ በመፈረጅ እድገትና ሰላም ማምጣት እንደማይቻል የክልሉ መንግስት እንደሚረዳው ለዶይቼ ቬሌ ተናግረዋል።

እንደ አቶ ታዬ አስተሳሰብ፣ ቄሮ የሚባል የወጣት ቅንጅት በምሥራቅ ሐረርጌ ብቻ ሳይሆን በአጠቃላይ በክልሉና በሀገሪቱ የሚንቀሳቀስ ቡድን ነው። የሕግ በላይነት በየትም ቦታ ሊከበር እንደሚገባ ያመለከቱት አቶ ታዬ እስካሁን ቄሮ ተደራጅቶ ወንጀል አለመፈጸሙን አረጋግጠዋል።

መርጋ ዮናስ – አርያም ተክሌ  የጀርመን ድምጽ

ፎቶ – 1997 ምርጫ ወቅት – ሪፖርተር ጋዜጣ

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s