ቃለምልልስ ክፍል 2 -“በዚህ ህዝብ ተማምነን ማድረግ የሚገባንን ነገር ያለ ፍራቻና መሸማቀቅ አድርገነዋል፤እስከመጨረሻው በሕዝባችን አናፍርም “

 

እኔ ዛሬ ብወድቅ ብቻዬን አልወደቅኩም፤ ህዝብን አስከትለን ስለሆነ የምንቀመጥበት መቀመጫ የህዝባችን ማንነት እንጂ የግላችን አይደለም፡፡ የእኔ መውደቅ መድከም ለዚህ ህዝብ የሚያመጣዉ ተጽእኖ አለ፡፡ ስለዚህ በጥንቃቄ መስራት ያስፈልጋል፡፡ በመደጋገፍና በመተጋገዝ መስራት ያስፈልጋል፡፡

ክፍል ሁለት

በሀገራች ደረጃ ያለዉን ቸግር ለመፍታት በምናደርገዉ እንቅስቃሴ በክልል ያለውን ችግር በመሰረቱ ካልፈታን እንደ መዋጮ አስር ሰውና ከዚያ በላይ ወደ ፌዴራል አመራር መላክ ቀጣይነት ያለዉ መፍትሄ ልናመጣ አንችልም፡፡ መጀመሪያ ክልላችን መሰረቱ የጠነከረ መሆን ይገባዋል፤ በሁለት እግር መቆም ይኖርበታል፤ ካሁን በኋላ የሚሆነው ጠንካራ ትግል ነው፡ ዝም ብለን ለአጭር ጊዜ ኃላፊነት ወስደን መመለስ ከሆነ ማንም ሰው የፈለገበት ቦታ መሄድ ይቻላል፡፡ ነገር ግን የተገኘውን ዕድል ዘላቂ ለማድረግ አስበንበት እስትራቲጂክ በሆነ መንገድ መስራት ይኖርብናል፡፡ በተለይ በክልል ደረጃ ፍፃሜ ሳያገኙ የቆዩ የቤት ስራዎችን ሙሉ ማድረግ አስፈላጊ ነው፡፡ ሙሉ አድርገን ማናችንም በፈለግን ቦታ፤ ደረጃ መስራት እንችላለን፡፡ በክልል ደረጃ ተጨባጭ ለዉጥ ካመጣን ጠይቀን ሳይሆን ተጠይቀን መስራት እንችላለን ብዬ ተስፋ አደርጋለሁ፡፡ አሁን ብዙ የቤት ስራ አለብን፤ ድርጅታችንን ጠንካራ ድርጅት ማድረግ አለብን፤ በጣም ብዙ ነገር ማስተካከል አለብን፡፡ በራሱ የሚተማመን ቀን ከሌሊት ሰርቶ ስር-ነቀል ለውጥ የሚያስገኝ ጠንካራ ክልላዊ መንግስት መፍጠር ይጠበቅብናል፡፡ አሁን ባለዉ ተጨባጭ ሁኔታ የህዝባችንን የሞራል እና ኢኮኖሚ ጥያቄ የመመለስ አቅም በቂ አይደለም፡፡ የኢኮኖሚ ጥያቄ መመለስ ይኖርብናል፡፡ በኦሮሚያ ያለን የሰው ሀብት፣ የተፈጥሮ ሀብት በማቀናጀት ለውጥ ማምጣት አለብን፡፡ ለዚህ ደግሞ አሁን ባሰብነው መንገድ ከሰራን ረጅም መንገድ ያስኬደናል ብለን ስለምናምን በአንድ አቋም መፅናት ነዉ ያለብን፡፡ 

ለግል ስም ከሆነ ማንም ያላገኘውን ዕድል ነው ያገኘሁት፡፡ ነገር ግን እኔ ምኖረዉ ለግል ስሜ ሳይሆን ለህዝቤ ነው፡፡ ለህዝቤ ደግሞ መሥራት በምችለው ቦታ ላይ ነው መሥራት አለብኝ፡፡ ምክንያቱም ክብር፤ ሞገስና ፍቅር አጎናፅፎ ለዚህ ያበቃኝ የለማ የግል ብቃትና ችሎታ አይደለም፤ይህ ህዝብ ነው፡፡ ዬት ጋር ብሰራ ነው ዉጤት ላመጣ የምችለው የሚለውን አስቤ ከማንኛውም ነገር ነፃ በመሆን መሥራት አለብኝ፡፡ በሥልጣን ዕይታ ካየነው ማንም ሰው ያላገኘውን ዕድል ነው ያገኘሁት፡፡ ቢሆንም ባይሆንም ዛሬ መቀበል ነው የሚገባኝ፡፡ እሱ ሳይሆን ግን እኔ የግል ክብር የለኝም፡፡ ክብሬ ከህዝቤ ጋር ነው፡፡ ይሄ ህዝብ ክብር ሲያገኝ ነው እኔም አብሬ የምክብረው፡፡ በዚህ መልኩ ነው እየሰራን ያለነው፡፡ በዚህ ረገድ ህዝባችን ምንም ጥርጣሬ ሊገባው አይገባም፡


መርሳት የለሌብን ነገር ቢኖር በአንዳንድ አሉታዊ ንክኪዎች አንተ እንዲህ አድርግ፣ አንተ ደግሞ እንዲህ ሁን ብሎ ዛሬ በሚታየዉ መልኩ የሚንሰራ ከሆነ ህዝባችንን አሳፍረናል፤ የፈሰሰዉን ደም ዋጋ አሳጥተናል ማለት ነዉ፡፡ ስለዚህ በዚህ አንሰራም፡፡ ለህዝባችን ቃል በገባነዉ መሠረት እንጂ፡፡ ዛሬም ነገም ቃላችንን አንሸራርፍም፡፡ የምንሰራዉም ማንንም በመስማት ሳይሆን ህዝባችንን በመስማት ይሆናል፡፡ ይህ አቋም አይሸራረፍም፡፡ እዚህ ያደረስነዉን ወደኃላ የሚመልስ የለም፡፡ ዋናዉ ጉዳይ ግን ሁሉም ነገር በብልኃት፣ ዲሞክራቲክና በተደራጀ መንገድ መሆን አለበት፡፡ ከአሁን በኃላ በተናጠል የሚሰራ አመራር የለም፡፡ ሁሉም በቡድን መንፈስ ነዉ የሚሰራዉ፡፡ በዚህ መልክ ተግባብተን እየሠራን ነዉ፤ በዚህ አጋጣሚ ደግሞ ይበልጥ አጠንክረን በአንድ ሀሳብ፣ በአንድ አቋም፣ በአንድ እይታ ተቀናጅቶ የሚሠራ አመራር መሆን አለብን፡፡ በዚህ መልኩ ኮሚቴያችን አምኖኝ ተቀብሎኛል፡፡ የኦሮሚያ ካቢኔዎች እንዲሁ በዚሁ መልክ ሀሳቡን ተቀብሏል፤ ይህን ደግሞ ማጠናከር ነዉ፡፡ አመራሩን ማብቃት አለብን፡፡ አንድ ሰዉ አንድ ሰዉ ነዉ፤ ጠንካራ አመራር ማፍራት አለብን፤ በምኞት ብቻ አላማችንን ማሳካት አይቻልም፤ ወደ ተግባር መቀየርና የትም ቦታ ሆነን መገኘት አለብን፡ በልጠን መገኘት አለብን፡ ዛሬ እዚህ ካልተሰራ ከየትም ሊመጣ አይችልም፡፡ ትልቅ ዕድል እጃችን ላይ ነው፡፡ ትልቅ እድል ነው ለኛ ውድቀት አይደለም፡፡ ልንጠቀምበት ይገባል፡፡ እስከ ዛሬ ለህዝባችን ትልቅ ውጤት አስገኝተናል ብለን እናምናለን፡፡ ጠንክረን ሰርተን ከኦሮሚያ አልፈን ህዝባችን የተናቀበትን፡ ሌላን ማስተዳደር ይቅርና እራሱን እንደማያስተዳድር ተደርጎ የነበረውን የመቶ ዓመት ጥያቄን አልፈን ዛሬ ሀገራችን ህዝቦች ኦሮሞ ያስተዳድረናል የሚልበት ደረጃ ላይ ደርሰናል፡፡ እንዲሁ አልመጣም በሥራ እንጂ፤ ታሪክ ተቀይሯል ከመቶ ሃምሳ ዓመት በላይ የነበረብንን እድፍ ታጥበናል፡፡ በዚህ ደረጃ የኦሮሞ ታጋዮች በጋራ ትግል እዚህ ደርሰናል፡፡ቀጥሎም እንደዚያዉ ነው መሆን የምንመኘው እውን ሆነን ምኞቱን ማረጋገጥ ያለብን የቤት ሥራ ነው፡፡ 

እኔ ዛሬ ብወድቅ ብቻዬን አልወደቅኩም፤ ህዝብን አስከትለን ስለሆነ የምንቀመጥበት መቀመጫ የህዝባችን ማንነት እንጂ የግላችን አይደለም፡፡ የእኔ መውደቅ መድከም ለዚህ ህዝብ የሚያመጣዉ ተጽእኖ አለ፡፡ ስለዚህ በጥንቃቄ መስራት ያስፈልጋል፡፡ በመደጋገፍና በመተጋገዝ መስራት ያስፈልጋል፡፡ በተገኘው ዕድል መጠቀም እንጂ ወዲያ ወዲህ የምናይበት ጊዜ አይደለም፡፡ ማፈራረስ አይደለም የምንፈልገዉ፤ መተቻቸት አይደለም የሚፈለግብን፤ በየትም በኩል የህዝባችንን ምኞትና ጥቅም ማስጠበቅ ነው፡፡ ይሄንም ከግብ ለማድረስ የሰራንበት ጉዳይ ስለሆነ ህዝባችን በዚህ በኩል ሊረዳን ይገባል፡፡ 

 

…እኔ ዛሬ ብወድቅ ብቻዬን አልወደቅኩም፤ ህዝብን አስከትለን ስለሆነ የምንቀመጥበት መቀመጫ የህዝባችን ማንነት እንጂ የግላችን አይደለም፡፡ የእኔ መውደቅ መድከም ለዚህ ህዝብ የሚያመጣዉ ተጽእኖ አለ፡፡ ስለዚህ በጥንቃቄ መስራት ያስፈልጋል፡፡ በመደጋገፍና በመተጋገዝ መስራት ያስፈልጋል፡፡


የወሰነዉ ዉሳኔ የሌላ አካል ጫና አለበት ብሎ ለሚጠራጠር ማንም ሰው ግልፅ ሊሆን የሚገባው በማንም ጫናና ተፅዕኖ አልሰራንም፡፡ ግልጽ ሊሆንለት ይገባል፡፡ እኔ መገፋት ያለበትን ገፍቼ፤ ማድረግ ያለብኝን አድርጌ ዛሬ ላይ ደርሼ በማንኛውም አካል ግፊት የምወስን ከሆነ ይሄን ህዝብን መናቅ ይሆናል፡፡ የህዝቡንም ትግል ዋጋ ማሳጣት ነው፡፡ በፍጹም አናደርግም፡፡ መታወቅ ያለበት ጉዳይ ነገሮችን በፖለቲካ አይን መመልከት ነው፡፡ በቅድሚያ ማየት ያለብን እኛ የምንፈልገው ቤታችንን ማድዳት ነው ራሳችንን ነፃ ማድረግ ነው ሌላ ነገር የለም፡፡ 
ይሄን በአጽንኦት መመለከት ይኖርብናል፡፡ ለኔ የማንም ሰው ግፊት/ ጫና/ አይደለም፤ ለህዝቤ ብሠራ ይበልጥ ውጤት ማምጣት እችላለሁ ብዬ አምናለሁ፡፡ ዛሬም ነገም የጀመርነው ወደ ኃላ ሊንሸራተት ይችላል የህዝብ ትግል ወደ ኋላ ይቀለበሳል ብዬ አይደለም፤ ነገር ግን መስተካከል ያለበቸው ብዙ ነገሮች አሉ፡፡ 

ዛሬ ወጥተን ለመታየታችን እኔ በግሌ የሰራሁት ልዩ ሥራ አለ ብዬ አላስብም፡፡ ለዚህ ክብር ያበቃን ይሄ ህዝብ ነው፡፡ እኔ በግሌ ከማንም በልጬ አይደለም፡፡ በዚህ ህዝብ ተማምነን ደግሞ ማድረግ የሚገባንን ነገር ያለ ፍራቻና መሸማቀቅ አድርገነዋል፡፡ የተማመነው በእነርሱ ነው፡፡ ክብርና ሞገስ ያጎናፀፈንን እና ዕውቅና የሰጠንን ህዝብ ተማምነን ነው የሰራነው፡፡ ነገም በዚህ እይታ ነው የምንሰራው ዛሬም ቢሆን ይህን ህዝብ ለማዋረድ ብለን አይደለም በቅድሚያ ግን ቤታችን ውስጥ ያላፀዳነው ነገር አለ፡፡ ያልሰራነው ነገር አለ፡፡ እሱን አልጨረስንም ይህንን መዘንጋት የለብንም ዛሬም ተንኮልና ሴራ አይሰራብንም ብለን የምናስብ ከሆነ ተሳስተናል፡፡ አቅማችንን ማጎልበት ይቀረናል፡፡ አንድነታችንን ማጠናከር ይቀረናል፡፡ ጠንካራ ለህዝብ የሚሰራና ህዝባዊ ድጋፍ ያለው ድርጅት ለመገንባት ልንሰራ ይገባል፡፡ ኦህዴድን እንደ አዲስ ልንሰራው ይገባል ስንል ይህንን ድርጅት ማንም ሊሰራው አይገባም ማለታችን ነዉ፡፡ እንደ ጀመርኩት እኔም መሥራት ይገባኛል ብዬ አስባለሁ፡፡ አብሮኝ ከሚሰራ ኃይልና አመራር ጋር መሥራት ይገባኛል ብዬ አስባለሁ፡፡ ይሄ ክልል፤ ክልል ብቻ አይደለም ትልቅ ሐገር ነው፡፡ በዚህ ክልል ትልቅ ሀብት አለ፡፡ ግን አልሰራንበትም፡፡ ይህቺን ሀገር ለመለወጥ ኦሮሚያን መቀየር አለብን ብለን ነበር፡፡ እሱን ልንሰራ ይገባል፡፡ ለዚህ ደግሞ አቅማችን ሊበታተን አይገባም፡፡ ስለሆነም እዚህ ያለውን መሥራት ይገባናል፡፡ ለእኔ ህዝቤ ያንን መመኘቱ ክብር ነው፡ ክብርን ያጎናፀፈኝ ነው፡፡ ስለዚህ እኔም ይህን ክብር ሳይሸራረፍ ለማስጠበቅ ትናንትና ህይወቴን ሰጥቼ እንደሰራሁት ሁሉ ነገም ለእሱ እሰራለሁ፡፡ ለእሱ ስሰራለትም ዬት ቦታ ውጤታማ እንሆናለን በሚለው አግባብ እኔም ሆንኩኝ ድርጅቴ አይተን ፈፅመናል፡፡ ስለሆነም አንዳንድ ነገሮች በዕድል እጃችን ይግቡ እንጂ በመሃከላችንና በጓዳችን ማስተካከል የሚገቡን አንዳንድ ነገሮች አሉ፡፡ ይህ ማለት ለማ ነገ ወደ ታሰበው ቦታ የመምጣት ዕድሉ ተዘጋ ማለት አይደለም፡፡ በጓዳችንና በቀዬአችን ያለውን ነገር ሁሉ አስተካክለን ከጨረስን ሳንወድ የግድ መንገዱ አጭር ይሆናል፤ የሚል ግምት አለኝ፡፡ 

አይደለም በኦሮሚያ በዚህች ሀገር በዬትኛውም ደረጃ ሰርተንም ሆነ መርተን ለውጥ ማምጣት እንችላለን፡፡ በሀገሪቱ GDP ውስጥ የክልሉ ድርሻ ወሳኝ ነው፡፡ እውነት ይህችን ሀገር መቀየር ከተፈለገ በክልሉ ላይ ነው መሰራት ያለበት፡፡ ይሁን እንጂ እኛ ሀገሪቱን መቀየር አይደለም የድሀውን ህዝብና ኦሮሞ ኑሮ መቀየር አlቻልንም፡፡ ዛሬም ለም መሬት ላይ ተቀምጦ እየተራበና እየተጠማ ያለ ህዝብ አለን፡፡ መጀመሪያ እሱን መቀየር አለብን፤ ይህንን ከቀየርን ለወደፊትም ጊዜ አለ፡፡ ነገ በዬትኛውም ቦታ ለማም ይምጣ ገመቹ እሱ ምንም አይደለም መንገድ ብቻ ይከፈት መጀመሪያ እሱን እንቀይር፡ መንገድ ተከፍቶ የተሟላ አቅም ኖሮን አንድነት ኖሮን ይህንን መጎናፀፍ የሚያስችለን አቅም ካለ፤ አይደለም ዛሬ ነገም ማንም በቀጣይነት ሊመጣበት ይችላል፡፡ ይህንን ልንዘነጋው አይገባም ስለሆነም በዚህ ደረጃ ልንሰራ ይገባል፡ አንድ ሰው አንድ ነው፡፡ አንድ ሰው ድርሻ የለውም ማለት አይደለም፡፡ ነገሮችን በመለወጥ ውስጥ ድርሻ አለው፡፡ ነገር ግን አንድ ሰው፤ ያዉ አንድ ሰው ነው:: ከልብ የሚሰራ ትልቅ ኃይል ከሥሩ ማደራጀት አለበት፡፡ በዬትኛውም ጊዜ በማንኛውም ሰአት በሚመጣ ንፋስ የማይናወጥ ሰው ሊኖረን ይገባል እንጂ በግል ቢንጠላጠል ረዥም መንገድ መሄድ አይችልም፡፡ 

ስለዚህ ይሄን አውቀን ጠንክረን መስራት ይገባናል፡፡ ይህን ሁሉ እናደርጋለን ስንል ለኦሮሞ ብቻ ሳይሆን ለመላው ሀገሪቱ ብሔሮች ብሔረሰቦችና ህዝቦች ነው፡፡ እኛ በየትኛውም ደረጃ ኦሮሞ የአመራርነት ድርሻ ወስዶ ይምራ ስንል የኦሮሞ የባላይነት እንዲመጣ አይደለም፤ የብሔሮች ብሔረሰቦችና ሕዝቦች እኩልነት እንዲረጋገጥ ነው፡፡ ይህች ሀገር ሰላም አግኝታ ቀጣይ ሆና እንድትኖር ነው ኦሮሞ እየታገለ ያለው፡፡ ይህም ከግብ እንዲደርስ ከየአቅጣጫዉ በማየት መስራት ይጠይቀናል፡፡ ይህ ነው ግባችን፡፡ ለዚህ ደግሞ በየትኛውም ቦታ ይሁን ወደ ጨዋታው እስከገባን ድረስ የተሻለ የሚጫወትበት ቦታ ላይ መጫወት ነው፡፡ ለምሳሌ ወደ ፌደራል የምንልካቸው ሰዎች ብቻቸውን ምንም መሥራት አይችሉም፡፡ ዕድላቸውን የሚወስነው እኛ የምንሠራው ሥራ ነው፡፡ በሀሳብ እንደ ምሰሶ ካልደገፍናቸዉ ቅርንጫፍ ሆነው ነዉ የሚቀሩት፡፡ እናም ምሶሶ እና ግንድ ላይ እንስራ፡፡ ግንዱ ጠንካራ ከሆነ ቅርንጫፉ የትም መሄድ አይችልም በዚህ ላይ በብስለት ልንሰራ ይገባል፡፡ ወደኃላ ማለት የለብንም ብለን ነው እነጂ የሚገባበት ቦታ ገብተን ለመስራት ማናችንም የምናቅማማበት ጊዜ ላይ አይደለንም፡፡ ከዚህ ወደ ኃላ አንልም ይህ ሲሆን ግን እኔ በግሌ ብቻዬን ወደፊት ወጥቼ ሁሉንም ነገር አሳካለሁ ማለት አይደለም ፡፡ እንደ አመራር መሥራት የሚችሉትንም ማብቃት አለብኝ፡፡ ሌሎች ለነገ አመራርነት ብቁ የሆኑ፤ ፖለቲካው ገብቷቸው ሊሰሩበት የሚችሉ ቆራጥ፤ ተቆርቋሪ፤ ልባም፤ ሙሉ ዕውቀትና ክህሎት ያላቸውን አምጥቶ በማለማመድ መሥራት ትልቅ ጥበብና አመራርነት ይጠይቃል፡፡ እንዲህ እየሠራን ነው የመጣነው፡፡

እኔም በግሌ ዛሬ የዚህች ሀገር አመራር ብሆን፤ ማንም ያላገኘውን ዕድል እንዳገኘሁ ይሰማኛል፡፡ ይቅርና በኢትዮጵያ በአሜሪካ ውስጥ ሰው ለስልጣንና ለወንበር ብሎ ነው ይገዳደል የነበረው፡፡ ለግል ስም ከሆነ ማንም ያላገኘውን ዕድል ነው ያገኘሁት፡፡ ነገር ግን እኔ ምኖረዉ ለግል ስሜ ሳይሆን ለህዝቤ ነው፡፡ ለህዝቤ ደግሞ መሥራት በምችለው ቦታ ላይ ነው መሥራት አለብኝ፡፡ ምክንያቱም ክብር፤ ሞገስና ፍቅር አጎናፅፎ ለዚህ ያበቃኝ የለማ የግል ብቃትና ችሎታ አይደለም፤ይህ ህዝብ ነው፡፡ ዬት ጋር ብሰራ ነው ዉጤት ላመጣ የምችለው የሚለውን አስቤ ከማንኛውም ነገር ነፃ በመሆን መሥራት አለብኝ፡፡ በሥልጣን ዕይታ ካየነው ማንም ሰው ያላገኘውን ዕድል ነው ያገኘሁት፡፡ ቢሆንም ባይሆንም ዛሬ መቀበል ነው የሚገባኝ፡፡ እሱ ሳይሆን ግን እኔ የግል ክብር የለኝም፡፡ ክብሬ ከህዝቤ ጋር ነው፡፡ ይሄ ህዝብ ክብር ሲያገኝ ነው እኔም አብሬ የምክብረው፡፡ በዚህ መልኩ ነው እየሰራን ያለነው፡፡ በዚህ ረገድ ህዝባችን ምንም ጥርጣሬ ሊገባው አይገባም፡፡ ድርጅታችን የሚወስነው ውሳኔ ባለን እዉቀት፣ አቅማችን በፈቀደውና በተረዳነው መንገድ ሁሉ ይህንን ህዝብ በሚጠቅም መንገድ ነው እየሰራን ያለነው፡፡ እዚህ ደረጃ ላይ ከደረስን በኋላ ሌላ አካል ፈርተዉ፣ በሌላ ትእዛዝ ይሰራሉ ብሎ የሚያስብ ሰው ካለ ሞኝ ነው፡፡ ኦህዴድ እዚህ ደረጃ ላይ ከደረሰ በህዋላ ታዞ የሚሰራ ከሆነ ሞኝ ነው ማለት ነዉ፡፡ ለራሱ ይጠፋል እንጂ ይህን ህዝብ ማጥፋት አይችልም፡፡ የዚህን ህዝብ ትግልም ሊያጨልም አይችልም፡፡ የህዝባቸንን ትግል አናጠፋውም፤ ይበልጥ ጎልቶ እንዲታይ መሥራትና በበሳል መንገድ ነው መጓዝ ያለብን፡፡

ባለፉት ዓመታት ሲሰሩ የነበሩ ነገሮች ምንድናቸው? ከላይ ያለው ንፋስ ምን ይመስላል? በዚህ ውስጥ በምን ወቅት ነው ለውጥ ማምጣት የምንችለው? የሚሉትን በሰከነ መንገድ ማየት አስፈላጊ ነው፡፡ በዚህ መልኩ ተረጋግተን በማየት ነው ውሳኔ ላይ የደረስነው፡፡ በመሆኑም ህዝባችን፣ የድርጅታችን አባላትና የመንግስት መዋቅርም ጥርጣሬ ሊገባቸው አይገባም፡፡ ይህ ስኬታማ እንዲሆን ተረዳድተን መሥራት ይገባናል፡፡ ትናንት በጋራ የጀመርነውን ትግል ከግብ ለማድረስ አውቀን በመግባባት ከፊታችን ለሚጠብቀን ትግል ዝግጁ ልንሆን ይገባል፡፡ እዚህ ውሳኔ ላይ የደረስነው ለህዝባችን ጥቅም በማስብ እንጂ ሌላ ጉዳይ ኑሮን አይደለም፡፡ ለግለሰብ ወንበርና ጥቅም ተብሎ ሳይሆን ለህዝብ ጥቅም መሆኑ ሊታወቅ ይገባል፡፡

ገለቶማ!

 
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s