ከኦብነግ ጋር ድርድር ኢትዮጵያ ወዴት? ለተናጠል ሩጫ ወደፊት!!

ነጻነት፣ ካሳ፣ የራስን እድል በራስ መወሰን፣ የሚሉት ጉዳዮች ዋንኛ የመደራደሪያ ማእዘኖች መሆናቸውን የኦጋዴን ነጻ አውጪ ግንባር ኦብነግ አመራር ተናገረዋል። አክለውም በዚህኛው ድርድር ተስፋ ስለመኖሩም ፍንጭ ሰጥተዋል። ከኢህአዴግ ወገን የሶማሌ ክልል ሊቀመንበር ድርድሩ ላይ ተዋናይ መሆናቸው ይፋ ሆኗል። ጉዳዩ የሚከታተሉ ዛሬ ኢትዮጵያ የፖለቲካ ቀውስ ላይ ባለችብት፣ ሚሊዮን የኦሮሞ ተወላጆች በተፈናቀሉበት ማግስት፣ የህወሃትና የሶማሌ ክልል ፍቅር እጅግ ገኖ በወጣበት ወቅት ላይ መሆኑ ድርድሩን አስጊ አድርጎታል።

 

 

ogaden

ከዚህ ቀደም ለፈረሱት ሁለት ድርድሮች ውኛ ምክንያት ኦብነግ የኢትዮጵያን ህገ መንግስት ባለመቀበሉ እንደሆነ የሚያስታውሱ ዛሬ ኦብነግ ካነሳቸውና ይፋ ካደረጋቸው አበይት ጉዳዮች አንጻር ድርድሩ ፈርተውታል። ኦጋዴንን ለመገንጠል የሚታገለው ኦብነግ በድርድሩ በግልጽ የመቶ አመት ወረራ ጉዳይ የድርድሩ ቅድሚያ ጉዳይ መሆኑንን፣ ራስን በራስ የማስተዳደር ጥያቄው የማይታጠፍ እንደሆነ በይፋ መናገሩ ብቻ ሳይሆን ” ዛሬ አገሪቱ ባለችበት የፖለቲካ አጣብቂኝ ሕዝብን ዝም ማሰኘት አይቻልም” ሲሉ ቃል አቀባዩ በድፍረት መናገራቸው የጉዳዩን አሳሳቢነት ያመላክታል።

የአይሲጂ የምስራቅ አፍሪካ ፕሮጀክት ሃላፊ ረሺድ አሊ ኦብነግ ህገመንግስቱ አልወቅም ማለቱን ገልጸዋል። ይህ ማለት ቀደም ሲል በኢህአዴግ በኩል ቅድሚያ የነበረው ጉዳይ ተነስቷል ማለት ነው። ምንም እንኳ ከኢህአዴግ ወገን በድርድሩ ዙሪያ የተባለ ነገር ባይኖርም፣ ኦብነግ ይህንን ላለማለቱ ማስተባበያ አልተሰማም። 

ውስጥ ውስጡን ሲብላላ የነበረው ይህ ጉዳይ ለአገር አደጋ መሆኑንና በኢትዮጵያ ላይ የተቃጣ ሴራ መሆኑንን ሪፖርቶች ያመለክታሉ። ኢካድኤፍ የሚከተለውን ዘግቧል።

የኦጋዴን ነፃ አውጪ ግንባርና የወያኔ ድርድር በኢትዮጵያ አንድነት ላይ የተቃጣ ሴራ!

ከዶ/ር ዲማ ነገዎ፣ ፕ/ር ጌታቸው በጋሻው እና ሻለቃ ዳዊት ወልደጊዮርጊስ

ከታማኝ ምንጮች እንደተረዳነው በወያኔና በኦብነግ መካከል ሲካሄድ የቆየው ውይይት በመጠናቀቅ ላይ ነው:: በናይሮቢ ተጀምሮ በዱበይ ከተማ ሲካሔድ ቆይቶ አሁን እንደገና ወደ ናይሮቢ ተመልሶ ፍፃሜ ላይ መድረሱን ምንጮቻችን ገልፀዋል:: ይህ ሤራ ወያኔ ኢትዮጵያን ረግጦ  ገዝቶ ለመኖር ካልቻለ ኢትዮጵያን ሽብር  ውስጥ  ከቶ ትግራይን ለመገንጠልና የትግራይን ሪፑብሊክን ለማቋቋም ያለውን ግልፅ አቋም በተግባር እየተረጎመ መሆኑን ያሳያል::

የኦብነግ አላማ ከስር መሰረቱና እስካሁን ድረስ  ኦጋዴንን ለመገንጠል መሆኑን በብዙ ጥናቶች ተጠቁሟል:: በቅርቡም በሻለቃ ዳዊት ተፅፎ በድህረ ገፆች ላይ የተለጠፈውን ጥናት ይህንኑ  ጠቋሚ ነው::

የኦብነግ አላማ ከወያኔ አላማ ጋር ተመሳሳይነት አለው:: ኦብነግ ኢትዮጵያን አዳክሞ : ኦጋዴንን ከኦሮሞ ከአማራ  እና ከሌሎችም ብሔረሰቦች ነፃ አድርጎ በተዳከመችና ሽብር ላይ በምትኖር ኢትዮጵያ ላይ ነፃነቱን ለማወጅ ነው :: ይህ ሊሆን የሚችለው ወይ ከወያኔ ጋር በመተባበር ፤ አለያም  ደግሞ በኢትዮጵያ  ሕዝብ ትግል የወያኔ የጦር ሀይል ተዝረክርኮና ተዳክሞ የኦጋዴንን ተገንጣይ ሀይል ለመቋቋም  አቅም የማይኖረው ደረጃ ላይ ሲደርስ ነው:: ኦብነግ በዚህ ከሕዝብ ጀርባ ከሕወሓት የጦር አዛዦች ጋር የሚደረግ ድርድር ላይ መገኘቱ ፤ ከወያኔ ጋር መተባበር ቀላሉና ፍላጎቱን ለማሳካት አቋራጭ  እድል አድርጎት ይሆናል::

ዛሬ የአማራና የኦሮሞ መተባበር ወያኔን ከባድ ሥጋት ላይ ጥሎታል:: ወያኔ የኦሮሞንና የአማራን መተባበር ሲከላከልና   በመሀላቸው ነዋሪና ዘላቂ ልዮነቶችና ግጭቶች እንዲኖር ያላደረገው ነገር አለመኖሩን የኢትዮጵያ ሕዝብ ያውቃል:: የሁለቱ ሕዝቦች መተባበር የኢትዮጵያን አንድነትና ሉአላዊነት እንዲሁም የወያኔን የበላይነት የሚደመስስ መሆኑን ስለተረዱት ብዙ ሤራዎች ሸርበው: ብዙ ግድያዎች ፈፅመው : ለብዙ ሕዝብ መፈናቀልና መሰደድ ምክንያት ከሆኑ በሗላ ዛሬ ማጠፊያው አጥሯቸው እራሳቸው ባዘጋጁት ማነቆ ውስጥ ገብተዋል::

ኦሮሞና አማራው ብቻ ሳይሆን መላው የኢትዮጵያ ሕዝብ የኢትዮጵያን አንድነት የሚፈታተኑ ሀይሎችን ሁሉ ለመዋጋትና ለመታገል ዝግጁ መሆኑን አገር አቀፍ በሆነ ንቅናቄው እያሳየ ይገኛል:: የኢትዮጵያ ሕዝብ በአንድነቱ ላይ ያለውን የማይናወጽ አቋም ከአጥናፍ እስከ አጥናፍ  እያስተጋባ ነው ::

ይህ ሕዝባዊ ንቅናቄ ወደኃላ የሚመልሰው ምንም ሀይል አለመኖሩን ወያኔ ስለተረዳ የሕዝቡን ድምፅ እድምጦና ተረድቶ የሽግግር መንግስት አቋቁሞ ሁኔታዎችን ከማረጋጋት ይልቅ ወደ ተፀነሰበት ትግራይን የመገንጠል አላማ እየተጓዘ መሆኑ በመሬት ላይ የሚታዩ እርምጃዎቹ ይጠቁማሉ::

የወያኔ አላማ የኦብነግን ሰራዊት በመጠቀም በኦሮሞ: በአማራውና በደቡብ ህዝቦች ላይ በመዝመት በዚህ ትርምስ ውስጥ የኦጋዴንና የትግራይን መገንጠል ዕውን ለማድረግ ነው:: ( ታላቁ ሴራ በሚል ርዕስ ወያኔ ኢትዮጵያ ሊገባ ሲል የተፃፈውን ማንበብ ይጠቅማል)

ይህ የወያኔና የኦብነግ ሰራዊት አንድነት መፍጠር ኢትዮጵያን ወዳልታሰበ ፍፁም አደገኛ ወደሆነ ሌላ ትርምስ ውስጥ ሊከታት እንደሆነ መላው የኢትዮጵያ ሕዝብ ሊረዳው ይገባል::

ኦህዴድ እና ብአዴን እንደ ድርጅት እስከዛሬ የወሰዳችሁትና እየወሰዳችሁት ያለው አወንታዊ እርምጃዎች እንደተጠበቁ ሆነው: በሰከነ ልቦና ይህንን ሴራ መርምራችሁ በየድርጅቶቻችሁ ሕልውናና በምትወክሉት ህዝብ ላይ የተቃጣውን ዘመቻ በትብብርና በአንድነት ለመቋቋም በአጣዳፊ መዘጋጀት ሁኔታው ግድ ይላል::

ለኢትዮጵያ አንድነት የቆማችሁ ሁሉ ዛሬ ዘር ፤ ሐይማኖት ፤ የፓለቲካና     የቋንቋ ልዩነት ፤ ሳይለያያችሁ ይህንን አደገኛ ሃገር የማፍረስ ሴራ ለማክሸፍ የተጀመረውን ትግል ማጠናከር አለባችሁ::

ይህ ለጥቂቶች የማይተው እውነተኛ  አገር አድን  ዘመቻ ነው::

በኢትዮጵያ አንድነት ላይ የምታምኑ ፤ የኢትዮጵያ የፖለቲካና የሲቪክ ድርጅቶች ፤ የሀይማኖት ኣባቶች ፤ በተሰማራችሁበት ዘርፍ ተቃውሞአችሁን አሰሙ ::

ለኢትዮጲያ አንድነት የቆማችሁ የሶሻል ሚዲያ የሬዲዮ : የጋዜጣ : የቴሌቭዥንና የድህረ ገፅ ሚዲያዎች ሁሉ ያላችሁን መድረክ ወገን ሳትለዩ ለዚህ አንገብጋቢ ጉዳይ ውይይት አውሉት::

ይንንም ኢሳትን ኦኤምኤን: ገበታ ሚድያ ሕብር ሬድዮ የአማርኛና የኦሮሚኛ የቴሌቭዥንና ሬድዮ ፤ ጣቢያዎችን ያጠቃልላል::

በዚህ አጋጣሚ የሃገራችንና የሕዝባችን ሕልውና  የከፋ አደጋ ላይ ከመውደቁ በፊት ፤ ሁሉም በየመስኩ ሁኔታውን እየተከታተለ በአንድ የኢትዮጵያዊነት ድምጽ ትግሉን ያስተባብር :: የምንዘላለፍበት ፤ የምንሰዳደብበት እና የምንወቃቀስበት ጊዜ አይደለም:: በታሪክ እንደታየው ታላቅ ፈተና ሲመጣ በአንድነት የምንቆምበት ጊዜ ነው::

ዶ/ር ዲማ ነገዎ

ፕ/ር ጌታቸው በጋሻው

ሻለቃ ዳዊት ወልደጊዮርጊስ

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s