Advertisements

ኢትዮጵያና ሶማሌላንድ የኢኮኖሚ ትስስራቸውን ለማጠናከር ተጨማሪ ወደቦችን በጋራ ለማልማት ተስማሙ፤

ጠቅላይ ሚኒስትር ኃይለማርያም ደሳለኝ የሶማሌላንድ ፕሬዚዳንት ሙሴ ብሂ አብዲ በፅህፈት ቤታቸው ተቀብለው አነጋግረዋል። በዚሁ ወቅት ኢትዮጵያ እና ሶማሌላንድ በሰላምና ፀጥታ፣ በኢኮኖሚ፣ በንግድ እና ትምህርት ዘርፎች ያላቸውን ትብብር ለማጠናከር ተስማምተዋል።

ኢትዮጵያ የበርበራ ወደብን በመጠቀም ከግዛቲቱ ጋር ያላትን የኢኮኖሚ ትስስር እንደምታጠናክር የተናገሩት ጠቅላይ ሚኒስትር ኃይለማርያም፥ ለዚህ ደግሞ የወደቡን መዳረሻ መንገድ የማልማት ስራ እንደምትሰራ ገልጸዋል።

ኢትዮጵያ የጎረቤት አገሮችን ልማት እንደራሷ ልማት የምታይ መሆኑን ገልጸው፥ “ለሶማሌላንድ ወጣቶች የትምህርት ዕድል በመስጠት የጀመረችውን ትብብር ታጠናክራለች” ብለዋል።

ከዚህ ባለፈ ኢትዮጵያና ሶማሌላንድ ተጨማሪ ወደቦችን በማልማት የኢኮኖሚ ትስስራቸውን የበለጠ ለማጠናከር መስማማታቸውን ጠቅላይ ሚኒስትሩ ገልጸዋል።

በሶማሌላንድ አስተዳደር በተደጋጋሚ ጥቃት በመፈጸም በሰው ህይወትና ንብረት ላይ ጉዳት የሚያደርሰውን አልሸባብን በጋራ ለመዋጋት ኢትዮጵያ ድጋፍ የምታደርግ መሆኑንም ነው ጠቅላይ ሚኒስትሩ ያስታወቁት።

ሶማሌላንድ ያነሳቻቸው የፖለቲካ ጥያቄዎች በኢጋድና በአፍሪካ ህብረት ማዕቀፍ መስተናገድ በሚችሉባቸው ጉዳዮች ላይም መወያየታቸውን አቶ ኃይለማርያም ተናግረዋል።

ስምምነቱ ተግባራዊ እንዲሆን የጋራ ኮሚሽን አቋቁመው ለመስራት መስማማታቸውን ተገልጿል።

ፕሬዚዳንት ሙሴ ብሂ አብዲ በበኩላቸው ሁለቱ አገሮች ያላቸውን መልካም ግንኙነት በፖለቲካ እና በኢኮኖሚ መስኮች የበለጠ ለማጠናከር ፍላጎት እንዳላቸው ነው የገለፁት።
በተለይም በፀጥታ እና በኢኮኖሚ ጉዳዮች ላይ ከኢትዮጵያ ጋር በትብብር መስራት እንደሚፈልጉ ገልጸዋል ሲል መረጃው ያደረሰን

ኢዜአ 

Advertisements

Leave a Reply

This site uses Akismet to reduce spam. Learn how your comment data is processed.

You may missed

%d bloggers like this: