ህግ

“ደም ደም ትሸታላችሁ” ተከሳሾቹ – አራት የኦፌኮ አመራሮች ተፈረደባቸው

….ደም ደም ትሸታላችሁ፣ 26 አመት ሙሉ የኦሮሞን ህዝበ ገድላችኋል፣ 26 አመት ሙሉ በኢትዮጵያ ህዝብ ደም ተጨማልቃችኋል፣ ሞት በእኛ ይብቃ ….

የኦፌኮ አመራሮችን ደግፈው ያጨበጨቡ የግንቦት 7 ተከሳሾች ተፈርዶባቸዋል

(ጌታቸው ሺፈራው)

ከአዲስ አበባ ማስተር ፕላን ጋር በተያያዘ በተቀሰቀሰው ህዝባዊ ንቅናቄ የተከሰሱት አራት የኦፌኮ አመራሮች ዛሬ ጥር 3/2010 በችሎት መድፈር ቅጣት ተወስኖባቸዋል። በእነ ጉርሜሳ አያኖ ክስ መዝገብ የተከሰሱት ጉርሜሳ አያኖ፣ ደጀኔ ጣፋ፣ አዲሱ ቡላላ እና በቀለ ገርባ በመከላከያ ምስክርነት የጠቀሷቸው እነ ለማ መገርሳ እንዲሁም በእስር ላይ የሚገኘው አንደየዓለም በምስክርነት እንዳይቀርቡ የፌደራል ከፍተኛ ፍርድ ቤት ልደታ ምድብ 4ኛ ወንጀል ችሎት ብይን በሰጠበት ወቅት ተቃውሞ በማሰማታቸው ችሎት ደፍራችኋል በሚል እያንዳንዳቸው 6 ወር ተፈርዶባቸዋል።

ፍርድ ቤቱ ” በሚረባና በማይረባ ጉዳይ የመንግስት ባለስልጣናት ለምስክርነት መቅረብ የለባቸውም” በሚል ባለስልጣናቱ በምስክርነት እንዳይቀርቡ ውድቅ ያደረገ ሲሆን አቶ በቀለ ገርባ “በሚረባና በማይረባ እያላችሁ የምትጠቀሙት ቃል ከእናንተ የሚጠበቅ አይደለም” ማለታቸውን ችሎቱ የታዘቡ ገልፀዋል። አቶ ደጀኔ ጣፋ በበኩላቸው “አቃቤ ህግ አመራሮችን ጠርቶ አስመስክሮብናል። እኛ አመራሮችን በምስክርነት ስንጠራም መመስከር የለባቸውም ሊባል አይገባውም” ሲሉ በችሎቱ ተቃውሟቸውን አሰምተዋል።

Image may contain: one or more people and people standing

ተከሳሾቹ “ደም ደም ትሸታላችሁ፣ 26 አመት ሙሉ የኦሮሞን ህዝበ ገድላችኋል፣ 26 አመት ሙሉ በኢትዮጵያ ህዝብ ደም ተጨማልቃችኋል፣ ሞት በእኛ ይብቃ ” ሲሉ እንደተናገሩና እንደዘመሩም ታውቋል። አመራሮቹ በፍርድ ቤቱ ውሳኔ ተቃውሞ በማሰማታቸው በችሎት መድፈር በተፈረደባቸው ወቅት ፍርድ ቤቱ ሲያነብ አንሰማም ብለዋል።

በእነ በለጠ ክስ መዝገብ በግንቦት 7 የተከሰሱት 3 ተከሳሾችም፣ እነ ጉርሜሳ ሲፈረድባቸው አጨብጭባችኋል በሚል በችሎት መድፈር 3 ወር ተፈርዶባቸዋል። 3 ተከሳሾች “ለምን አጨበጨባችሁ?” ተብለው በፍርድ ቤት ሲጠየቁ “ወንድሞቻችን ስለሆኑ ነው” ብለው መልስ መስጠታቸው ታውቋል። ከችሎት ወጥተው የእስረኞች ጊዜያዊ ማቆያ የነበሩ እስረኞችም በኦሮምኛ ሲዘምሩ ተደምጠዋል። በአማርኛም “ሞት በእኛ ይብቃ! ደም ደም ይሸታል ቤቱ፣ የፍርድ ቤቱ! ” እያሉ ሲዘምሩ ተሰምተዋል።

Advertisements

Categories: ህግ

Tagged as:

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s