Advertisements

14 የፖለቲካ እስረኞች ተበየነባቸው

የአርበኞች ግንቦት 7 አላማን በመቀበል በቃፍታ ሁመራ በኩል ወደ ኢትዮጵያ በመግባት ከሰኔ 25/2007 እስከ ሰኔ 28/2007 ዓም ከትግራይ ክልል ሚሊሻ፣ ከትግራይ ክልል ልዩ ኃይልና መከላከያ ጋር ውጊያ በማድረግ ከፍተኛ ጉዳይ አድርሰዋል የተባሉ 14 ግለሰቦች ከ 15 አመት እስከ ሞት በሚያስቃጣ ከባድ ድንጋጌ ስር እንዲከላከሉ ተበይኖባቸዋል።

በእነ ገብሬ ንጉሴ ክስ መዝገብ ተከሰው የተበየነባቸው ገብሬ ንጉሴ፣ አገናኝ ካሱ፣ ስማቸው አምበሉ፣ ባባዬ አዛናው፣ አስቻለው ክፍሌ፣ ደሴ ክንዴ፣ ክብረት አያሌው፣ ብርሃን ዳርጌ፣ አወቀ መኮንን፣ አበረ ፋንታሁን፣ሻንቆ ብርሃኑ፣ ጌትነት ዘሌ፣ ተሻገር መስፍን እና ሰጤ ጎባለ ናቸው።

ተከሳሾቹ 4 የሰራዊት አባላት እንደገደሉ እና 10 የሰራዊት አባላትን እንዳቆሰሉ የፌደራል ከፍተኛ ፍርድ ቤት ልደታ ምድብ 4ኛ ወንጀል ችሎት በብይኑ ገልፆአል። ከተበየነባቸው መካከል አገናኝ ካሱ፣ ስማቸው አምበሉ፣ ባባዬ አዛናው፣ አስቻለው ክፍሌ፣ ደሴ ክንዴ፣ ክብረት አያሌው፣ ብርሃን ዳርጌ፣ አወቀ መኮንንና አበረ ፋንታሁን አንከላከልም በማለታቸው ለፍርድ ለጥር 17፣ እንዲሁም እንከላከላለን ያሉት ገብሬ ንጉሴ፣ ሻንቆ ብርሃኑ፣ ጌትነት ዘሌ፣ ተሻገር መስፍን እና ሰጤ ጎባለ ምስክር እንዲያቀርቡ ለየካቲት 8/2010 ቀጠሮ ተይዟል።’

(በጌታቸው ሺፈራው)

Advertisements

Leave a Reply

This site uses Akismet to reduce spam. Learn how your comment data is processed.

%d bloggers like this: