እስክንድር ነጋና አንዱዓለም አራጌን ጨምሮ 746 ታራሚዎችና ተጠርጣሪዎች እንዲለቀቁ ተወሰነ

የኢህአዴግ ስራ አስፈፃሚ በወሰነው መሰረት በፌደራል ደረጃ በተለይም በሽብር፣ በሁከትና ብጥብጥ፣ በሀይማኖት አክራሪነት እና በተለያዩ ወንጀሎች ተፈርዶባቸው በማረሚያ ቤት የሚገኙ 417 ታራሚዎች በይቅርታ እንዲለቀቁ ተወሰነ።

ጠቅላይ አቃቤ ህግ ለፋና ብሮድካስቲንግ ኮርፖሬት እንደገለፀው፥ ከታራሚዎቹ መካከል 298 በፌደራል ማረሚያ ቤት የሚገኙ እና 119 በአማራ ክልል ማረሚያ ቤቶች የሚገኙ ናቸው በይቅርታ እንዲለቀቁ የተወሰነው። የታራሚዎቹ ዝርዝር በይቅርታ ቦርድ ለሀገሪቱ ርእሰ ብሔር ቀርቦ ከፀደቀ እና ተገቢውን የተሃድሶ ስልጠና ከወሰዱ በኋላ ወደ ህብረተሰቡ እንደሚቀላቀሉም ነው የተገለፀው። እንዲለቀቁ ከተወሰነላቸው መካከልም እስክንድር ነጋና አንዱዓለም አራጌ ይገኙበታል።

በተመሳሳይ ጉዳያቸው በህግ በመታየት ላይ የነበሩ 329 ተጠርጣሪዎች ክሳቸው እንዲቋረጥ ተወስኗል። በዚሁ መሰረት 278 በፌደራል፣ 18 በአማራ ክልል እና 33 በትግራይ ክልል የሚገኙ ተጠርጣሪዎች ክሳቸው ተቋርጦ የተሃድሶ ስልጠና ከወሰዱ በኋላ እንዲለቀቁ ተወስኗል።

ቀደም ሲል በመጀመሪያ ዙር የፍርድ ሂደታቸው በመታየት ላይ የሚገኙ 528 ተጠርጣሪዎች ክስ ተቋርጦ ከእስር መለቀቃቸውን የፌደራል ጠቅላይ አቃቤ መግለፁ ይታወሳል። ከእነዚህ ክሳቸው ተቋርጦ ከተለቀቁ ተጠርጣሪዎች መካከል 115ቱ በፌደራል ደረጃ ሲሆኑ፥ ሌሎቹ 413 ደግሞ በደቡብ ክልል ናቸው።

በመቀጠልም የኦሮሚያ ብሄራዊ ክልላዊ መንግስት ለ2 ሺህ 345 የህግ ታራሚዎች እና ተጠርጣሪዎች ይቅርታ እና ክሳቸው ተቋርጦ እንዲለቀቁ ማድረጉ ይታወሳል። በተመሳሳይ በአማራ ክልል የ598 ተጠርጣሪዎች ክስ ሲቋረጥ ለ2 ሺህ 905 ታራሚዎች ይቅርታ ተደርጓል።

ፋና

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s