Advertisements

ኦህዴድ ቱምሳን ሊያነቃንቅ ነው – የጫት ንግድ ውዝግብ ያከትማል!! የንግድ ኢምፓየር ጦርነት?

የኦህዴድ ማዕከላዊ ኮሚቴ በከፍተኛ ደረጃ ከመከርበት ጉዳይ አንዱና ዋናው በውስጥና በውጭ ችግር በአፍጢሙ የተደፋውን የቱምሳ ኢንዶውመንትን አጠናክሮ ለማንቀሳቅስ ነው። የዛጎል መረጃዎች እንዳሉት ቱምሳ በእርሻ፣ በንግድ፣ በትራንስፖርት፣ በኤክስፖርት፣ በፋይናንስ ዘርፎች ሃይሉን አስተባበሮ ሲሰራ የንግድ ኢምፓየር ውዝግብ የነሳል የሚል ስጋትም አላቸው። የጫት ንግድ ውዝግብም ያከትማል።

በራሱ ክልል፣ ለራሱ አርሶ አደሮች ማዳበሪያ እንኳን በአግባቡ ለመሸጥ እንዳይችል ከባንክ ብድር ጀምሮ በርካታ ጫና የተጣለበት ቱምሳ ይህንን ቸግር በቅርቡ እንደሚሰብር ውስጥ አዋቂዎች ተናግረዋል። የጫት ንግድን ሙሉ በሙሉ ለዩኒየኖች እና በቀጥታ አርሶ አደሮች ተጠቃሚ እንዲሆኑ በማድረግ ” ጫት ላኪ” ነን የሚሉትን ለማኮላሸት እቅድ ተነድፏል።

ኦህዴድ የዲያስፖራውን ሃይልና አቅም ለመጠቀም የውስጥ የፖለቲካ እርቅ ማወጁ፣ እንዲሁም ከተቃዋሚ ድርጅቶች ጋር ለመስራትና ለመግባባት መወሰኑ እንደ አንድ ገንቢ ውሳኔ ተወስዶለታል። የተለያዩ በአገር ቤትና በውጭ ያሉ የኦሮሚያ ተቀናቃኝ ድርጅቶችም በይፋ ድጋፋቸውን ሰጥተዋል። የዜናው ሰዎች እንደሚሉት አዲሱ የአቶ ለማ ካቢኔ በክልሉ ያለውን የፖለቲካ ውጥረት ካስወገደ ፣ በቀጥታ ወደ ኢንደስትሪ አብዮት የመዛወር እቅዱን ተግባራዊ ያደርጋል።

ይህ ሲሆን የኤፈርት የንግድ ድርጅቶች በሞኖፖል የያዙትን ንግድ ሙሉ በሙሉ ይረከባል። በኮንትሮባንድ ንግድ ላይ የጸጥታ፡ ሃይልና ህዝብ በአንድነት እየወሰዱ ያሉትን እርምጃ አድንቆ ” ግፉበት፣ አድርቁት” ሲል ድጋፍና ትዕዛዝ የሰጠው ኦህዴድ ውሳኔውና አካሄዱ ከላይ የተባለውን የሚያጠናክር ሆኖ ተገኝቷል። የዜናውን ዝርዝር እናቀርባለን

Advertisements

Leave a Reply

This site uses Akismet to reduce spam. Learn how your comment data is processed.

You may missed

%d bloggers like this: